Лука 14:26 - Од Соткс Новый Завет на мордовском-мокша языке 2016

²⁶ «Кие сашенды Тейне, а Мондедон пяк кельгсыне алянц и тядянц, рьванц и идензон, брадонзон и сазоронзон, нльне эсь эряфонцка, ся аф улеви Тейне тонафникс;

Лука 14:26 ပူးပေါင်းရင်းမြစ်များ

Матфей 10:37

Кие кельгсы алянц али тядянц Мондедон сяда пяк, ся аф кондясти Тейне; и кие кельгсы цёранц али стиренц Мондедон пяк, ся аф кондясти Тейне.

Лука 14:20

Колмоцесь мярьгсь: "Мон рьвяянь, сяс аф молеван".

Лука 14:25

Иисусонь мархта мольсь лама ломань. Сон шарфтсь тейст и мярьгсь:

Иоанн 12:25

Кие кельгсы эсь эряфонц, юмафтсы сонь; а тя масторлангса эсь эряфонь аф кельгись ванфтсы сонь пефтома эряфти.

Апостолхнень тевсна 20:24

Но мон мезькска аф путса эсь эряфозень, аньцек максоза тейне Шкайсь кеняртьксонь марязь шумордамс кизень и покодемазень, конань сявине Иисус Азорть эзда: азондомс Пара кулять Шкаень пароказнеть колга.

Павелонь сёрмац Риму 9:13

Сёрматфксса тяфта и корхтави: «Иаков тейне кельговсь, а Исав аердавсь».

Павелонь сёрмац Филиппав 3:8

Мон афкукс семботь лувса шавокс, сяс мес Христос Иисус Азорозень содаманц мон лувса сембодонга питникс. Сонь инксонза мон юмафтыне семботь – и тянь семботь мон лувса прокс аф эрявиксокс, сяс мес мялезе сатомс Христость.

Иоаннонди панчф няйфкс 12:11

Синь сяськозь сонь Верозть верса и Шкаень валть пачфнемаса. Синь, нльне, эсь эряфснон аноктольхть максомс, аф пелемок куломать эзда.