Иоаннонь васенце сёрмац 4:4 - Од Соткс Новый Завет на мордовском-мокша языке 2016

⁴ Идне, тинь Шкайть эзда и тинь сяськость тона аф афкуксонь пророкнень. Вдь Ся, кона тинь эсонт, сяда оцю ся ваймопожфть коряс, кона эряй масторлангонь пежу ломаттнень эса.

Иоаннонь васенце сёрмац 4:4 ပူးပေါင်းရင်းမြစ်များ

Иоанн 12:31

Тяни сась масторлангть судендама пингоц; тяни тя масторлангть азороц ули паньф тяста.

Иоанн 14:30

Аф лама ни Тейне корхнемс мархтонт, сяс мес сай тя масторлангть азороц. Монь лангсон сонь азорксшиц аш,

Иоанн 16:11

а судендамась тоса: тя масторлангть азороц судендаф ни.

Иоанн 17:23

Мон синь эсостан, и Тон Монь эсонат. Катк синь марнек улихть фкя седиса-ваймоса. Эста масторлангсь шарьхкодьсы: Тон кучемайть Монь и кельгсайть синь, кода Монь кельгсамак.

Павелонь сёрмац Риму 8:31

Мезе нинге тянь колга азомс? Кда Шкайсь ащи минь инксонк, эста кинь ули виец ащемс тейнек каршек? Киньге аф!

Павелонь сёрмац Риму 8:37

Но семботь тянь педа-пес минь сяськондьсаськ Сянь виенц вельде, кие минь кельгсамазь.

Павелонь васенце сёрмац Коринфу 2:12

Но тейнек максфоль аф тя масторлангть ваймопожфоц, а Шкайть Ваймопожфоц сянь шарьхкодеманкса, мезьса Сон минь каземазь.

Павелонь васенце сёрмац Коринфу 6:13

«Ярхцамбяльсь пекти и пексь ярхцамбяльти». Но Шкайсь машфтсы тяньге, тонаньге. Ронгсь максф аф усксевоманди, а Азорти, и Азорсь ронгти.

Павелонь омбоце сёрмац Коринфу 4:4

Тя масторлангонь шкайсь сокоргофтозень ня аф кемай ломаттнень ёньцнон ва мес: афоль няев тейст Пара кулять валдоц, кона няфнесы Христость иневалдонц. Ина Христоссь Эсь Эсьсонза няфнесы аф няеви Шкайть.

Павелонь омбоце сёрмац Коринфу 6:16

И мезец марстонь Шкаень кудть аф афкуксонь шкайхнень мархта? Вдь тинь – эряй Шкайть кудоц. Шкайсь мярьгсь тяфта: «Мон саян эряма синь мархтост и карман якама синь ётксост. Мон улян тейст Шкайкс, а синь улихть Тейне ломаньтналкс».

Павелонь сёрмац Ефесу 2:2

Синь эсост тинь эряде тя масторлангонь кяжи обуцятнень коряс, максседе пря менель алдонь азорти, ваймопожфти, кона тянивок азорондай сятнень лангса, кие аф кулхцондсы Шкайть.

Павелонь сёрмац Ефесу 3:17

и кемамать вельде седисонт кармай улема Христоссь.

Павелонь сёрмац Ефесу 6:10

И мекольцесь, кемай ялгат, кемокснеда Азорса и Сонь инь оцю вийсонза.

Иоаннонь васенце сёрмац 2:1

Монь идне! Мон тяфта сёрмадан тейнть тянкса: афоледе тиенде пежет. А кда ни кивок тись пеже, эста минь ули тевонь якафтыеньке Алять инголе – Иисус Христоссь, кона тиенди видексшить коряс.

Иоаннонь васенце сёрмац 2:13

Сёрмадан тейнтьке, сирет, сяс мес тинь содасасть Сянь, кие ульсь ушетксстокиге. Сёрмадан тейнть, отт, сяс мес тинь сяськость Кальдявть. Сёрмадан тейнть, иднят, сяс мес тинь содасасть Алять.

Иоаннонь васенце сёрмац 3:20

фалу, мзярда седиеньке муворгофнесамазь минь. Вдь Шкайсь сяда оцю минь седиеньконь коряс и Сон семботь содасы.

Иоаннонь васенце сёрмац 3:24

Кие ванфтсыне Шкайть кошардоманзон, ся эряй Шкайть эса, а Шкайсь эсонза. Сон афкукс эряй минь эсонк, тянь минь содасаськ ся Ваймопожфть коряс, конань Сон максозе тейнек.

Иоаннонь васенце сёрмац 4:13

Сон максозе тейнек Эсь Ваймопожфонц, и сяс содасаськ: минь эрятама Сонь эсонза, а Сон минь эсонк.

Иоаннонь васенце сёрмац 4:16

Тяфта минь кармаме содама и кемама: Шкайсь минь кельгсамазь. Шкайсь – тя кельгома, и ся, кие эряй-ащи кельгомаса, эряй Шкайть эса, и Шкайсь эряй ся ломанть эса.

Иоаннонь васенце сёрмац 4:6

Но минь Шкайть эзда, и ся, кие содасы Шкайть, кулхцондсамазь минь, а кие аф Шкайть эзда, ся аф кулхцондсамазь. Вов тяфта минь содасаськ видешинь Ваймопожфть и васькафнемань-эрьготьфтемань ваймопожфть.

Иоаннонь васенце сёрмац 5:19

Тейнек содаф: минь Шкайть эзда, но сембе тя масторлангсь Кальдявть кядялонза.

Иоаннонь васенце сёрмац 5:4

Вдь эрь ломанць, кона шачсь Шкайть эзда, сяськсы тя пежу масторлангть. И тя вийсь, кона сяськозе масторлангть, – минь кемаманьке.

Иоаннонди панчф няйфкс 12:11

Синь сяськозь сонь Верозть верса и Шкаень валть пачфнемаса. Синь, нльне, эсь эряфснон аноктольхть максомс, аф пелемок куломать эзда.