Иоаннонди панчф няйфкс 7:15 - Од Соткс Новый Завет на мордовском-мокша языке 2016

¹⁵ Сяс синь ащихть Шкайть оцязоронь озама вастонц инголе и шинек-венек покодихть Тейнза Сонь кудсонза; оцязоронь вастса Озадось кяшсыне синь котфонь кошенц алу, и кармай эряма синь ётксост.

Иоаннонди панчф няйфкс 7:15 ပူးပေါင်းရင်းမြစ်များ

Иоанн 1:14

Валсь арась ломанькс и эрясь ётксонк пароказнеда и видешида пяшкотьфста. И минь няеськ Сонь оцюшинц, ся оцюшить, кона максф фкя-тяка Цёрати Алянц эзда.

Павелонь васенце сёрмац Коринфу 3:16

Кали тинь аф содасасть – тинь Шкаень куттада и Шкаень Ваймопожфсь эряй тинь эсонт?

Павелонь омбоце сёрмац Коринфу 6:16

И мезец марстонь Шкаень кудть аф афкуксонь шкайхнень мархта? Вдь тинь – эряй Шкайть кудоц. Шкайсь мярьгсь тяфта: «Мон саян эряма синь мархтост и карман якама синь ётксост. Мон улян тейст Шкайкс, а синь улихть Тейне ломаньтналкс».

Еврейхненди сёрмась 12:2

Апак лотксек карматама ванома Иисусонь лангс, кемаманьконь ушедыенц и педа-пес пяшкодиенц лангс. Сон инголенза ащи кеняртьксть вастс кулось крёз лангса, аф ваномок визьксть лангс, и тяни озаф Шкайть озама вастонц види ширесонза.

Еврейхненди сёрмась 8:1

Минь азфоньконь эзда инь оцюсь тя: минь ули тяфтама Озксвятиень оцюняньке, кона озась менельса инь оцю Шкайть оцязоронь озама вастонц види ширесонза.

Иоаннонди панчф няйфкс 11:19

Менельса панжевсь Шкаень кудсь и тоста няевсь Шкаень сотксонь арзясь. И ёндолхне кфчиесть, кулевсть вайгяльхть, торасть атяпне, тиевсь модашерьхкома и прась оцю цяряхман.

Иоаннонди панчф няйфкс 13:6

И сон келептезе кургонц и кармась сялдомонза Шкайть, Сонь лемонц, эряма вастонц и сятнень, кит эряйхть менельса.

Иоаннонди панчф няйфкс 20:10

А идемэвозсь, кона васькафнезень синь, ёрдафоль толонь и палыкандоронь эрьхкти, косольхть ни кяжи жуватась и аф афкуксонь пророксь. Кармайхть тоса синь маятафтомост шинек-венек и пефтома пингс.

Иоаннонди панчф няйфкс 21:22

А вага Шкаень кудть ашине няе ошса, сяс мес Сембонь Кирди Азор Шкайсь сонь Шкаень кудоц, и Верозсь.

Иоаннонди панчф няйфкс 22:3

И мезевок сюдомань тяса ни аф ули. Тя ошса кармай ащема Шкайть и Верозть оцязоронь озама вастсна, и Сонь покодиенза кармайхть покодема Тейнза.

Иоаннонди панчф няйфкс 22:5

Тоса аф кармай улема ве, и ломаттненди аф эрявкстыхть валдоптоматнень валдсна, шитьке валдоц аф эрявксты, сяс мес Азор Шкайсь ули тейст валдокс. И синь кармайхть оцязорондама пефтома пингс.

Иоаннонди панчф няйфкс 4:4

Оцязоронь озама вастть перьфке ульсь комсь нилие оцязоронь озама васта, конатнень лангса озафоль комсь нилие атя. Синь щафтольхть акша щамса, пряснон лангса ульсть оцязоронь зрнянь каштаст.

Иоаннонди панчф няйфкс 4:8

Эрь эряй ваймоть ульсть котонь пацясна, и марнек ронгсна вельхтяфтольхть сельмоса, нльне паця алсновок. Синь шинек-венек апак лотксек морафтыхть: «Иняру, иняру, иняру Азор Шкайсь, Семботь Кирдиец, Ся, кие ульсь, ули и сай!»

Иоаннонди панчф няйфкс 4:9

Эрь мезне, мзярда синь азондыхть шнамань, оцюлгофтомань и сюконямань валхт оцязоронь озама вастса Озадоти – пефтома пингс Эряйти,

Иоаннонди панчф няйфкс 7:9

Сяльде мон няень ламодонга лама ломань, конат киндинге ашесть лувов, эрь кодама масторста и юромста, сембе ломаньтналхнень и кяльхнень эзда. Синь ащесть акша щамса оцязоронь озама вастть и Верозть инголе, кядьсост кирдсть пальмань тараткат.