Лука 12:28 - Од Соткс Новый Завет на мордовском-мокша языке 2016

²⁸ Кда Шкайсь тяфта щасы тишеть, кона тячи касы паксяса, а ванды ули ёрдаф пянакудс, эста дяряй Сон аф щатядязь тинь? Вай, конашкава ёмла тинь кемаманте!

Лука 12:28 ပူးပေါင်းရင်းမြစ်များ

Матфей 14:31

Иисус эстокиге венептезе кяденц, фатязе сонь и мярьгсь тейнза: «Вай, конашкава ёмла кемамаце! Мес тон юмафнесак кемамать?»

Матфей 16:8

Иисус шарьхкодезе, мезень колга синь арьсихть, и мярьгсь тейст: «Вай, конашкава ёмла тинь кемаманте! Мес тинь корхтатада, аш кшинте?

Матфей 17:17

Иисус мярьгсь: «Вай, тяниень пингонь аф кемай и кольф ломатть! Мзярс Мон карман улема тинь мархтонт? И мзярс карман кирдемонт тинь? Вятесть цёранять тяза Тейне».

Матфей 17:20

Иисус каршезост мярьгсь: «Сяс мес тинь ёмла кемаманте. Видеста корхтан тейнть, кда улель тинь кемаманте хуш горчицань видьмоняшка, и тинь мярьголеде тя пандти: "Ётак тяста тоза", – сон ёталь. Эста мезевок аф тиевикс аф ули тейнть.

Матфей 6:30

Кда Шкайсь тяфта щасы паксянь тишеть, кона тячи касы, а ванды ули ёрдаф пянакудс, эста кали сядонга аф щатядязь тинь? Вай, конашкава ёмла тинь кемаманте!

Матфей 8:26

Иисус корхтай тейст: «Мес тинь тяшкава пельхтяда? Вай, конашкава ёмла тинь кемаманте!» Сяльде Сон стясь, кардазень вармать и ведень комболкснень, и арась пяк сетьме.

Лука 8:25

Эста Сон мярьгсь тейст: «Коса кемаманте?» Тонафниенза эводембачк дивандазь корхтасть фкя-фкянди: «Кие Тя, кона кошярясыне варматьке, ведтьке, и сят кулхцондсазь?»

Еврейхненди сёрмась 6:7

Модась, кона ламоксть валондови-симдеви пизем ведьса, и кона канды лама сёра сятненди, кинди сон аноклави, ули бславаф Шкайть эзда.

Пёторонь васенце сёрмац 1:24

Сёрматфксса корхтави: «Сембе ломаттне – кода тишесь, а сембе синь оцюшисна – кода паксянь панчфсь. Тишесь коськи, панчфське пужи и прай,