Иоаннонь васенце сёрмац 3:22 - Од Соткс Новый Завет на мордовском-мокша языке 2016

²² и мезе ба афолеме веше Сонь кядьстонза, Сон макссы тейнек. Вдь минь эрятама Сонь кошардоманзон коряс и тиенттяма сянь, мезе тушенды Сонь мялезонза.

Иоаннонь васенце сёрмац 3:22 ပူးပေါင်းရင်းမြစ်များ

Матфей 17:5

Мзярда сон нинге корхтась, валдтонга валда ковол тавадозень синь. Коволста кулевсь вайгяль: «Тя Монь кельгома Цёразе, Монь кенярдема вастозе. Кулхцондость Сонь!»

Матфей 21:22

Сембось, мезень колга эняльттяда озондомста, максови тейнть, кда тинь кематада».

Марк 11:24

Сяс корхтан тейнть: семботь, мезть тинь анасасть озондомасонт, – кемада: сянь ни тинь сявость, и сявсасть!

Иоанн 14:13

И кда мезевок анатада Алязень кядьста Монь лемсон, сянь тиса, улель няфтьф Алять оцюшиц Цёрасонза.

Иоанн 15:10

Ванфтондярясасть кошардомвалнень, карматада эряма Монь кельгомасон, кода Монга ванфтыне Алязень кошардомвалонзон и эрян Сонь кельгомасонза.

Иоанн 15:7

Кда тинь ульхтяда эсон и Монь валневок улихть тинь эсонт, эста Алязень кядьста анада, мезе мяленте, и максови тейнть.

Иоанн 6:29

Иисус мярьгсь каршезост: «Вов Шкайть мяленц коряс тевсь: кемада Сянди, кинь Сон кучезе».

Иоанн 8:29

Монь Кучиезе мархтон. Сон ашемань када ськамон, сяс мес Мон фалу тиендьса сянь, мезсь туй Сонь мялезонза».

Иоанн 9:31

Но содаф: Шкайсь пежуфнень аф кулхцондсыне; но кие сюконяй Шкайти и тиенди Сонь мяленц коряс, сянь кулхцондсы.

Апостолхнень тевсна 17:30

Ся аф содамань пинкнень Шкайсь кирдсь, но тяни кошардсыне сембе ломаттнень сембе вастова каендама.

Апостолхнень тевсна 20:21

Мон еврейхненьге и аф еврейхненьге тернине шарфтомс Шкайти и кемамс Иисус Христос Азороньконди.

Павелонь сёрмац Филиппав 4:18

Епафродит максозе тейне семботь, мезе тинь кучеде. И тяни монь ули сембозе, мянь эрявикста лама. Тинь казненте – тя кода танцти шинень нолдама, кода озксказне, кона Шкайть мялезонза.

Павелонь сёрмац Колоссав 1:10

эняльттяма: улель тинь эряфонте Шкаень лемть шнаманкса, сембоса тиенделеде Сонь мяленц коряс, и эрь кодама пара тевонте кандоль цебярь имож и касоледе Шкайть содамаса.

Еврейхненди сёрмась 13:21

катк аноклатядязь тинь эрь кодама пара тевонди, и тяфта тинь карматада тиендема Сонь мяленц коряс. И катк Сон Иисус Христосонь вельде тисы эсонт сянь, мезе Сонь мялезонза. Улеза Христости иневалда пефтома пингс! Аминь.

Иаковонь сёрмац 1:5

А кда киндиге тинь эздонт аф сатни смузьши, ся катк веши Шкайть кядьста, и тейнза максови. Вдь Шкайсь сембонди максси пара мяльса и аф апряказь.

Иаковонь сёрмац 4:3

А кда и анатада, тейнть аф максови, сяс мес анатада аф цебяренди, а эсь визькс мялентень петеманкса.

Иаковонь сёрмац 5:16

Сяс виденцяда фкя-фкянди эсь пежентень колга и озондода фкя-фкянь инкса: эста пчкатада. Видексшиса эряй ломанть озондомац пяк лама тии.

Иоаннонь васенце сёрмац 2:3

Кда минь эрятама Шкайть кошардоманзон коряс, эста минь кемокстасаськ эсь пряньконь: минь афкукс содасаськ Сонь.

Иоаннонь васенце сёрмац 5:14

Минь аф пелезь малаткшнетяма Шкайти и кемоста содасаськ: кда минь анатама Шкайть кядьста сянь, мезе Сонь мяленц коряс – Сон марясамазь минь и макссы тейнек анафть.