Иоаннонь васенце сёрмац 2:28 - Од Соткс Новый Завет на мордовском-мокша языке 2016

²⁸ И сяс, идне, фалу эряда Христость эса. Кда тинь карматада тяфта тиендема, эста, Христость самстонза, минь аф пелезь и аф виздезь аратама Сонь шамаликонц инголе.

Иоаннонь васенце сёрмац 2:28 ပူးပေါင်းရင်းမြစ်များ

Матфей 16:27

Вдь Ломанень Цёрась сай Алянц иневалдсонза и Эсь ангелонзон мархта, и эста эрь ломанть казьсы тиф тевонзон коряс.

Матфей 16:28

Видеста корхтан тейнть: тяса ащихнень ёткса улихть стапт, конат нинге аф кенерихть куломс, кода няйсазь Ломанень Цёрать, кона сай Эсь Оцязорксшисонза».

Марк 8:38

Кие виздьсамань Монь и Монь валнень тяниень пежу и Шкайти полафни ломаттнень инголе, сянь Ломанень Цёраське виздьсы, мзярда сай Эсь Алянц иневалдса иняру ангелхнень мархта».

Лука 17:30

Тяфта ули ся шистонга, мзярда эвондай Ломанень Цёрась.

Павелонь сёрмац Риму 9:33

кода тяштьф Сёрматфксса: «Вов, Мон путан Сиону кев, и кармайхть ланганза пупоряма, кев, конань ланга синь прайхть. Но ся, кие кемай Тейнза, аф сувай визькс шамас».

Павелонь васенце сёрмац Коринфу 1:7

сяс тинь кядьсонт сембе казнетне Иисус Христос Азороньконь эвондаманц учемста.

Павелонь васенце сёрмац Коринфу 15:23

Аньцек эрсь вельмай эсь пингстонза: васенда Христоссь; сяльде, мзярда Сон мрдай, сембе Христосоннетне.

Павелонь сёрмац Ефесу 3:12

Сонь Эсонза улемать вельде и Тейнза кемамать вельде минь аф пелезь и кемазь машттама пшкядемс Шкайти.

Павелонь сёрмац Колоссав 3:4

Христоссь – тинь эряфонте, и мзярда Сон эвондай, эста тиньге эвондатада Сонь мархтонза иневалдса.

Павелонь васенце сёрмац Фессалоникав 2:19

Вдь кие ули тейнек надиямакс, кенярдема вастокс и шнамань каштазкс Иисус Христос Азороньконь инголе, мзярда Сон сай? Кие, кда аф тинь?

Павелонь васенце сёрмац Фессалоникав 3:13

И тянь вельде катк Сон кемокстасыне тинь седиентень улемс аф гастяфокс и инярукс Шкайть, минь Аляньконь инголе, ся шить самс, мзярда минь Азороньке Иисус мрдай сембе иняру ломанензон мархта. Аминь.

Павелонь васенце сёрмац Фессалоникав 5:23

Катк Сонць Шкайсь, сетьмошинь лихтибрясь, иняруяфттядязь тинь марнек. И катк сембось тинь эсонт: ваймопожфське, ваймоське, ронгське – ванфтовихть аруста Иисус Христос Азороньконь мрдаманцты.

Павелонь васенце сёрмац Тимофеенди 6:14

аруста и видеста тик семботь сянь, мезенди мон тонь кошардыхтень, мянь Иисус Христос Азороньконь сама шинцты.

Павелонь омбоце сёрмац Тимофеенди 4:8

Тяни тейне ванфневи видексшинь каштазсь, конань тейне макссы Азорсь, видексшинь Судьясь, ся мекольдень шиста. И аф аньцек тейне, а тяфта жа сембонди, конат седи ваксста учсезь Сонь саманц.

Павелонь сёрмац Титонди 2:13

Минь учендсаськ павазу надиямать пяшкодеманц, инь оцю Шкайть и минь Идиеньконь Иисус Христость иневалдонц саманц.

Еврейхненди сёрмась 9:28

тяфта Христосовок весть максозе Эсь прянц озксказнекс ламоц ломаттнень пежеснон сявоманкса. Омбоцеда Сон сай аф пежеть инкса, а сай идемост сятнень, конат учихть Эсонза.

Пёторонь васенце сёрмац 1:7

Мянь зрняське варчсеви-серепневи толса, тянь вельде няфтеви сонь афкуксшиц. Тяконь лаца тинь кемамантевок, кона сяда питни юмай зрнять коряс, варжави-сяряптеви ня стакашитнень вельде: улеза тинь кемаманте шнама вастокс, иневалдокс и пара лувксокс Иисус Христосонь сама шистонза.

Пёторонь васенце сёрмац 5:4

И мзярда сай Инь Оцю Ванысь, эста тейнть максови иневалдонь аф пужи каштазсь.

Иоаннонь васенце сёрмац 2:1

Монь идне! Мон тяфта сёрмадан тейнть тянкса: афоледе тиенде пежет. А кда ни кивок тись пеже, эста минь ули тевонь якафтыеньке Алять инголе – Иисус Христоссь, кона тиенди видексшить коряс.

Иоаннонь васенце сёрмац 3:2

Кельгома ялгат! Минь тяни Шкаень иттяма, но кодамкс ульхтяма сай пингть – нинге ашезь панжев. Аньцек содаф: мзярда сай Христоссь, минь тиефтяма Сонь лацонза, сяс мес няйсаськ Сонь тяфтамкс, кодама Сон афкукс ули.

Иоаннонь васенце сёрмац 3:21

Кельгома ялгат, кда минь седиеньке аф муворгофты эсонк, эста минь аф пельхтяма пшкядемс Шкайти,

Иоаннонь васенце сёрмац 4:17

Тяфта Шкайть кельгомац пяшкоди минь эсонк, и тейнек аф пелезь васьфтеви судонь шись, сяс мес масторлангса минь эрятама ни кода Христоссь.

Иоаннонь васенце сёрмац 5:14

Минь аф пелезь малаткшнетяма Шкайти и кемоста содасаськ: кда минь анатама Шкайть кядьста сянь, мезе Сонь мяленц коряс – Сон марясамазь минь и макссы тейнек анафть.

Иоаннонди панчф няйфкс 1:7

Ванода: Сон сай коволхнень лангса; эрь сельмось няйсы Сонь, няйсазь сятка, кит сялгозь Сонь. И масторлангонь сембе ломаньтналхне аварьгодыхть Сонь инголенза. Тяфта ули! Аминь.