Иоаннонь васенце сёрмац 2:20 - Од Соткс Новый Завет на мордовском-мокша языке 2016

²⁰ А тейнть максовсь Иняруть эзда Ваймопожфонь вадема, и сембонь тинь улихть содамошинте.

Иоаннонь васенце сёрмац 2:20 ပူးပေါင်းရင်းမြစ်များ

Матфей 13:11

Сон мярьгсь каршезост: «Сяс мес тейнть максф содамс Менелень Оцязорксшить салавашинзон, а тейст тя апак макст.

Марк 1:24

«Мезе тейть эздонк эряви, Назаретонь Иисус? Тон сать минь юмафтомс-арафтомс? Мон содате кият Тон, Шкайть Инярувоц!»

Лука 4:18

«Азорть Ваймопожфоц Монь лангсон, сяс мес Сон вадемань-кочкамань Монь пачфтемс Пара кулять ашуфненди. Сон кучемань Монь пчкафтомс кольф седихнень, азомс пякстафненди воляс нолдамаснон колга и сокорхненди сельмонь панжемаснон колга. Сон кучемань Монь нолдафтомост люпштафнень,

Лука 4:34

«Назаретонь Иисус, мезе Тейть миньцтонк эряви? Тон сать юмафтомонк? Мон содате кият, Тон Шкаень Инярусь!»

Иоанн 14:26

А Лездысь, Иняру Ваймопожфсь, конань Алязе кучсы Монь лемсон, тонафттядязь тинь семботи, и лятфтасы мялезонт семботь, мезе Мон корхнень тейнть.

Иоанн 16:13

А мзярда сай видешити вяти Ваймопожфсь, эста Сон вяттядязь видешить педа-пес шарьхкодеманцты: вдь Сон аф Эсь эздонза кармай корхтама, а корхтасы сянь, мезе маряй, сай пингтьке азсы тейнть.

Апостолхнень тевсна 10:38

Тинь кулесть, кода Назаретонь Иисусть Шкайсь вадезе Иняру Ваймопожфса и вийса, содасасть, кода Сон якась сембе вастова, тиендсь цебярь и пчкафнезень сембонь, кие ульсь идемэвозть кядяла, сяс мес мархтонзоль Шкайсь.

Апостолхнень тевсна 3:14

Тинь потаде Иняруть и Видексшинь Тиить эзда и эняльдеде нолдамс ломанень шавить.

Павелонь васенце сёрмац Коринфу 2:15

А вага ломанць, конань эса ули Ваймопожфсь, машты судендамс семботь колга, но сонцень колганза кивок аф судендави.

Еврейхненди сёрмась 1:9

Тон кельгить видешить и прокс ашить кельге койфтома тефнень, сянкса Шкайсь, Тонь Шкайце, вадензе Тонь кеняртьксонь елейса сядонга пяк сятнень коряс, конат мархтот».

Еврейхненди сёрмась 8:11

И эста кивок аф кармай тонафтома эсь маластонц и эсь брадонц тяфтама валса: "Маласта содак Азорть" – сяс мес сембе, ёмланек-оцюнек, кармайхть содамон Монь.

Иоаннонь васенце сёрмац 2:27

Но тинь эсонт эряй Ваймопожфонь вадемась, конань тейнть максозе Шкайсь, и сяс тейнть аф эряви лия тонафты. Тя вадемась сонць тонафттядязь тинь семботи; сон афкуксонь и эсонза аш васькафнема. Сяс тиендеда стане, кода Сон тонафтодязь: фалу эряда Христость эса.

Иоаннонь васенце сёрмац 4:13

Сон максозе тейнек Эсь Ваймопожфонц, и сяс содасаськ: минь эрятама Сонь эсонза, а Сон минь эсонк.

Иудань сёрмац 1:5

Монь мялезе лятфтамс тейнть, хуш тинь содасасть тянь: Азорсь, кона лихтезе Эсь ломаньтналонц Египетонь масторста, меле машфтозень сятнень, кит Тейнза ашесть кема.

Иоаннонди панчф няйфкс 3:7

«Филадельфиянь кемаень пуромксть ангелонцты сёрматт: "Вов мезе корхтай Инярусь и Видесь, конань кядьса Давидонь панжемац; Сон ся, кие панчсы кенкшть – и киндинге аф пякстави; Ся, кие пякстасы кенкшть – и киндинге аф панжеви:

Иоаннонди панчф няйфкс 4:8

Эрь эряй ваймоть ульсть котонь пацясна, и марнек ронгсна вельхтяфтольхть сельмоса, нльне паця алсновок. Синь шинек-венек апак лотксек морафтыхть: «Иняру, иняру, иняру Азор Шкайсь, Семботь Кирдиец, Ся, кие ульсь, ули и сай!»