Лука 16:15 - Од Соткс Новый Завет на мордовском-мокша языке 2016

¹⁵ Иисус мярьгсь тейст: «Ломаттнень инголе тинь ёратада няфтемс прянтень видексшиса эряй ломанькс, но Шкайти содафт седиенте. Ся, мезсь питни ломаттненди – нильготькс Шкайти.

Лука 16:15 ပူးပေါင်းရင်းမြစ်များ

Матфей 23:5

Семботь тиендьсазь аньцек ломаттненди няфтеманкса. Кодама оцюфт и келихть Сёрматфксть мархта коробканясна и кодама кувакат панарсост цёкне!

Матфей 6:16

«Мзярда кирттяда пост, тяда уле сюнерьготфокс, кода шамафксонь каннихне. Синь якайхть сюнерьготфста, сяс мес ёрайхть няфтемс: кирдихть пост. Видеста корхтан тейнть: синь ни сявозь эсь казнеснон.

Матфей 6:2

Мзярда тон максат ашувонди, тят азонда тянь колга сембонди, кода тиендихть шамафксонь каннихне синагогаса и ульцяса пряснон шнафтоманкса. Видеста корхтан тейнть: синь ни сявозь эсь казнеснон.

Матфей 6:5

«И мзярда озонттада, тяда уле, кода шамафксонь каннихне. Синь кельгсазь синагогаса и ошть ульцянзон ужева озондомс, няелезь синь ломаттне. Видеста корхтан тейнть: синь ни сявозь эсь казнеснон.

Лука 10:29

Но койти тонафтыть мялецоль няфтемс: сон коень ванфты ломань, и сяс мярьгсь Иисусонди: «А кие монь маластонь ломанезе?»

Лука 11:39

Но Азорсь мярьгсь тейнза: «Вов тинь, фарисейхть, штакшнесасть-нарнесасть шаватнень и кядьгонятнень лангснон, а тинцень потмонте пяшксет аф топафневишида и кяжда.

Лука 18:11

Фарисейсь арась и озондсь эсь пачканза тяфта: "Шкай! Сюконян Тейть, мес мон аф стаман, кодапт лия ломаттне, салайхне-нельгихне, кяжень тиихне, усксевихне, али вов кода тя каяфксонь кочкайсь.

Лука 18:14

Азса тейнть, каяфксонь кочкайсь тусь кудозонза видексшинь ломанькс, но аф фарисейсь. Вдь эрсь, кие оцюлгофнесы эсь прянц, ёмлалгофтови, а кие ёмлалгофтсы эсь прянц, ся оцюлгофтови».

Лука 18:21

Сон мярьгсь: «Сембонь тянь пяшкотькшнеса одстокиге».

Лука 18:9

Сятненди, кит лувондозь пряснон видексшиса эряй ломанькс, а лиятнень мезькска ашезь путне, Иисус азондсь тяфтама валвеляфкс:

Лука 20:20

Синь ванондсть Иисусонь мельге и кучсть Тейнза ломатть, конат пряснон няфнезь коень ваны ломанькс. Но афкукс синь кучфтольхть кундамс Иисусонь кодамонга валса и сяльде максомс Римонь азорть кядялу судендамс.

Лука 20:47

Синь сивондьсазь-ётафнесазь удаватнень мекольценяснон и прянь няфтемга ламос озонкшнихть. Синь сяда кемоста улихть судендафт».

Иоанн 2:25

Тейнза ашезь эряв: кивок мезевок азондоль ломаттнень колга, Сон Сонць содазе, мезе эрь ломанть седиса.

Иоанн 21:17

Корхтай тейнза колмоцеда: «Симон, Ионань цёрац, тон кельгсамак Монь?» Пётр ризназевсь, мес колмоцеда кизефтезе сонь «Кельгсамак Монь?» и мярьгсь Тейнза: «Азор! Тон семботь содасак; Тон содасак: мон келькте Тонь». Иисус корхтай тейнза: «Ваныть Монь учанень.

Апостолхнень тевсна 1:18

Ярмакнень лангс, конатнень сявозень равжа тевонц инкса, Иуда рамась пакся, и тоса прась и тапавсь стане, нльне пекоц лопадсь и сембе потмонза лиссть.

Апостолхнень тевсна 1:24

Пуромфне ушедсть озондома, корхтасть: «Азор, Тейть содафт ломанень седихне! Няфтьк тейнек, кинь кафттнень ёткста Тон кочкайть

Апостолхнень тевсна 15:8

И Шкайсь, кона содасыне ломаттнень седиснон, няфтезе Эсь пара мяленц лия тналонь ломаттненди – казсь тейст Иняру Ваймопожф, кода тейнеконга.

Павелонь сёрмац Риму 3:20

Вдь кивок Сонь инголенза аф лувови видексшинь ломанькс сянкса, мес тиенди койть кошардоманзон коряс. Койть вельде ломанти аньцек шарьхкодеви пежесь.

Павелонь сёрмац Риму 8:27

И Шкайсь, конанди содафт минь инь крхка потмомяленьке, содасы, мезень колга арьси Ваймопожфсь, сяс мес Ваймопожфсь озонды-эняльди Шкаень иняру ломаттнень инкса Шкайть мяленц коряс.

Павелонь васенце сёрмац Коринфу 4:5

Сяс пингта инголе киньге тясть суденда, мзярс аф сай Азорсь. Сон валдти лихтьсы семботь, мезе кяшф шобдаса, и тисыне няевиксокс салавань мяльхнень-арьсематнень. Эста эрти максови шнама Шкайть эзда.

Пёторонь васенце сёрмац 3:4

Улеза тинь мазышинте седипотмонь аф юмай мазышикс, кона няеви сятяв и сетьме ваймоса. Тяфтама мазышись питнидонга питни Шкайть сельминголенза.

Пёторонь васенце сёрмац 5:5

Тиньге, од ломатть, уледа кулхцондыкс кемаень пуромксонь оцюнянтенди. И тинь сембе, кулхцондомок фкя-фкянь, киньге инголе тяда оцюлгофне пря, сяс мес Шкайсь ащи каршек прянь няихненди, а сятяв ваймотненди максси пароказне.

Иоаннонди панчф няйфкс 2:23

Сонь мельганза молихненьге кулофтсайне. Эста содасазь сембе кемаень пуромксне: Мон Ся, кие содасыне ломаттнень кяшф мяльснон-арьсемаснон. И ёткстонт эрти Мон максан тевонзон коряс.