Иоаннонь омбоце сёрмац 1:6 - Од Соткс Новый Завет на мордовском-мокша языке 2016

⁶ А тя кельгомась вага мезьса: тейнек эряви эрямс Сонь кошардоманзон коряс. Тя тона кошардомась, конань тинь марясть нинге ушетксстокиге, и сонь коряванза тейнть эряви эрямс.

Иоаннонь омбоце сёрмац 1:6 ပူးပေါင်းရင်းမြစ်များ

Иоанн 14:15

«Кда кельгсамасть Монь, тиендеда Монь кошардомвалнень коряс.

Иоанн 14:21

Кошардомвалнень мяльс сявисна и синь пяшкотькшнисна – ся Монь кельгиезе. А кие кельгсамань Монь, сянь кельгсы Монь Алязе; Монга сянь карман кельгомонза, и эвондан тейнза».

Иоанн 14:23

Иисус каршезонза мярьгсь: «Кие Монь кельгсамань, ся тиенди Монь валнень коряс; Алязе кармай кельгомонза сонь, и Минь сатама тейнза и ульхтяма мархтонза.

Иоанн 15:10

Ванфтондярясасть кошардомвалнень, карматада эряма Монь кельгомасон, кода Монга ванфтыне Алязень кошардомвалонзон и эрян Сонь кельгомасонза.

Иоанн 15:14

Кда тисасть сянь, мезе мярьган тейнть, эста тинь Тейне ялгатада.

Иоаннонь васенце сёрмац 2:24

Ванфтость седисонт сянь, мезе тинь куледе ушетксста сявомок. Кда эсонт фалу ули ся, мезе тинь куледе ушетксста, эста тинь карматада эряма Цёрать и Алять эса.

Иоаннонь васенце сёрмац 2:5

А кие эряй Шкайть валонц коряс, ся, афкукс, пяшкодевсь Шкаень кельгомаса. Тяста тейнек содави: минь Шкайть эсотама.

Иоаннонь васенце сёрмац 2:7

Кельгома ялгане! Мон сёрмадан тейнть аф кодамовок од кошардома, а ташта кошардома, кона содаф тейнть ушетксста сявомок. Ташта кошардомась – тя вал, конань тинь марьсесть ушетксстокиге.

Иоаннонь васенце сёрмац 5:15

И кда минь содасаськ тянь: мезе ба минь афолеме ана, Сон сембоса марясамазь минь, эста содасаськ тяньге: ся, мезе минь анатама Сонь кядьстонза, максови тейнек.

Иоаннонь васенце сёрмац 5:3

Минь кельгоманьке Шкайти няфтеви Сонь кошардоманзон пяшкодемаса. А Сонь кошардоманзон аф стакат пяшкодемс.

Иоаннонь омбоце сёрмац 1:5

И тяни, азорава, эняльдян тейть: карматама кельгома фкя-фкянь. Мон сёрмадан тейть аф од кошардома, но сянь, конац максфоль тейнек нинге ушетксста сявомок.