Лука 2:9 - Од Соткс Новый Завет на мордовском-мокша языке 2016

⁹ Апак учт инголест эвондась Азорть ангелоц, и синь валдоптозень Азорть иневалдоц. Синь сявозень оцюдонга оцю пелема.

Лука 2:9 ပူးပေါင်းရင်းမြစ်များ

Матфей 1:20

Мзярда Иосиф арьсезевсь тянь колга, онозонза эвондась Азорть ангелоц и мярьгсь: «Иосиф, Давидонь юромста цёра! Тят пеле сявомс рьвакс Мариянь; шабась, конань сон каннесы, Иняру Ваймопожфть эзда.

Лука 1:28

Ангелсь сась тейнза и мярьгсь: «Шумбрат! Тейть максовсь Шкайть эзда пароказне! Азорсь мархтот! Тон бславафат аватнень ёткса».

Лука 2:8

Ошть маластонь паксяса ульсть учань ваныхть, конат веть ванфтозь эсь учаснон.

Лука 24:4

Мзярс синь абонкшнесть, апак учт инголест эвондасть пиндолды щамса кафта алят.

Иоанн 12:41

Исаия тянь азозе, сяс мес няезе Христость оцюшинц и корхтась Сонь колганза.

Апостолхнень тевсна 12:7

Апак учентт эвондась Азорть ангелоц, и пякстамгудть потмонц вандолгофтозе валдсь. Ангелсь бокапяльти тостяфтозь сргозьфтезе Пёторонь, мярьгсь: «Стяк куроконе!» Цинзерхне эстокиге прасть Пёторонь кядьста.

Апостолхнень тевсна 27:23

Сяс мес тя веня тейне эвондакшнесь ангел. Сон сась Шкайть эзда, конаннян мон и конанди покодян,

Апостолхнень тевсна 5:19

Но веть Азорть ангелоц панжезень пякстамгудть кенкшензон и, лихтемок синь тоста, мярьгсь:

Павелонь омбоце сёрмац Коринфу 3:18

И сембе минь, конат аф вельхтяф шамаса ваныхть Азорть иневалдонц вандолдоманц лангс, кода ванома пачк, полафттама, арамок Сонь лацонза. Тянь вельде Сонь иневалдоц сядонга касы минь эсонк. Тянь тиендьсы Азорсь, кона Ваймопожф.

Павелонь омбоце сёрмац Коринфу 4:6

Сонць Шкайсь, кона мярьгсь: «Катк шобдаста валдопты валдсь», – валдоптозе минь седиеньконь. Тяфта Сон макссь тейнек содамоши Эсь иневалдонц колга, кона вандолды Христость шамаса.

Павелонь васенце сёрмац Тимофеенди 3:16

И афкукс виде: минь кемаманьконь салавашиц инь оцю: Шкайсь сась ломанень ронгса, Иняру Ваймопожфсь няфтезе Сонь видексшинц, Сонь няезь ангелхне; Сонь колганза кулясь пачфтьфоль ломаньтналхненди, Тейнза кемасть масторлангса, и Сон иневалдса кепотьфоль менельти.

Еврейхненди сёрмась 12:21

И сяшкава эвфти ульсь тя няемась-кулемась, мянь Моисейге мярьгсь: «Мон пелян и трнатан».

Иоаннонди панчф няйфкс 18:1

Тяда меле мон няень лия ангел, кона валгондсь менельста. Сонь ульсь оцюдонга оцю азорксшиц, и модась вандолгодсь сонь иневалдонц эзда.

Иоаннонди панчф няйфкс 20:11

Тяда меле мон няень оцюдонга оцю акша оцязоронь озама васта и Сянь, кие озадоль лангсонза. Сонь шамаликонц эзда ворьгодсть модась и менельсь, и синь прокс юмасть.