Иоаннонь васенце сёрмац 1:2 - Од Соткс Новый Завет на мордовском-мокша языке 2016

² Тя эряфсь панжевсь тейнек и минь няеськ сонь. И сяс корхтатама кода няихне-содайхне и пачфнесаськ тейнть тя пефтома эряфть, кона ульсь Алять мархта и тяни панжевсь тейнек.

Иоаннонь васенце сёрмац 1:2 ပူးပေါင်းရင်းမြစ်များ

Иоанн 1:18

Шкайть кивок мзярдовок ашезе няе. Фкя-тяка Шкай Цёрац, кона Эсь Алянц маласа, панжезе Сонь тейнек.

Иоанн 1:4

Сонь эсонза ульсь эряма, и эрямась ульсь ломаттненди валдокс.

Иоанн 10:28

Мон максан тейст пефтома эряф, и синь мзярдонга аф юмайхть; и киндинге аф салавихть Монь кядьстон.

Иоанн 14:6

Иисус мярьгсь тейнза: «Мон – кись, видешись и эряфсь; кивок аф сави Алязень пяли, аньцек кда Монь вельден сай.

Иоанн 15:27

Тиньге карматада азондома, сяс мес тинь ушетксстокиге уледе Монь мархтон».

Иоанн 16:28

Мон сань Алязень ширеста и сань масторлангти; и тяни кадса масторлангть и туян Алязти».

Иоанн 17:3

Вага пефтома эряфсь: содамс Тонь, фкя-тяка виде Шкайть, содамс Тонь кучфценьге Иисус Христость.

Иоанн 17:5

Аляй, тяни Тон няфтьк Монь иневалдозень Эсь ширесот, максомок Тейне ся иневалдть, кона ульсь Монь кядьсон, мзярда Тонь мархтотолень нинге менельть-масторть тиемда инголе».

Иоанн 19:35

Ся, кие няезе тянь эсь сельмосонза, азондозе тянь – тиньге кемаледе. Сонь азондомац виде и сон содасы: корхтасы видеть.

Иоанн 21:14

Тя колмоцеда ни Иисус няфтезе прянц Эсь тонафниензонды кулофнень эзда вельмамдонза меле.

Иоанн 3:13

Кивок ашезь куценде менели, аньцек менельста саф Ломанень Цёрась, менельса улись.

Иоанн 7:29

Мон содаса Сонь, сяс мес Мон сань Сонь ширденза, и Сон кучемань Монь».

Иоанн 8:38

Мон корхтаса сянь, мезе няень Алязень ваксса; а тинь тиендьсасть сянь, мезть кулесть эсь алянтень эзда».

Апостолхнень тевсна 1:22

ушедомок ся пингста, мзярда Иоанн кстиндазе Сонь, и ся шити самс, мзярда Иисус сявфоль эздонк менели. Эздост фкясь катк ули минь мархтонк марса Сонь кулофнень эзда вельмаманц колга азондыкс».

Апостолхнень тевсна 10:41

но аф сембе ломаттненди, а аньцек ся няихненди-азондыхненди, конатнень Сонць кочказень, лиякс мярьгомс – тейнек, конат кулофста вельмамдонза меле мархтонза ярхцаме, симоме.

Апостолхнень тевсна 2:32

Ся Иисусть вельмафтозе Шкайсь, а минь сембе тянь няеськ и тянь колга азонттама.

Апостолхнень тевсна 3:15

Тинь шавость Эряфонь Максыть. Но Шкайсь кеподезе Сонь кулофнень эзда, тянь минь няеськ эсь сельмосонк и тянь колга азонттама.

Апостолхнень тевсна 5:32

Минь тянь няеськ и тянь колга азонттама, минь и Иняру Ваймопожфсь, конань Шкайсь максозе сятненди, кит кулхцондсазь Сонь».

Павелонь сёрмац Риму 8:3

Мезе ульсь аф вийс коре койти, кона лафчель минь колаф обуцяньконь сюнеда, сянь тиезе Шкайсь. Сон озксказнекс минь пеженьконь инкса кучезе масторлангти Эсь фкя-тяка Цёранц, конань ронгоц ульсь пежу ломаттнень ронгснон лаца. Тяфта Сон судендазе ломанень пежеть Христость ронгонц вельде.

Павелонь сёрмац Галатияв 4:4

Но мзярда сась ладяф пингсь, Шкайсь кучезе Эсь Цёранц. Сон шачсь ломанькс авань эзда и эрясь койть ала ва мес:

Павелонь васенце сёрмац Тимофеенди 3:16

И афкукс виде: минь кемаманьконь салавашиц инь оцю: Шкайсь сась ломанень ронгса, Иняру Ваймопожфсь няфтезе Сонь видексшинц, Сонь няезь ангелхне; Сонь колганза кулясь пачфтьфоль ломаньтналхненди, Тейнза кемасть масторлангса, и Сон иневалдса кепотьфоль менельти.

Павелонь омбоце сёрмац Тимофеенди 1:10

и тяни тя пароказнесь панжевсь тейнек минь Идиеньконь Христос Иисусть саманц вельде. Сон срафтозе-калафтозе куломать и Пара кулять вельде панжезе тейнек эряфть и аф куломать.

Пёторонь васенце сёрмац 5:1

Тяни мон пшкядян кемаень пуромксонь оцюнянтенди: монга лацост кемаень пуромксонь оцюнян и эсь сельмосон няине Христость маятаманзон и Сонь мархтонза явса ся иневалдть, кона эвондай эсь пингстонза. Мон эняльдян тейнть:

Иоаннонь васенце сёрмац 1:1

Минь азонттама сянь колга, мезе ульсь ушетксста сявомок, мезе минь кулеме и няеме эсь сельмосонк, мезень мельге минь ванондоме и мезть токсеськ кядьса: эряфонь максы Валть колга.

Иоаннонь васенце сёрмац 2:25

И вага мезе тейнек надияфтсь максомс Христоссь – пефтома эряфть.

Иоаннонь васенце сёрмац 3:5

Но кода тинь содасасть, Христоссь сась минь пеженьконь сявома; а Сонцень эсонза аш кодамовок пеже.

Иоаннонь васенце сёрмац 3:8

А кие тиенди пеже, ся идемэвозть эзда, сяс мес идемэвозсь ушетксстокиге тиенди пеже. Сянкса и сась Шкаень Цёрась: машфтомс идемэвозть тевонзон.

Иоаннонь васенце сёрмац 4:14

Минь минць няеськ и аф сёпозь азонттама тянь колга: Шкай Аляньке кучезе Цёранц идемс масторлангть.

Иоаннонь васенце сёрмац 4:2

Шкаень Ваймопожфть содасть тяфта: эрь ваймопожфсь, кона сембонь инголе аф сёпозь азсы: «Иисус Христоссь сась ломанень ронгса», – тя Ваймопожфсь Шкайть эзда.

Иоаннонь васенце сёрмац 5:11

Вага тя кемокстафты валсь: Шкайсь макссь тейнек пефтома эряф, и тя эряфсь Сонь Цёрасонза.

Иоаннонь васенце сёрмац 5:13

Мон сёрмадыне семботь тянь тейнть, Шкаень Цёрати кемайхненди, содалесть: Шкаень Цёрати кемазь, тинь ули пефтома эряфонте.

Иоаннонь васенце сёрмац 5:20

Содасаськ тяньге: Шкаень Цёрась сась и макссь тейнек шарьхкодема: содалеськ афкуксонь Шкайть. Минь эрятама Шкайть афкуксонь Цёранц, Иисус Христосонь эса. Сон афкуксонь Шкайсь и пефтома эряфсь.