Лука 17:30 - Од Соткс Новый Завет на мордовском-мокша языке 2016

³⁰ Тяфта ули ся шистонга, мзярда эвондай Ломанень Цёрась.

Лука 17:30 ပူးပေါင်းရင်းမြစ်များ

Матфей 16:27

Вдь Ломанень Цёрась сай Алянц иневалдсонза и Эсь ангелонзон мархта, и эста эрь ломанть казьсы тиф тевонзон коряс.

Матфей 24:3

Мзярда Иисус ащесь озада Вайшуфта пандть лангса, нажядсть Тейнза ськамост тонафниенза и кизефтезь: «Азк тейнек, мзярда тя кармай улема? И кодама тяштьксонь коряс минь содасаськ Тонь самацень и тя пингть пенц?»

Матфей 24:37

Кода ульсь Ноень пингста, стане ули Ломанень Цёрать сама шистонзовок.

Матфей 24:39

Ломаттне ашезь сода, мезе ули сай пингть, мзярс ашезь са оцюдонга оцю шадось и ашезень юмафта синь сембонь. Тяфта кармай улема и Ломанень Цёрать самстовок.

Матфей 26:64

Иисус каршезонза корхтай: «Тон тянь азыть. И нинге тейнть мярьган: курок тинь няйсасть Ломанень Цёрать, кона ащи озада Виить види кядь ширесонза и кона сай менелень коволхнень лангса».

Марк 13:26

Эста няйсазь Ломанень Цёрать инь оцю вийсонза и иневалдсонза коволхнень лангса саманц.

Лука 17:24

Кода ёндолсь кфчядемста валдоптсы менельть педа-пес, тяфтамкс ули Ломанень Цёраське сама шистонза.

Лука 17:29

Но ся шиня, мзярда Лот лиссь Содомста, тусь менельста толонь и палыкандоронь пизем и машфтозень сембонь.

Лука 21:22

Вдь тя – кяжень пандома шитне, и пяшкодеви сембось, мезе инголькиге азфоль Сёрматфксса.

Лука 21:27

Эста няйсазь Ломанень Цёрать инь оцю вийсонза и иневалдсонза коволхнень лангса саманц.

Павелонь васенце сёрмац Коринфу 1:7

сяс тинь кядьсонт сембе казнетне Иисус Христос Азороньконь эвондаманц учемста.

Павелонь васенце сёрмац Коринфу 1:8

Сон кемокстадязь тинь петь самс, и тянь вельде тинь ульхтяда аф муворуфт Иисус Христос Азороньконь сама шистонза.

Павелонь сёрмац Колоссав 3:4

Христоссь – тинь эряфонте, и мзярда Сон эвондай, эста тиньге эвондатада Сонь мархтонза иневалдса.

Павелонь омбоце сёрмац Фессалоникав 1:7

А вага тейнть, конат тяни кирдихть люпштамат, Сон минь мархтонк марса максы ваймама ся шиня, мзярда Иисус Азорсь эвондай менельста вии ангелонзон мархта,

Пёторонь васенце сёрмац 1:13

Сяс, аноклада тиендемс Шкаень тев. Тинь, кода ёню ломатть, сембоса надияда Шкаень пароказнеть лангс, кона максови тейнть Иисус Христосонь самстонза.

Пёторонь васенце сёрмац 1:7

Мянь зрняське варчсеви-серепневи толса, тянь вельде няфтеви сонь афкуксшиц. Тяконь лаца тинь кемамантевок, кона сяда питни юмай зрнять коряс, варжави-сяряптеви ня стакашитнень вельде: улеза тинь кемаманте шнама вастокс, иневалдокс и пара лувксокс Иисус Христосонь сама шистонза.

Пёторонь васенце сёрмац 4:13

Меколанкт, кеняртькшнеда, мес тиньге явсасть Христость мархта марса Сонь маятаманзон. И мзярда панжеви Сонь иневалдоц, эста тинь карматада кеняртькшнема оцю кенярдемаса.

Иоаннонь васенце сёрмац 2:28

И сяс, идне, фалу эряда Христость эса. Кда тинь карматада тяфта тиендема, эста, Христость самстонза, минь аф пелезь и аф виздезь аратама Сонь шамаликонц инголе.

Иоаннонь васенце сёрмац 3:2

Кельгома ялгат! Минь тяни Шкаень иттяма, но кодамкс ульхтяма сай пингть – нинге ашезь панжев. Аньцек содаф: мзярда сай Христоссь, минь тиефтяма Сонь лацонза, сяс мес няйсаськ Сонь тяфтамкс, кодама Сон афкукс ули.

Иоаннонди панчф няйфкс 1:7

Ванода: Сон сай коволхнень лангса; эрь сельмось няйсы Сонь, няйсазь сятка, кит сялгозь Сонь. И масторлангонь сембе ломаньтналхне аварьгодыхть Сонь инголенза. Тяфта ули! Аминь.