Лука 1:17 - Од Соткс Новый Завет на мордовском-мокша языке 2016

¹⁷ Сон сай Азорда инголи стамка ваймопожфса и стамка вийса, кодамса сашендсь Илия. Сонь мялец алятнень седиснон шарфтомс эсь идьснонды и аф кулхцодыхнень кошардомс арьсема видексшинь ломаттнень лаца: аральхть Азорти анок ломаньтналкс».

Лука 1:17 ပူးပေါင်းရင်းမြစ်များ

Матфей 11:14

и Иоанн, кда мяленте кемамс – тя Илиясь, конанди эрявсь самс.

Матфей 14:4

сяс мес Иоанн корхнесь Иродонди: «Койс коре тейть аш кода сявомс сонь рьвакс».

Матфей 3:3

Иоанн ульсь ся, конань колга корхтась Исаия пророксь: «Серьгядить вайгялец кайги шавмодаса: "Аноклада Азорти ки, видептесть Тейнза китнень-яттнень"».

Матфей 3:4

Иоаннонь щамоц ульсь ишимонь понаста, перьфксоц карксафоль шнань карксса. Ярхцамбялькс тейнза ульсть паксянь циледихне и вирень медсь.

Лука 1:16

Израилень ломаттнень эзда ламотнень шарфтсыне Азорти, синь Шкайснонды.

Лука 1:76

И тон, идняй, лемдеват Инь Вярденнети прорококс, вдь тон кармат молема Азорть инголе и аноклама Тейнза ки:

Иоанн 1:13

конат шачсть аф вер эзда, афи ронга, афи мирдень мяльста-арьсемаста, а Шкайть эзда.

Иоанн 1:34

Мон тянь няине и азондса: Сон – Шкайть Цёрац».

Иоанн 3:28

Тинь тинць эсь пилесонт кулесть, мезе азонь: "Мон аф Христоссь, но мон кучфан Сонь инголенза".

Апостолхнень тевсна 10:33

Мон эстокиге кучень мельгат, и тон лац тиеть, мес сать. Вов минь сембе пуромоме Шкайть инголе, мяленьке кулемс эздот, мезе кошардсь азомс Шкайсь».

Павелонь сёрмац Риму 9:23

Тяда башка Сон путсь мяль няфтемс пефтома оцю иневалдонц ся кядьготнень лангса, конатнень Сон Эсь кельгозь ужяльдеманц вельде аноклазень иневалдти.

Павелонь сёрмац Колоссав 1:12

Кеняртькс потмоса сюконяда Шкай Аляти, кона макссь тейнек сявомс аноклаф казнеть: улеза миньге пяльксоньке Сонь иняру ломанензон ёткса валдонь Оцязорксшиса.

Павелонь омбоце сёрмац Тимофеенди 2:21

И ся, кие аруяфнесы эсь прянц сембе тя кальдявть эзда, кармай улема оцю тевонди ноляви питни кядьгокс, инярукс, лездыкс кудазорти, и сон кармай аноклаф эрь кодама пара тевонди.

Пёторонь васенце сёрмац 2:9

Но тинь – кочкаф юромсь, Оцязорть озксвятиень оцюнянза, иняру ломаньтналсь, ломаттне, конатнень Шкайсь лувсыне Эсеннекс. Тинь тертьфтяда пачфнемс Сянь пара тевонзон колга, кие лихтедязь тинь шобдаста Эсь мазыдонга мазы валдозонза.

Иоаннонь васенце сёрмац 2:28

И сяс, идне, фалу эряда Христость эса. Кда тинь карматада тяфта тиендема, эста, Христость самстонза, минь аф пелезь и аф виздезь аратама Сонь шамаликонц инголе.

Иоаннонди панчф няйфкс 20:4

Мон няень оцязоронь озама вастт, конатнень лангс озасть сят, кинди максфоль азорксши судендамс. Тяфта жа мон няине сятнень ваймоснон, кинь пряснон керозь Иисусонь колга азондомать инкса и Шкаень валть инкса. Синь ашесть сюконякшне аф кяжи жуватати, аф сонь ликонцты, и ашезь путфта сонь тяштьфксонц аф конязост, аф кядезост. Синь вельмасть и азорондасть Христость мархта тёжянь киза.