Лука 21:12 - Од Соткс Новый Завет на мордовском-мокша языке 2016

¹² Семботь тянь улемда инголе кармайхть кунцемонт тинь, Монь инксон панцемонт, макссемонт синагогас и пякстамгудга, и вяттядязь оцязорхнень и оцюнятнень инголи;

Лука 21:12 ပူးပေါင်းရင်းမြစ်များ

Матфей 22:6

А лиятне кундазь кучф покодиензон, пикссезь синь и шавозь.

Матфей 24:8

Сембось тя ули, кода шачфтомъётконь маятаматнень ушеткссна.

Лука 21:11

васток-васток улихть вии модашерьхкомат, сайхть вача пинкт и куломань урмат, и менельста эвондайхть эвфти и оцюдонга оцю тяштькст.

Иоанн 15:20

Мяляфтость, мезе Мон азонь тейнть: покодись аф сяда оцю азоронц коряс. Кда Монь панцемазь, тиньге кармайхть панцемонт; кда Монь валозень кулхцондозь, кулхцондсазь тиннетьке.

Иоанн 15:21

Сембонь тянь тисазь тейнть Монь лемозень инкса, сяс мес аф содасазь Монь Кучиезень.

Апостолхнень тевсна 22:30

Омбоце шиня тёжянень оцюнясь валхфтозень Павелонь кядьста-пильгста цинзерхнень и тертьфтезень озксвятиень оцюнятнень и марнек Оцю пуромксть, а сяльде лихтезе Павелонь и ладязе инголест. Сон ёрась сяда лац содамс, мезьса муворгофнесазь еврейхне Павелонь.

Апостолхнень тевсна 5:40

Синь мяльс путозь Гамалиилонь валонзон. Меки тердезь апостолхнень, пикссефтезь, кардазь корхтамда Иисусонь лемса и нолдазь.

Апостолхнень тевсна 8:3

А Савл тяряфтсь машфтомс кемаень пуромксть; якась кудста кудс, сявондезень алятнень, аватнень и ёрязень пякстамгуду.

Апостолхнень тевсна 9:4

Сон прась модать лангс и кульсь вайгяль, кона корхтась тейнза: «Савл, Савл, мес тон панят Эсон?»

Пёторонь васенце сёрмац 2:13

Азорть инкса уледа кулхцондыкс масторлангонь сембе оцюнятненди: оцязорти, сяс мес сон сембонь лангса азор,

Иоаннонди панчф няйфкс 2:10

Тят пеле сянь эзда, мезе тейть сави кирдемс. Ламотнень эздонт идемэвозсь ёрдасыне пякстамгуду. Тя ули тейнть кемамань варжамакс. Кемонь шит кармайхть люпштама эсонт, но сяка, тяк кадонда кемамацень, кда мянь сави куломс. И эста, кода сяськити, Мон максса тейть эряфонь каштазть.