Иоаннонь васенце сёрмац 3:12 - Од Соткс Новый Завет на мордовском-мокша языке 2016

¹² Тяда уле Каинонь лаца, кона ульсь Кальдявть эзда, и шавозе эсь брадонц. Мезенкса шавозе? Сянкса, мес сонцень тевонза ульсть кяжихть, а брадонц тевонза – видексшинь.

Иоаннонь васенце сёрмац 3:12 ပူးပေါင်းရင်းမြစ်များ

Матфей 13:19

мзярда ломанць маряй Оцязорксшить колга куля и аф шарьхкодьсы сонь, сашенды Кальдявсь и салсесы сянь, мезе видефоль ломанть седизонза: тя ломанць кода ки ваксс праф видьмось.

Матфей 13:38

Паксясь – тя масторлангсь, цебярь видьмотне – Оцязорксшить ломаненза, а сордишетне – Кальдявть ломаненза.

Матфей 23:35

Тинь лангозонт прай муворшись сембе пророкнень верснон инкса, кона валовсь масторлангса, ушедомок видексшинь Авелень веронц эзда и Захариянь, Варахиять цёранц веронц самс, конань тинь шавость Шкаень кудть и инголенза ащи алтарть ёткса.

Матфей 27:23

Пилат кизефнесыне: «Мезень кальдяв Сон тись?» Ломаттне нинге сядонга пешкодсть: «Эськотьк Сонь крёзти!»

Матфей 5:37

Кда мяленте мярьгомс "тяфта", мярьгода – "тяфта", кда мяленте мярьгомс "аф", мярьгода – "аф". А мезе лия тянди поладови – ся Кальдявть эзда».

Лука 11:51

Авелень верста Захарияннети молемс, конань шавозь Шкаень кудть и инголенза ащи алтарть ёткса. Видеста мярьган тейнть: тяниень пингонь эряйхнень кядьста вешеви пророкнень версна.

Иоанн 10:32

Иисус пшкядсь: «Лама цебярь тевда няфтень тейнть Алязень эзда. Ёткстост конань инкса мяленте шавомс Монь кевса?»

Иоанн 8:40

А тяни ёрасамасть шавомс Монь, Ломанть, кона азозе тейнть ся видешить, конань кулезе Шкайть кургста. Авраам лацонт афоль тие.

Иоанн 8:41

Тинь тиендьсасть эсь алянтень тевснон». Тянь каршес мярьгсть Тейнза: «Минь аф лия алянь эзда шачфтама; минь ули фкя аляньке, Шкайсь».

Апостолхнень тевсна 7:52

Кинь пророкнень эзда ашезь панце тинь алянте? Синь шавозь сятнень, кит кунардонь пингть инголькиге азсть Видексшинь Тиить саманц колга, Сянь, конань тинь ня шитнень мисть и шавость!

Павелонь васенце сёрмац Фессалоникав 2:14

Вдь тинь мархтонт, кемай ялгат, лиссь сякось, мезе лиссь Иудеяса Шкайть пуромкссонза Христос Иисусти кемайхнень мархта: тинь кирдеде панцемат эсь юромонь ломанентень эзда, кода синь еврейхнень эзда.

Еврейхненди сёрмась 11:4

Эсь кемаманц вельде Авель кандсь Шкайти сяда цебярь озксказне Каинонь коряс. Сяс мес Авель кемась, Шкайсь шназе сонь и мярьгсь: сон видексшинь ломань, и сявозень кантф казнензон. Тяниенге сонь кемамац тейнек корхтай, хуш сонць Авель ни кулось.

Еврейхненди сёрмась 12:24

Тинь саде Иисусти – од сотксса тевонь якафтыти, и Сонь валф веронцты. Сонь вероц корхтай сяда цебярьста Авелень веронц коряс.

Пёторонь васенце сёрмац 4:4

Сяс тяни, мзярда тинь оду аф тиенттяда Шкаень аф содайхнень мархта визьксонь тефт, синь дивандакшнихть тянди и сялдыхть эсонт кальдяв валса.

Иоаннонь васенце сёрмац 3:8

А кие тиенди пеже, ся идемэвозть эзда, сяс мес идемэвозсь ушетксстокиге тиенди пеже. Сянкса и сась Шкаень Цёрась: машфтомс идемэвозть тевонзон.

Иудань сёрмац 1:11

Кальдяв тейст! Синь молихть Каинонь киге; синь максовсть васькафтомас-эрьготьфтемас ярмакнень инкса, кода Валаам; и синь кулыхть каршек молемать инкса, кода Корей.

Иоаннонди панчф няйфкс 17:6

Мон няине, авась иретьфоль иняруфнень верснон эзда и Иисусонь колга азондыхнень верснон эзда. Сонь няемстонза монь фатямань оцю дивандама.