Иудань сёрмац 1:17 - Од Соткс Новый Завет на мордовском-мокша языке 2016

¹⁷ А тейнть, кельгомне, эрявихть мяляфтомс валхне, конатнень аноконди азозь минь Иисус Христос Азороньконь апостолонза.

Иудань сёрмац 1:17 ပူးပေါင်းရင်းမြစ်များ

Апостолхнень тевсна 20:35

Тянь вельде мон няфтине: тейнтьке эряви тяфта покодезь лездомс лафчненди и кирдемс мяльса Иисус Азорть валонзон. Вдь Сон Сонць мярьгсь: "Сяда пара максомс, аф сявомс"».

Павелонь сёрмац Ефесу 2:20

и тиньге путфтада кудъюрть лангс, конань маразь апостолхне и пророкне, и Сонць Иисус Христоссь ащи тоса кудужень кевкс.

Павелонь сёрмац Ефесу 4:11

Сон макссь улемс кинди апостолкс, кинди прорококс, кинди Пара кулянь кандыкс, кинди кемаень пуромксть мельге ваныкс и тонафтыкс.

Еврейхненди сёрмась 2:3

эста дяряй минь мянттяма пандомада, кда тя инь оцю идемать лувсаськ аф питникс? Тя идемать колга васенцекс корхтась Сонць Азорсь, и сят, конат кулезь Сонь валонц, кемокстазь сонь и пачфтезь сонь тейнек.

Пёторонь омбоце сёрмац 3:2

афолесть юкста валхнень, конат инголькиге азфтольхть иняру пророкнень вельде, и Азорть и Идить кошардомвалонц, кона тейнть максф апостолонтень вельде.

Иоаннонь васенце сёрмац 4:6

Но минь Шкайть эзда, и ся, кие содасы Шкайть, кулхцондсамазь минь, а кие аф Шкайть эзда, ся аф кулхцондсамазь. Вов тяфта минь содасаськ видешинь Ваймопожфть и васькафнемань-эрьготьфтемань ваймопожфть.

Иудань сёрмац 1:3

Кельгомне! Монь пяк мялезель сёрмадомс тейнть марстонь идеманьконь колга, но тяни мон лувине сяда эрявиксокс сёрмадомс тейнть кошардома – тейнть эряви тюремс ся кемамать инкса, кона весть и сембе пинкненди максф Шкаень ломаттненди.