Иоаннонди панчф няйфкс 9:20 - Од Соткс Новый Завет на мордовском-мокша языке 2016

²⁰ А лядыкс ломаттне, конат ашесть кула ня машфтоматнень эзда, сяка ашесть шарфта эсь кядьсост тиф шкайдост. Синь ашесть лотка сюконякшнемда кяжи ваймопожфненди и зрняста, сияста, сереста, кевста и шуфтста тиф шкайснонды, конат аф няихть, аф кулихть, аф якайхть.

Иоаннонди панчф няйфкс 9:20 ပူးပေါင်းရင်းမြစ်များ

Матфей 21:32

Вдь Иоанн сась тейнть видексшинь кить няфтема, и тинь тейнза ашеде кема, а каяфксонь кочкайхне и эсь прянь мишенди аватне кемасть. Тинь тянь няесть и тядонга меле ашеде каенда, и ашеде кема тейнза».

Апостолхнень тевсна 17:29

Сяс тейнек, Шкаень юромстотненди, аф ладяй арьсемс, кле, Шкайсь шары зрняста, сияста али кевста тифть лангс, конань арьсезе-тиезе ломанень маштомашись али пря арьсемась.

Апостолхнень тевсна 19:26

Но тинь тинць няйсасть и кульсасть, мезе тии тя Павелсь. Сон корхтай, кле, ломанень кядьса тиф шкайхне ёфси аф шкайхть. Тянди сон кемафтсь и аф кржа ломань васькафтсь Ефесса и пцтай марнек Асияса.

Апостолхнень тевсна 7:41

И ся шитнень синь валсть букань калоп и кандсть тейнза озксказне, и тисть ила эсь кятть тиф шкайснон лемс.

Павелонь омбоце сёрмац Коринфу 12:21

Пелян, кода ба оду самстон Шкаезе тага афолемань прафта монь визькс шамас тинь инксонт, и эста кода ба афоль сав тейне авардемс ламотнень инкса, конат прасть пежес и тянемс ашесть каенда эсь аф арушисост, усксевомасост и ронгонь туткотксснон топафнемасост.

Павелонь васенце сёрмац Тимофеенди 4:1

Иняру Ваймопожфсь шарьхкодевиста корхтай тейнек: мекольдень пинкнень кой-кит потайхть кемамать эзда, и кармайхть молема васькафни ваймопожфнень мельге и кяжи ваймопожфнень тонафтомаснон мельге.

Иоаннонди панчф няйфкс 15:1

Мон няень лия дивань тяштькс менельса, вельф оцю и дивандафты: мон няень сисем ангелхт, конатнень кядьсост сисем мекольце кальдяфне. И ня кальдяфнень мархта аделсеви Шкаень кяжсь.

Иоаннонди панчф няйфкс 16:8

Нилеце ангелсь валозе эсь кядьгонц шить лангс – и шити максфоль плхнемс ломаттнень эсь толсонза.

Иоаннонди панчф няйфкс 9:19

Алашатнень вийсна ульсь аф аньцек кургсост, а пулосостка. Синь пулосна ульсть пря мархтот, куй лацот, и ня прятнень мархта синь пупсезь ломаттнень.

Иоаннонди панчф няйфкс 9:21

И синь ашесть каенда аф шавондомаснон инкса, аф колдавамаснон, аф усксевомаснон, аф саламаснон инкса.