Иоаннонь колмоце сёрмац 1:5 - Од Соткс Новый Завет на мордовском-мокша языке 2016

⁵ Кельгома ялгай, тонь лангозт ули кода надиямс. Тянь колга корхтайхть сембе тефне, конатнень тон тиендьсайть кемай ялгатнень инкса, и нльне сятнень инкса, конат ульсть тейть аф содафт.

Иоаннонь колмоце сёрмац 1:5 ပူးပေါင်းရင်းမြစ်များ

Матфей 24:45

«Уледа ёню и кулхцонды покодить лаца, конань азорсь путозе сембе покодиензон лангса оцюнякс – эсь пингстонза ярхцамбялень макссема.

Матфей 25:16

Кинди максфоль вете талантт, ся эстокиге путозень тевс и сявсь эздост нинге лия вете талантт.

Лука 12:42

Азорсь мярьгсь: «Уледа ёню и кулхцонды кудвятить лаца, конань азорсь апак пельхть путозе сембе покодиензон лангс оцюнякс и кошардозе эрявикс пингста явондомс тейст ярхцамбяльть.

Апостолхнень тевсна 1:15

И вов ся шитнень Пётр арась тонафнихнень инголе (а пуромфта ульсь сяда комозьшка ломань) и мярьгсь: «Кемай ялгат! Сёрматфксса Иняру Ваймопожфсь Давидонь вельде инголькиге азозе, мезе сатсы Иудань. Тянди эрявсь пяшкодевомс. Тя Иуда няфтезе кить сятненди, кит мольсть Иисусонь сявомонза,

Павелонь сёрмац Риму 12:13

Лездода кемай ялгантенди, мзярда синь повихть ашушис, фалу улест панжадот инжихненди кенкшенте.

Павелонь сёрмац Галатияв 6:10

Сяс, мзярс ули пинге, эрьда карматама сембонди тиендема цебярь, сембода пяк кемай ялгатненди.

Павелонь сёрмац Колоссав 3:17

И семботь, мезе тиенттяда валса али тевса, семботь тиендесть Иисус Христос Азорть лемса, сюконязь Сонь вельденза Шкай Аляти.

Еврейхненди сёрмась 13:2

Тясть юксне инжиень кельгомать. Вдь ульсть ломатть, конат апак содак, васьфтсть эсь пялост ангелхт.

Иоаннонь колмоце сёрмац 1:10

Сяс, мзярда мон саян тоза, эста сембонь ингольде лихтсайне лангу ся тефнень, конатнень сон тиендьсыне. Сон ноляй минь колганк кяжи васькафнемат, но тейнза тявок кржа. Сон аф васьфнесыне ширде саф кемай ялгатнень и лиятнендиге аф мярьгонди тянь тиендемс. Сон мянь кемаень пуромксста панцесыне сятнень, кит васьфнесазь ширде саф кемай ялгатнень.

Иоаннонь колмоце сёрмац 1:3

Мон пяк кенярдень, мзярда тейне сашендсть кемай ялгане и азондозь: синь няезь, кода кемоста тон эрят видешиса. Виде, тон якат видешинь киге.