Лука 11:39 - Од Соткс Новый Завет на мордовском-мокша языке 2016

³⁹ Но Азорсь мярьгсь тейнза: «Вов тинь, фарисейхть, штакшнесасть-нарнесасть шаватнень и кядьгонятнень лангснон, а тинцень потмонте пяшксет аф топафневишида и кяжда.

Лука 11:39 ပူးပေါင်းရင်းမြစ်များ

Матфей 15:19

Сяс мес ломанень седиста лисихть кальдяв мяльхне-арьсематне, шавоматне, полань полафтоматне, усксевоматне, саламатне, лиянь лангс васькафнематне и сялдоматне.

Матфей 7:15

«Пеледа прорококс прянь тиендида, конат сашендыхть тейнть учань кедьса, а потмоваст синь – пяляз врьгаст.

Лука 16:15

Иисус мярьгсь тейст: «Ломаттнень инголе тинь ёратада няфтемс прянтень видексшиса эряй ломанькс, но Шкайти содафт седиенте. Ся, мезсь питни ломаттненди – нильготькс Шкайти.

Лука 7:13

Няемстонза, Азорти ужялькс арась авась, мярьгсь тейнза: «Тят аварде».

Лука 7:19

кучезень Азорть кизефтемонза: «Тон Ся, конанди эряви самс, али учемс тейнек киньге лиянь?»

Иоанн 12:6

Тяфта сон мярьгсь аф сяс, мес арьсесь ашуфнень колга, а сяс, мес ульсь салай ломань. Сонь кядьсонзоль марстонь ярмак мархта арзянясь и тоза кайсефнень эзда сон сявондель эстейнза.

Иоанн 13:2

Иисус и тонафниенза ётафтозь илядень ярхцамаснон-симомаснон. И идемэвозсь сувафтсь ни Иудать, Симон Искариотонь цёранц седис мяль мимс Иисусть.

Апостолхнень тевсна 5:3

Эста Пётр мярьгсь: «Анания, мес тон нолдайть Сатанать путомс седиезт мяльхть васькафтомс Иняру Ваймопожфть и сёпомс ярмакнень пяльксснон миф паксяцень инкса?

Павелонь сёрмац Галатияв 1:14

Эсь ломаньтналсон фкя кизонь ялганень ёткса мон улень сембода инголе евреень кемамаса. Мон вельф псиста аралань-пяшкодень койхнень, конатнень тейнек кадозь кунардонь пингонь аляньке.

Павелонь омбоце сёрмац Тимофеенди 3:5

Няфнемок эсь пряснон Шкайти кемайкс, потмова синь аердайхть кемамать виенц эзда. Ворьготькшнек тяфтапнень эзда!

Павелонь сёрмац Титонди 1:15

Аруфненди сембось ару. А сятненди, конат аф аруфт и аф кемайхть – тейст мезевок аш ару. Сятнень мяльсна и ваймовайгяльсна тиевсть ни аф арукс.

Иаковонь сёрмац 4:8

Маладода Шкайти, Сонга малады тейнть! Штасть кядентень, пежуфт, и тинь, конатнень мяльсна явфт кафтова, аруяфтость эсь седиентень!