Иоаннонди панчф няйфкс 7:11 - Од Соткс Новый Завет на мордовском-мокша языке 2016

¹¹ Сембе ангелхне ащесть оцязоронь озама вастть перьфке, атятнень и ниле эряй ваймотнень перьфке, и прасть комада оцязоронь вастть инголе и сюконясть Шкайти,

Иоаннонди панчф няйфкс 7:11 ပူးပေါင်းရင်းမြစ်များ

Матфей 4:10

Иисус каршезонза мярьгсь: «Аертт эздон, Сатана; вдь сёрматф: "Азорти, эсь Шкайцти сюконякшнек и аньцек Тейнза покотть"».

Иоанн 5:23

сембе ванондолезь Цёрать мяленц, кода ванондсазь Алятьке мяленц. Кие аф ванцы Цёрать мяленц, ся аф ванцы Алятьке мяленц, кона Сонь кучезе.

Еврейхненди сёрмась 1:6

И тага, Эсь васень Цёранц масторти сувафтомста, Сон мярьгсь: «Катк сембе Шкаень ангелхне комайхть Сонь инголенза».

Иоаннонди панчф няйфкс 11:16

И комсь нилие атятне, конат озадотольхть Шкайть инголе оцязоронь озама вастсост, прасть комада и сюконясть Шкайти.

Иоаннонди панчф няйфкс 15:4

Кие аф кармай пелема эздот, Азор, и кие аф шнасы Тонь лемцень? Вдь Тон ськамот Инярусь! Сембе ломаньтналхне сайхть и сюконяйхть-комайхть Тонь инголет, сяс мес няевикст арасть Тонь виде тефне!»

Иоаннонди панчф няйфкс 22:9

Но ангелсь мярьгсь тейне: «Ватт, тяк тиенде тянь! Монга Шкаень покодиян, кодамат тонга и тонь ялгатне пророкне, и сят, кит ванфнесазь тя книгать валонзон. Шкайти сюконяк!»

Иоаннонди панчф няйфкс 4:10

сембе комсь нилие атятне прашендыхть оцязоронь вастса Озадоть инголе и сюконякшнихть пефтома пингс Эряйти. Синь валхнесазь прястост эсь оцязоронь каштазснон и путнесазь оцязоронь озама вастть инголи, корхтайхть:

Иоаннонди панчф няйфкс 4:4

Оцязоронь озама вастть перьфке ульсь комсь нилие оцязоронь озама васта, конатнень лангса озафоль комсь нилие атя. Синь щафтольхть акша щамса, пряснон лангса ульсть оцязоронь зрнянь каштаст.

Иоаннонди панчф няйфкс 4:6

а инголенза ульсь оцюведь, кона бта клянцеконь, ару, кода кристалл. Оцязоронь озама вастть ваксса и перьфканза ульсть ниле эряй ваймот, сельмодост пяшксе – и инголест и фталост.

Иоаннонди панчф няйфкс 4:8

Эрь эряй ваймоть ульсть котонь пацясна, и марнек ронгсна вельхтяфтольхть сельмоса, нльне паця алсновок. Синь шинек-венек апак лотксек морафтыхть: «Иняру, иняру, иняру Азор Шкайсь, Семботь Кирдиец, Ся, кие ульсь, ули и сай!»