Иоаннонь васенце сёрмац 1:6 - Од Соткс Новый Завет на мордовском-мокша языке 2016

⁶ Кда корхтатама: «Минь ули марстоньшиньке Сонь мархтонза», – а эрятама-якатама шобдаса, эста минь васькафнетяма и тиенттяма аф видешить коряс.

Иоаннонь васенце сёрмац 1:6 ပူးပေါင်းရင်းမြစ်များ

Матфей 7:22

Ся шиня ламотне мярьгихть Тейне: "Азор! Азор! Дяряй аф Тонь лемсот минь пророчендаме? Аф Тонь лемсот панцеськ кяжи ваймопожфнень ломаттнень эзда? Аф Тонь лемсот тиендеме лама лия вии тевда?"

Иоанн 11:10

А кие якай веть, пупоряй, сяс мес эсонза аш валда».

Иоанн 12:35

Эста Иисус мярьгсь тейст: «Нинге аф лама пингс валдсь ляды мархтонт. Якада, мзярс нинге валдсь мархтонт, афоледязь комача шобдась: кие якай шобдашиса, ся аф содасы, коза моли.

Иоанн 12:46

Мон сань масторлангти валдокс, Тейне фкявок кемайсь афоль ляда шобдашиса.

Иоанн 8:12

Иисус тага корхтась ломаттненди и мярьгсь: «Мон валдсь масторлангти. Кие моли мельган, ся аф якай шобдашиса, но сянь ули эряфонь максы валдоц».

Иоанн 8:55

И тинь ашесть сода Сонь; а Мон Сонь содаса; и кда мярьган: "Аф содаса Сонь", эста аран тинь лацонт кяльготникс. Но Мон содаса Сонь и тиендян Сонь валонц коряс.

Павелонь васенце сёрмац Тимофеенди 4:2

Тяфтама тонафтоматне сайхть аф афкуксонь кемайхнень васькафнемаснон вельде, синь ваймовайгяльсна плхтафт серептьф кшниса, и тейст ни афи кулеви сонь корхтамац.

Иаковонь сёрмац 2:14

Кемай ялгане, кодама лезкс сянь эзда, кда кивок корхтай, бта сон кемай, а тевса тянь кодавок аф няфнесы? Идесы-аф сонь тяфтама кемамась?

Иаковонь сёрмац 2:16

а кивок тинь эздонт мярьги тейнза: «Мольхть сетьмошиса, эжентть и топодемс ярхцак», а сонць аф максы мезе эряви сонь ронгонцты, эста кодама лезкссь сонь валонзон эзда?

Иаковонь сёрмац 2:18

Но кда кивок мярьги: «Тонь ули кемамаце, а монь улихть тевне», эста каршезонза азса: «Няфтьк тейне эсь кемамацень тевфтома, а мон тейть эсь кемамазень няфтьса тевнень вельде».

Иоаннонь васенце сёрмац 1:10

Кда корхтатама: «Минь ашеме тие пеже», – эста минь тисаськ Шкайть васькафникс, и Сонь валоц аш эсонк.

Иоаннонь васенце сёрмац 1:3

Сянь, мезе няеме и кулеме, минь азондсаськ тейнть, сяс мес минь мяленьке: тиньге улель марстоньшинте минь мархтонк; а минь марстоньшиньке Алять и Иисус Христос Цёранц мархта.

Иоаннонь васенце сёрмац 1:8

Кда корхтатама: «Минь аш пеженьке», – эста васькафнесаськ эсь пряньконь и эсонк аш видеши.

Иоаннонь васенце сёрмац 2:4

Кие корхтай: «Мон содаса Шкайть», а сонць аф эряй Сонь кошардоманзон коряс, ся васькафни ломань, и сонь эсонза аш видеши.

Иоаннонь васенце сёрмац 4:20

Кда кие корхтай: «Мон кельгса Шкайть», а сонць прокс афолезе няе эсь кемай ялганц, ся васькафни ломань. Вдь кие аф кельгсы эсь кемай ялганц, конань няйсы, сянди аф кельгови Шкайське, конань сон ашезе няенде.