Иоаннонь васенце сёрмац 5:6 - Од Соткс Новый Завет на мордовском-мокша языке 2016

⁶ Вага Ся – Иисус Христоссь, кона сась тейнек ведь и вер вельде и Ваймопожфса. Сон сась аф аньцек ведь вельде, Сон сась ведь и вер вельде. И тянь кемокстасы Ваймопожфсь, вдь Ваймопожфсь – тя видеши.

Иоаннонь васенце сёрмац 5:6 ပူးပေါင်းရင်းမြစ်များ

Матфей 26:28

тя Монь верозе, од сотксонь вер, кона валови сембе ломаттнень пежеснон нолдаманкса.

Матфей 3:16

Кстиндамда меле Иисус эстокиге лиссь ведьста, и панжевсь Тейнза менельсь, и няезе Шкаень Ваймопожфть, кона гуляня лаца валгсь Сонь лангозонза.

Марк 14:24

И Сон мярьгсь тейст: «Тя Монь верозе, од сотксонь вер, кона валови сембе ломаттнень инкса.

Лука 22:20

Илядень ярхцамада меле Сон тяконь лаца сявозе кядьготьке и мярьгсь: «Тя кядьгось – од соткс, кона кемокстаф Монь версон; сон валови тинь инксонт.

Иоанн 14:17

Тя Лездысь – видешити вяти Ваймопожф, конань масторлангонь ломаттне аф маштыхть нолдамс эсь седиезост, сяс мес аф няйсазь Сонь и аф содасазь Сонь. А тинь Сонь содасасть, вдь Сон мархтонт и эсонт.

Иоанн 14:6

Иисус мярьгсь тейнза: «Мон – кись, видешись и эряфсь; кивок аф сави Алязень пяли, аньцек кда Монь вельден сай.

Иоанн 15:26

Тейнть сай Лезды, Мон кучса Сонь Алязень эзда. Тя Лездысь – видешити вяти Ваймопожф, кона лиси Алязень эзда. Сон кармай азондома колган.

Иоанн 16:13

А мзярда сай видешити вяти Ваймопожфсь, эста Сон вяттядязь видешить педа-пес шарьхкодеманцты: вдь Сон аф Эсь эздонза кармай корхтама, а корхтасы сянь, мезе маряй, сай пингтьке азсы тейнть.

Иоанн 3:5

Иисус азозе: «Видеста корхтан тейть: кие аф шачи ведьста и Ваймопожфть эзда, ся аф сувави Шкаень Оцязорксшити.

Иоанн 4:10

Иисус каршезонза мярьгсь: «Содандярялить Шкайть казненц и Кие корхтай тейть: "Макст Тейне симомс", эста тон тонць аналеть кядьстонза, и Сон максоль тейть эряфонь максы ведь».

Иоанн 4:14

а кие сими ведьта, конань Мон максса, сянь симомац мзярдовок аф сай. И ведсь, конань Мон максса тейнза, потмосонза тиеви лихтибрякс, конань ведец максы пефтома эряф».

Иоанн 6:55

Вдь Монь ронгозе – афкуксонь ярхцамбяль, и Монь верозе – афкуксонь симомбяль.

Апостолхнень тевсна 8:36

Тя ёткть синь кисна прась ведь малас. Евнухсь мярьгсь: «Вов ведь, мезе тейне шоряй кстиндафтомс пря?»

Павелонь сёрмац Риму 3:25

Шкайсь Сонь арафтозе ладямань озксказнекс, конань версонза аруяфтсыне пежетнень эзда сембонь, кит кемайхть Тейнза. Тяфта Шкайсь няфтезе Эсь видексшинц. Оцю кирдемшканц сюнеда Сон ашезь пантфта шума инголи тиф пежетнень инкса. А тяниень пингть Сон няфнесы Эсь видексшинц тяфта: Сон Сонць видексшинь и лувсыне видексшинь ломанькс сятнень, кит кемайхть Иисусти.

Павелонь сёрмац Ефесу 1:7

И Цёрать эса улемать вельде минь идефтяма Сонь версонза, лиякс, тейнек нолдафт пеженьке. Тяфтама козя Шкайть пароказнец!

Павелонь сёрмац Колоссав 1:4

сяс мес кулеськ тинь кемамантень колга Христос Иисусти и кельгомантень колга сембе иняру ломаттненди.

Павелонь васенце сёрмац Тимофеенди 3:16

И афкукс виде: минь кемаманьконь салавашиц инь оцю: Шкайсь сась ломанень ронгса, Иняру Ваймопожфсь няфтезе Сонь видексшинц, Сонь няезь ангелхне; Сонь колганза кулясь пачфтьфоль ломаньтналхненди, Тейнза кемасть масторлангса, и Сон иневалдса кепотьфоль менельти.

Павелонь сёрмац Титонди 3:5

эста Сон идемазь минь. Шкайсь тиезе тянь аф минь видексшинь тевоньконь коряс, но аньцек Эсь кельгозь ужяльдеманц коряс. Шкайсь аруяфтомазь ваймонь штамать вельде, конаса минь одукс шачеме, и Иняру Ваймопожфсь одкстоптомазь минь.

Еврейхненди сёрмась 10:29

Арьседа, конашкава сяда стака наказама учсы сянь, кие пильгса тапсесы Шкаень Цёрать и аф лувсы инярукс сотксонь верть, конаса сон ульсь иняруяфтф, и кие пароказнень Ваймопожфть сялдсы!

Еврейхненди сёрмась 12:24

Тинь саде Иисусти – од сотксса тевонь якафтыти, и Сонь валф веронцты. Сонь вероц корхтай сяда цебярьста Авелень веронц коряс.

Еврейхненди сёрмась 13:20

Сетьмошинь Шкайсь, кона вельмафтозе кулофнень эзда минь Азороньконь Иисусть (Христость), учань инь оцю Ваныть, и Сонь веронц вельде кемокстазе пефтома пингонь сотксть,

Еврейхненди сёрмась 9:14

эста конашкава сяда аруяфты Христость вероц! Пефтома пингонь Иняру Ваймопожфть вельде Сон кандозе Эсь прянц афсатыксфтома озксказнекс Шкайти. Сонь вероц аруяфтсыне ваймовайгяленьконь кулоф тефнень эзда и тисамазь минь маштовиксокс эряй Шкайть покодемасонза.

Еврейхненди сёрмась 9:7

А иняру кошть потмонь пяльксозонза весть кизоти сувси аньцек озксвятиень оцюнясь и фалу вер мархта. Тя верть сон каннесы эсь инксонза и ломаньтналть пежензон инкса, конатнень синь тиезь аф содамошиснон сюнеда.

Пёторонь васенце сёрмац 1:2

Шкай Аляньке Эсь содаманц-няеманц коряс инголькиге ни кочкадязь тинь и тиедязь Эсь Ваймопожфонц вельде Эстейнза иняру ломанькс. Тяфта тинь тиефтяда кулхцондыкс Иисус Христости и ульхтяда штафт Сонь версонза. Сяда лама пароказнеда и сетьмошида максовоза тейнть!

Пёторонь васенце сёрмац 3:21

Тя ведсь няфнесы кстиндамать, кона тяни тиньге идетядязь. Кстиндамась – тя аф ронгть лангста рдазонь штама, а Шкайть кядьста ару ваймовайгялень вешема. Кстиндамась идетядязь тинь Иисус Христосонь вельмаманц вельде.

Иоаннонь васенце сёрмац 1:7

А кда эрятама-якатама валдса, кода Сонцьке Шкайсь валдса, эста минь ули марстоньшинке фкя-фкянь мархта, и Иисус Христость, Шкаень Цёрать вероц аруяфтсамазь минь эрь кодама пежеда.

Иоаннонь васенце сёрмац 4:10

Афкуксонь кельгомась аф тоса, мес минь кельгсаськ Шкайть, а вов мезьса: Шкайсь Сонць кельгомазь минь и кучезе Эсь Цёранц ладямань канды озксказнекс минь пеженьконь инкса.

Иоаннонди панчф няйфкс 1:5

и Иисус Христость, видеть азондыенц эзда. Сон васенцесь, кие вельмась кулофнень эзда и Сон масторлангонь сембе оцязорхнень азорсна. Сон кельгомазь минь и Эсь версонза аруяфтомазь пеженьконь эзда.

Иоаннонди панчф няйфкс 5:9

Синь морасть од мора: «Тонь оцюшицень коряс Тейть сявови книгась и валхтовихть лангстонза пякстамань тяштьксне, сяс мес Тон улеть печкф и Эсь версот рамайть Шкайти ломаттнень эрь юромста, кяльста, ломаньтналста и масторста.

Иоаннонди панчф няйфкс 7:14

Мон мярьгонь тейнза: «Азор, тон тянь содасак». И сон азозе каршезон: «Нят сят, кит састь оцю маятамаста. Синь муськозь эсь щамснон и акшептозь синь Верозть верса.