Иоаннонь васенце сёрмац 2:27 - Од Соткс Новый Завет на мордовском-мокша языке 2016

²⁷ Но тинь эсонт эряй Ваймопожфонь вадемась, конань тейнть максозе Шкайсь, и сяс тейнть аф эряви лия тонафты. Тя вадемась сонць тонафттядязь тинь семботи; сон афкуксонь и эсонза аш васькафнема. Сяс тиендеда стане, кода Сон тонафтодязь: фалу эряда Христость эса.

Иоаннонь васенце сёрмац 2:27 ပူးပေါင်းရင်းမြစ်များ

Матфей 13:11

Сон мярьгсь каршезост: «Сяс мес тейнть максф содамс Менелень Оцязорксшить салавашинзон, а тейст тя апак макст.

Иоанн 14:16

Мон эняльдян Алязти, и Сон максы тейнть лия Лезды, кона кармай улема мархтонт пефтома пингс.

Иоанн 14:17

Тя Лездысь – видешити вяти Ваймопожф, конань масторлангонь ломаттне аф маштыхть нолдамс эсь седиезост, сяс мес аф няйсазь Сонь и аф содасазь Сонь. А тинь Сонь содасасть, вдь Сон мархтонт и эсонт.

Иоанн 14:26

А Лездысь, Иняру Ваймопожфсь, конань Алязе кучсы Монь лемсон, тонафттядязь тинь семботи, и лятфтасы мялезонт семботь, мезе Мон корхнень тейнть.

Иоанн 16:13

А мзярда сай видешити вяти Ваймопожфсь, эста Сон вяттядязь видешить педа-пес шарьхкодеманцты: вдь Сон аф Эсь эздонза кармай корхтама, а корхтасы сянь, мезе маряй, сай пингтьке азсы тейнть.

Иоанн 4:14

а кие сими ведьта, конань Мон максса, сянь симомац мзярдовок аф сай. И ведсь, конань Мон максса тейнза, потмосонза тиеви лихтибрякс, конань ведец максы пефтома эряф».

Иоанн 6:45

Пророкнень ули сёрматфсна: "И сембонь тонафтсыне Шкайсь". Эрь ломанць, кона кулхцондозе Алязень и тонадсь эздонза, сай Тейне.

Павелонь васенце сёрмац Коринфу 2:12

Но тейнек максфоль аф тя масторлангть ваймопожфоц, а Шкайть Ваймопожфоц сянь шарьхкодеманкса, мезьса Сон минь каземазь.

Павелонь васенце сёрмац Коринфу 2:13

И минь тянь азондсаськ аф стама валса, конатненди тонафтомазь ломанень смузьшись, а валса, конатненди тонафтомазь Ваймопожфсь. Сясы ваймопожфонь тефнень панчсесаськ ломаттненди Ваймопожфть вельде.

Павелонь омбоце сёрмац Коринфу 1:21

Тя Сонць Шкайсь кемокстамазь минь тинь мархтонт марса Христость эса и тя Сон вадемазь-кочкамазь минь.

Павелонь сёрмац Ефесу 4:21

Тинь афкукс куледе Сонь колганза и Сонь эздонза тонадоде, вдь видешись Иисусть эса.

Павелонь сёрмац Колоссав 2:6

Тинь куледе Христос Иисус Азорть колга и нолдасть Сонь эсь седиезонт, сяс эряда мархтонза марса.

Павелонь васенце сёрмац Фессалоникав 2:13

Минь апак лотксек азонттама сюконяма Шкайти сянкса, мес эздонк кульф Шкаень валть тинь сявость аф кода ломанень вал, а кода Шкаень вал, кодамкс сон афкукс и ули. Сон и тии тев тинь эсонт, кит кемайхть.

Павелонь васенце сёрмац Фессалоникав 4:9

Кемай ялгань кельгомать колга тейнть аф эряви сёрмадомс, сяс мес Сонць Шкайсь тинь тонафтодязь фкя-фкянь кельгома.

Павелонь васенце сёрмац Тимофеенди 2:7

Тянкса Шкайсь путомань Кулянь кандыкс и апостолкс. Мон аф васькафнян, корхтаса видеть Христосса – путфан лия ломаньтналхненди кемамати и видешити тонафтыкс.

Пёторонь васенце сёрмац 1:23

Вдь тинь шачеде одукс аф наксада видьмоста, а Шкайть аф юмай-арай валстонза, кона эряй и кармай эряма пефтома пингс.

Иоаннонь васенце сёрмац 2:28

И сяс, идне, фалу эряда Христость эса. Кда тинь карматада тяфта тиендема, эста, Христость самстонза, минь аф пелезь и аф виздезь аратама Сонь шамаликонц инголе.

Иоаннонь васенце сёрмац 3:24

Кие ванфтсыне Шкайть кошардоманзон, ся эряй Шкайть эса, а Шкайсь эсонза. Сон афкукс эряй минь эсонк, тянь минь содасаськ ся Ваймопожфть коряс, конань Сон максозе тейнек.

Иоаннонь омбоце сёрмац 1:2

Мон кельктядязь тинь ся видешить инкса, кона эряй минь эсонк и кармай улема мархтонк пефтома пингс.