Лука 11:13 - Од Соткс Новый Завет на мордовском-мокша языке 2016

¹³ Тяфта, кда тинь, кяжи ломатть, машттада идентенди макссемс цебярь казнет, эста сядонга Менелень Алясь максы Иняру Ваймопожф сятненди, кит анайхть Сонь кядьстонза!»

Лука 11:13 ပူးပေါင်းရင်းမြစ်များ

Матфей 5:16

Тянь лаца катк тиньге валдонте валдопты ломаттненди, катк синь няйсазь тинь пара тевонтень и шнакшнесазь Алянтень, кона менельса».

Матфей 5:45

Аньцек эста ульхтяда шабакс Менелень Алянтенди, сяс мес Сон шити мярьгонди лисендемс кальдяфнень и цебярьхнень вельхксс, кучси пизем видексшинь ломаттнень лангс и пежуфнень лангс.

Матфей 6:14

Кда тинь карматада нолямост ломаттненди синь пежеснон, эста Менелень Алянтевок тейнть нолдасыне тинь пежентень.

Матфей 6:30

Кда Шкайсь тяфта щасы паксянь тишеть, кона тячи касы, а ванды ули ёрдаф пянакудс, эста кали сядонга аф щатядязь тинь? Вай, конашкава ёмла тинь кемаманте!

Матфей 6:32

Тя афкуксонь Шкайти аф кемайхнень оцю пичефкссна. Тинь Менелень Алянте содасы: тейнть тя сембось эряви.

Матфей 7:11

Кда тинь, кяжи ломатть, машттада шабантенди паронь максома, эста сядонга Менелень Алянте максы парот сятненди, кит анайхть Сонь кядьстонза.

Лука 11:12

Али максы скорпион, мзярда цёрац анай ал?

Лука 11:2

Иисус мярьгсь тейст: «Озондомста корхтада: Аляньке, кона менельса! Катк лувови инярукс Тонь лемце. Катк сай Тонь Оцязорксшице; катк ули Тонь мяльцень коряс, модалангсовок, кода менельса.

Лука 18:7

Кали Шкайсь аф араласыне Эсь кочкафонзон, Тейнза шинек-венек эняльдихнень? Кали Сон аф эряскоды араламост?

Иоанн 4:10

Иисус каршезонза мярьгсь: «Содандярялить Шкайть казненц и Кие корхтай тейть: "Макст Тейне симомс", эста тон тонць аналеть кядьстонза, и Сон максоль тейть эряфонь максы ведь».

Апостолхнень тевсна 2:38

Пётр каршезост мярьгсь: «Кадость пежентень и эздонт эрсь кстиндафтоза пря Иисус Христость лемса пежень нолдаманкса. Эста тейнть казненди максови Иняру Ваймопожф.

Павелонь сёрмац Риму 5:17

Вдь кда фкя зияну тевть инкса, конань тиезе фкя ломань, кармась азорондама куломась, эста сядонга пяк фкя Ломанть, Иисус Христость вельде кармайхть эряма и азорондама сят, кинди максовсть Шкайть козя пароказнец и видексшиц.

Павелонь сёрмац Риму 7:18

Мон содаса: монь эсон, лиякс мярьгомс, колаф обуцясон, аш мезевок цебярь. Монь мялезе тиемс пара, но сон тейне аф тиеви.

Павелонь сёрмац Риму 8:32

Шкайсь, кона ашезе ужяльде Эсь Цёранц, а максозе Сонь куломас минь сембонь инксонк, дяряй аф макссы тейнек Сонь мархтонза семботь лиятьке?

Павелонь сёрмац Титонди 3:3

Вдь минь минцьке мзярда-бди ашеме шарьхкоде, ашеме кулхцонда, минь улеме васькафтфт-эрьготьфт, улеме урекс эрь кодама пежу таколдоматненди и синь топафтомаснонды. Минь эряме кяжса и сельмонь каязь, улеме нильготьксокс и прокс афолеме няе фкя-фкянь.