Иудань сёрмац 1:20 - Од Соткс Новый Завет на мордовском-мокша языке 2016

²⁰ Но тинь, кельгома ялгане, кемокстада-касода эсь иняру кемамасонт и озондода Иняру Ваймопожфть вятеманц коряс.

Иудань сёрмац 1:20 ပူးပေါင်းရင်းမြစ်များ

Апостолхнень тевсна 15:9

Сон лувозень синь минь мархтонк фкакс, сяс мес кемамаса аруяфтозень синь седиснон.

Апостолхнень тевсна 26:18

Кучте сельмоснон панжема, шобдать эзда валдти шарфтомост, Сатанать азорксшинц эзда – Шкайти. Мондейне кемамать вельде нолдавихть синь пежесна и максови тейст эсь пялькссна сембе иняруяфнень мархта марса".

Апостолхнень тевсна 6:7

Шкаень валсь срадсь-келемсь, и тонафнихнень лувкссна Иерусалимса пяк кассь. Озксвятихненьге эзда пяк ламотне кармасть кемама.

Апостолхнень тевсна 9:31

Тя ёткть Иудеянь, Галилеянь, Самариянь кемаень пуромксненди сась сетьме эряф. Кемаень пуромксне кемокснесть и эрясть Шкайда пелезь, и Иняру Ваймопожфть лездоманц вельде тонафнихнень лувкссна касондсь.

Павелонь сёрмац Риму 15:2

Эрти эздонк эряви ванондомс кемай ялгать мялец, арьсемок сянь колга, мезсь канды тейнза пара и виензафтсы кемаманц.

Павелонь сёрмац Риму 8:15

Вдь тейнть максф Ваймопожфсь – тя аф урексшинь ваймопожф, кона кошардодязь одукс пелезь эряма. Меколанкт, тейнть максф Ваймопожф, кона тиедязь тинь Шкаень идькс! Тя Сон мярьги тердемонза Шкайть: «Авва! Аляй!»

Павелонь васенце сёрмац Коринфу 1:8

Сон кемокстадязь тинь петь самс, и тянь вельде тинь ульхтяда аф муворуфт Иисус Христос Азороньконь сама шистонза.

Павелонь васенце сёрмац Коринфу 10:23

Тинь корхтатада: «Сембось мярьгондеви», но аф сембось канды лезкс. Тинь корхтатада: «Сембось мярьгондеви», но аф сембось касфты-кемокстай.

Павелонь васенце сёрмац Коринфу 14:15

Кода ина улемс? Карман озондома ваймопожфсон, карман озондома эсь ёньцонга. Карман моразь шнамонза Шкайть ваймопожфсон, тяконь лаца карман моразь шнамонза Шкайть эсь ёньцонга.

Павелонь васенце сёрмац Коринфу 14:26

Мезе тянь эзда лисенди, кемай ялгат? Мзярда тинь пуромкшнетяда марса, эрть тинь эздонт ули мезецка лиятненди: шнамань мор, тонафтома, Шкайть эзда панжема, лия кяльхнень лангса корхтама али тя корхтамать смузенц панжемац. И сембось тя катк тиеви кемаень пуромксть касоманкса-кемокстаманкса.

Павелонь сёрмац Галатияв 4:6

Тяни ни тиньге Шкаень иттяда. Тянь няфтеманкса Шкайсь кучезе тинь седиезонт Эсь Цёранц Ваймопожфонц, кона тердьсы Шкайть: «Авва! Аляй!»

Павелонь сёрмац Ефесу 4:12

Тянь вельде Сон анокласыне иняруфнень лездомс ломаттненди Христость ронгонц касфтоманц-кемокстаманц инкса,

Павелонь сёрмац Ефесу 4:16

Сонь вельденза сембе ронгсь сотови и кирдеви марса эрь кодама соткс вельде. Мзярда эрь пялькссь тиендьсы эсь тевонц, эста сембе ронгсь касы и виензави кельгомать вельде.

Павелонь сёрмац Ефесу 4:29

Тяза лисе кургстонт кодамовок наксада вал, а аньцек цебярь валхт, конат лездыхть кемамать касоманцты и кандыхть пара кулхцондыти.

Павелонь сёрмац Ефесу 6:18

Тянь тиендесть эрь кодама озондомаса и эняльдемаса. Сембе пинкнень озондода Иняру Ваймопожфса. Уледа анокт и апак лотксек озондода Шкайти сембе иняру ломаттнень инкса.

Павелонь сёрмац Колоссав 2:7

Кемокстасть унксонтень Христосса и касода-кеподеда Сонь эсонза. Катк кемамась, конанди тинь тонафтфтада, виензай эсонт и катк седиенте фалу ули пяшксе сюконямада.

Павелонь васенце сёрмац Фессалоникав 5:11

Сяс кемокстада фкя-фкянь и касфтода-кеподеда фкя-фкянь, мезе тинь и тиенттяда.

Павелонь васенце сёрмац Тимофеенди 1:4

и аф шарфнихть мяль ёфксненди и пефтома шачема юромонь лепненди. Синь вятнихть валса пялькстомас, и аф лездыхть тиендемс Шкайть мяленц коряс. Шкаень арьсефсь панжеви кемамать вельде.

Павелонь омбоце сёрмац Тимофеенди 1:5

Мон мяляфтса тонь панжадонь седихть кемамацень, кона инголи ульсь тонь Лоида бабацень и Евники тядяцень седисост. Мон кеман, тя кемамась ули тонь седисотка.

Павелонь сёрмац Титонди 1:1

Павел, Шкайть покодиец и Иисус Христосонь апостолоц, кучи пара вал Титонди, марстонь кемамать коряс афкуксонь цёранцты. Улеза тейть пароказне, кельгозь ужяльдема и сетьмоши Шкай Алять и Иисус Христос Азорть, минь Идиеньконь эзда! Мон кучфан кемокстамс Шкаень кочкафнень кемамаснон и шарьхкодемаснон тя видешить колга, кона Шкайть мяленц коряс и кона максы надияма пефтома эрямати. Шкайсь надияфтозе тянь нинге пингть ушедомда инголе, и Сон аф васькафни. Мзярда сась виде пингсь, Сон эвондазе Эсь валонц Пара кулянь азондомазень вельде. Тя тевсь максфоль тейне Шкайть, Минь Идиеньконь кошардоманц коряс.

Иаковонь сёрмац 2:22

Тон няйсак, Авраамонь кемамац ульсь няфтьф тевонзон эса, и ня тефнень вельде сон нинге сяда кемокстась.

Пёторонь омбоце сёрмац 1:1

Симон Пётр, Иисус Христосонь покодиец и апостолоц, кучи пара вал сятненди, кинди, кода тейнековок, максф питнидонга питни кемамась – Шкаеньконь и Идить Иисус Христость видексшинц вельде.

Иоаннонь васенце сёрмац 5:4

Вдь эрь ломанць, кона шачсь Шкайть эзда, сяськсы тя пежу масторлангть. И тя вийсь, кона сяськозе масторлангть, – минь кемаманьке.

Иудань сёрмац 1:3

Кельгомне! Монь пяк мялезель сёрмадомс тейнть марстонь идеманьконь колга, но тяни мон лувине сяда эрявиксокс сёрмадомс тейнть кошардома – тейнть эряви тюремс ся кемамать инкса, кона весть и сембе пинкненди максф Шкаень ломаттненди.

Иоаннонди панчф няйфкс 13:10

Кинди повома полонц, ся пови полонц, кинди кулома тор эзда, ся кулы тор эзда. Тянь эса Шкаень ломаттненди эряви кирдемшка и кемама.