Лука 16:26 - Од Соткс Новый Завет на мордовском-мокша языке 2016

²⁶ Тяка лангс нинге, минь и тинь ётксонк потмаксфтома оцю лотка, сяс, кие ёрай ётамс тяста тейнть – аф ётави, тяфта тостотневок тейнек аф ётавихть".

Лука 16:26 ပူးပေါင်းရင်းမြစ်များ

Матфей 25:46

И синь туйхть пефтома пингонь маятамас, а видексшинь ломаттне – пефтома пингонь эряфс».

Лука 12:59

Корхтаса тейть: аф лисеват тоста, мзярс аф пандсак сембе шумоцень трёшниконьбес».

Лука 16:25

Но Авраам мярьгсь: "Лятфтак, цёрай, тон сявить ни эряфсот сембе пароть, а Лазарь – кальдявть; тяни тяса сон ваймафтови-кемокстави, а тон маятат.

Лука 16:27

Эста козя алясь мярьгсь: "Эняльдян тейть, аляй, кучк сонь алязень куду,

Иоанн 3:36

Кие кемай Цёрати, сянь ули пефтома эряфоц; а Цёрати аф кулхцондысь аф няйсы эряфть, но Шкайть кяжец кадови сонь лангсонза».

Иоаннонди панчф няйфкс 20:10

А идемэвозсь, кона васькафнезень синь, ёрдафоль толонь и палыкандоронь эрьхкти, косольхть ни кяжи жуватась и аф афкуксонь пророксь. Кармайхть тоса синь маятафтомост шинек-венек и пефтома пингс.

Иоаннонди панчф няйфкс 22:11

Катк аф видексшинь тиись, сяда тов тиендьсы эсь аф виде тевонц, катк аф арусь сяда тов тиендеви аф арукс, но видексшинь ломанць катк сяда товга тиенди видешинь тефт, и инярусь катк сяда товга иняруякшни».