Иоаннонди панчф няйфкс 9:1 - Од Соткс Новый Завет на мордовском-мокша языке 2016

¹ Ветеце ангелсь торазевсь – и мон няень тяште, кона прафоль менельста модать лангс. Тейнза максфоль потмаксфтома томбать эзда панжема.

Иоаннонди панчф няйфкс 9:1 ပူးပေါင်းရင်းမြစ်များ

Лука 10:18

Сон мярьгсь тейст: «Мон няине Сатанать ёндолкс менельста праманц.

Лука 8:31

Синь эняльдсть Иисусонди аф панцемс синь потмаксфтома томбати.

Павелонь сёрмац Риму 10:7

Али тяфта: "Кие валги тонашинь потмаксфтома томбати?" – лиякс мярьгомс: вельмафтомс Христость кулофнень эзда».

Иоаннонди панчф няйфкс 1:18

Мон – эряфонь канды лихтибрян. Мон улень кулоф, и тяни шисан и карман эряма пефтома пингс. Монь кядьсон адонь и куломань панжематне.

Иоаннонди панчф няйфкс 1:20

Тяни Мон панчса тейть салавашить, азса, кодама смузь няфтихть ся сисем тяшттне, конатнень тон няить Монь види кядьсон, и ся сисем валдоптомань кирдематне. Сисем тяшттне – тя сисем кемаень пуромкснень ангелсна, а сисем валдоптомань кирдематне, конатнень тон няить, тя сисем кемаень пуромксне».

Иоаннонди панчф няйфкс 11:7

Мзярда синь аделасазь пачфнемс Шкайть эзда максф валть, потмаксфтома томбаста кеподи кяжи жувата; сон кармай тюрема мархтост, сяськсыне синь и шавсыне.

Иоаннонди панчф няйфкс 17:8

Тя кяжи жуватась, конань тон няить, мзярда-бди ульсь, а тяни аш. Но сон лиси потмаксфтома томбаста и тяда меле моли аду. Масторлангонь эряйхне, конатнень лемсна, ушедомок менельть-масторть тиемста, апак сёрматт эряфонь книгати, кармайхть дивандама, мзярда няйсазь кяжи жуватать, сяс мес сон ульсь, тяни сон аш, но сон кармай улема.

Иоаннонди панчф няйфкс 20:1

Мон няень менельста валги ангел, конань кядьсонзоль потмаксфтома томбать эзда панжемась и оцю цинзер.

Иоаннонди панчф няйфкс 20:10

А идемэвозсь, кона васькафнезень синь, ёрдафоль толонь и палыкандоронь эрьхкти, косольхть ни кяжи жуватась и аф афкуксонь пророксь. Кармайхть тоса синь маятафтомост шинек-венек и пефтома пингс.

Иоаннонди панчф няйфкс 6:13

Менелень тяшттне прасть модать лангс пиже инжирхнень лаца, конат пяярихть шуфтста вии вармань пингста.

Иоаннонди панчф няйфкс 8:10

Колмоце ангелсь торазевсь – и менельста прась оцю тяште, кона палсь толонь валдоптома лаца. Сон прась ляйхнень и лихтибрятнень колмоце пяльксозост.

Иоаннонди панчф няйфкс 8:12

Нилеце ангелсь торазевсь – и колафоль шить колмоце пяльксоц, ковть колмоце пяльксоц и тяшттнень колмоце пялькссна. Синь колмоце пялькссна шобдалгодсь, шить и веть колмоце пялькссна тиевсть шобдакс.

Иоаннонди панчф няйфкс 8:2

Мон няень сисем ангелхт, конат ащесть Шкайть инголе. Тейст максфтольхть сисем торамат.

Иоаннонди панчф няйфкс 9:2

Мзярда сон панжезе потмаксфтома томбать, тя томбаста, кода кабаконашка пянакудста, кеподсь тяфтама качам, нльне шобдалгодсь тя качамть эзда шись и кожфсь.