Иоаннонь васенце сёрмац 4:7 - Од Соткс Новый Завет на мордовском-мокша языке 2016

⁷ Кельгома ялгат, карматама кельгома фкя-фкянь, вдь кельгомась Шкайть эзда. Эрсь, кие кельги, шачф Шкайть эзда и содасы Шкайть.

Иоаннонь васенце сёрмац 4:7 ပူးပေါင်းရင်းမြစ်များ

Иоанн 13:34

Мон максан тейнть од кошардомвал: кельгода фкя-фкянь. Кода Мон кельгодязь тинь, стане кельгода фкя-фкянь.

Иоанн 17:3

Вага пефтома эряфсь: содамс Тонь, фкя-тяка виде Шкайть, содамс Тонь кучфценьге Иисус Христость.

Павелонь васенце сёрмац Коринфу 8:3

Но кда кие кельгсы Шкайть, сянди максовсь содамоши Шкайть эзда.

Павелонь омбоце сёрмац Коринфу 4:6

Сонць Шкайсь, кона мярьгсь: «Катк шобдаста валдопты валдсь», – валдоптозе минь седиеньконь. Тяфта Сон макссь тейнек содамоши Эсь иневалдонц колга, кона вандолды Христость шамаса.

Павелонь сёрмац Галатияв 4:9

Ина тяни, мзярда тинь содасть Шкайть, сяда лац азомс, мзярда Шкайсь содадязь тинь, кали тинь меки ёратада мрдамс ня лафча и асуфтома вийхненди? Кали меки ёратада арамс тейст урекс?

Павелонь сёрмац Галатияв 5:22

Но Ваймопожфсь касфтсы Эсь иможенц. Тя: кельгомась, кенярдемась, сетьмошись, куватьс кирдемшкась, парошись, ляпошись, кемамась,

Павелонь омбоце сёрмац Тимофеенди 1:7

Сяс мес Шкайсь ашезь макса тейнек пелемань ваймопожф, а макссь виень, кельгомань и шумбра-ару мялень ваймопожф.

Пёторонь васенце сёрмац 1:22

Тяни тинь араде кулхцондыкс видешити, и тянь вельде Ваймопожфсь аруяфтозень тинь ваймонтень и макссь тейнть вий кельгомс эсь кемай ялгантень. Тяфта тиендеда сяда товга: фалу кельгода фкя-фкянь ару седиса.

Иоаннонь васенце сёрмац 2:10

Ся, кие кельгсы эсь кемай ялганц, эряй валдса, и сонь эсонза аш мезевок стама, мезсь вятель пежес.

Иоаннонь васенце сёрмац 2:29

Кда тинь содасасть: Сон фалу тиенди видексшить коряс, эста содасасть тяньге: кие эряй видексшить коряс, ся шачф Шкайть эзда.

Иоаннонь васенце сёрмац 2:3

Кда минь эрятама Шкайть кошардоманзон коряс, эста минь кемокстасаськ эсь пряньконь: минь афкукс содасаськ Сонь.

Иоаннонь васенце сёрмац 2:4

Кие корхтай: «Мон содаса Шкайть», а сонць аф эряй Сонь кошардоманзон коряс, ся васькафни ломань, и сонь эсонза аш видеши.

Иоаннонь васенце сёрмац 2:7

Кельгома ялгане! Мон сёрмадан тейнть аф кодамовок од кошардома, а ташта кошардома, кона содаф тейнть ушетксста сявомок. Ташта кошардомась – тя вал, конань тинь марьсесть ушетксстокиге.

Иоаннонь васенце сёрмац 3:9

Кие шачф Шкайть эзда, ся аф тиенди пеже, вдь сонь эсонза эряй-ащи Шкаень видьмось. Сон афи сувави пежес, сяс мес сон шачф Шкайть эзда.

Иоаннонь васенце сёрмац 4:11

Кельгома ялгат, кда Шкайсь минь тяфта кельгомазь, эста тейнековок эряви кельгомс фкя-фкянь.

Иоаннонь васенце сёрмац 4:12

Шкайть кивок мзярдовок ашезе няенде. Но кда минь фкя-фкянь кельктяма, эста эсонк эряй Шкайсь, и Сонь кельгомац афкукс пяшкодемазь минь.

Иоаннонь васенце сёрмац 4:16

Тяфта минь кармаме содама и кемама: Шкайсь минь кельгсамазь. Шкайсь – тя кельгома, и ся, кие эряй-ащи кельгомаса, эряй Шкайть эса, и Шкайсь эряй ся ломанть эса.

Иоаннонь васенце сёрмац 4:20

Кда кие корхтай: «Мон кельгса Шкайть», а сонць прокс афолезе няе эсь кемай ялганц, ся васькафни ломань. Вдь кие аф кельгсы эсь кемай ялганц, конань няйсы, сянди аф кельгови Шкайське, конань сон ашезе няенде.

Иоаннонь васенце сёрмац 4:8

А кие аф кельги, ся аф содасы Шкайть, сяс мес Шкайсь – тя кельгома.

Иоаннонь васенце сёрмац 5:1

Эрсь, кие кемай: Иисус – тя Христоссь, ся шачф Шкайть эзда. И кие кельгсы Алять, ся кельгсы Сонь эздонза Шачфтьке.

Иоаннонь омбоце сёрмац 1:5

И тяни, азорава, эняльдян тейть: карматама кельгома фкя-фкянь. Мон сёрмадан тейть аф од кошардома, но сянь, конац максфоль тейнек нинге ушетксста сявомок.