Иоаннонь васенце сёрмац 2:2 - Од Соткс Новый Завет на мордовском-мокша языке 2016

² Сон ладямань канды озксказне, кона максфоль минь пеженьконь инкса, и аф аньцек миннетнень инкса, а стане жа сембе масторлангть пежензон инкса.

Иоаннонь васенце сёрмац 2:2 ပူးပေါင်းရင်းမြစ်များ

Лука 14:22

Покодиец мрдась и мярьгсь: "Азор, тиф кода мярьготь, и нинге лядсть вастт".

Иоанн 1:29

Омбоце шиня Иоанн няезе ширезонза сай Иисусть и корхтай: «Вов Шкаень Верозсь, кона сявсы Эсь лангозонза сембе масторлангонь пежеть!

Иоанн 12:32

И мзярда Мон масторть лангста кеподеван вяри, сембонь сявсайне Эсь ширезон».

Иоанн 4:42

А ся авати корхтасть: «Кематама ни аф тонь валхнень инкса; минць кулхцондоськ Иисусть и содасаськ: Сон афкукс масторлангть Идиец, Христоссь».

Еврейхненди сёрмась 2:17

Сяс Иисусонди эрявсь сембоса арамс брадонзон лаца. Эста Сон маштоль покодемс кельгозь ужяльди озксвятиень оцюнякс, кона тиенди Шкайть мяленц коряс, и маштоль максомс Эсь прянц озксказнекс ломаттнень пежеснон идемаснон-рамамаснон инкса.

Пёторонь васенце сёрмац 2:24

Сон Сонць Эсь ронгсонза кеподезень минь пеженьконь крёз лангс вов мезенкса: кадомок пеженьконь, эрялеме видексшить коряс. Сонь сярятьфксонзон-аржензон вельде тинь уледе пчкафтфт.

Пёторонь васенце сёрмац 3:18

Вдь Христосовок весть и сембе пинкненди кирдсь маятамат минь пеженьконь инкса: видексшиса эряйсь аф видексшиса эряйхнень инкса, сяс мес Сонь мялецоль вятемс минь Шкайти. Сонь ронгоц ульсь кулофтф, но Сон вельмафтфоль ваймопожфонь эряфти,

Иоаннонь васенце сёрмац 1:7

А кда эрятама-якатама валдса, кода Сонцьке Шкайсь валдса, эста минь ули марстоньшинке фкя-фкянь мархта, и Иисус Христость, Шкаень Цёрать вероц аруяфтсамазь минь эрь кодама пежеда.

Иоаннонь васенце сёрмац 3:5

Но кода тинь содасасть, Христоссь сась минь пеженьконь сявома; а Сонцень эсонза аш кодамовок пеже.

Иоаннонь васенце сёрмац 4:10

Афкуксонь кельгомась аф тоса, мес минь кельгсаськ Шкайть, а вов мезьса: Шкайсь Сонць кельгомазь минь и кучезе Эсь Цёранц ладямань канды озксказнекс минь пеженьконь инкса.

Иоаннонь васенце сёрмац 4:14

Минь минць няеськ и аф сёпозь азонттама тянь колга: Шкай Аляньке кучезе Цёранц идемс масторлангть.

Иоаннонь васенце сёрмац 5:19

Тейнек содаф: минь Шкайть эзда, но сембе тя масторлангсь Кальдявть кядялонза.

Иоаннонди панчф няйфкс 12:9

Кабаконашка драконць, кунардонь куйсь, кона лемневи идемэвозькс и Сатанакс, сембе масторлангонь ломаттнень васькафнисна, ёрдафоль эсь ангелонзон мархта масторлангти.