Иоаннонди панчф няйфкс 5:9 - Од Соткс Новый Завет на мордовском-мокша языке 2016

⁹ Синь морасть од мора: «Тонь оцюшицень коряс Тейть сявови книгась и валхтовихть лангстонза пякстамань тяштьксне, сяс мес Тон улеть печкф и Эсь версот рамайть Шкайти ломаттнень эрь юромста, кяльста, ломаньтналста и масторста.

Иоаннонди панчф няйфкс 5:9 ပူးပေါင်းရင်းမြစ်များ

Матфей 20:28

Ломанень Цёраське сась аф Эсь лангозонза лиятнень покотьфтома, меколанкт Сон сась покодема лиятненди и максомс Эсь эряфонц ламотнень идемаснон инкса».

Матфей 26:28

тя Монь верозе, од сотксонь вер, кона валови сембе ломаттнень пежеснон нолдаманкса.

Апостолхнень тевсна 20:28

Ванода эсь мельгант и марнек стадать мельге, конань ваномонза ладядязь Иняру Ваймопожфсь. Ваность Азорть и Шкайть кемаень пуромксонц, конань Сон рамазе Эстейнза веронц питнеса.

Павелонь васенце сёрмац Коринфу 6:20

вдь тинь рамафтада оцю питнеса! Сяс шнасть Шкайть ронгсонтка и ваймопожфсонтка, вдь тявок, тонавок Шкайть.

Павелонь васенце сёрмац Коринфу 7:23

Тинь рамафтада оцю питнеса, сяс тяда арсе урекс ломаттненди!

Павелонь сёрмац Ефесу 1:7

И Цёрать эса улемать вельде минь идефтяма Сонь версонза, лиякс, тейнек нолдафт пеженьке. Тяфтама козя Шкайть пароказнец!

Павелонь сёрмац Ефесу 5:19

кемокснеда фкя-фкянь псалмаса, шнама и ваймопожфонь морса. Моразь шнасть Азорть седи ваксста,

Павелонь сёрмац Колоссав 1:14

Цёрать веронц вельде минь нолдамазь воляшис, лиякс мярьгомс, минь пеженьке нолдафт.

Павелонь сёрмац Колоссав 1:23

Аньцек тейнть сяда товга эряви кемоста ащемс кемамаса и аф тушендомс Пара кулянь надиямать эзда, конань тинь кулесть. Тя Пара кулясь ульсь пачфтьф масторлангонь сембе ломаттненди. И тя Куляти мон, Павел, арань покодикс.

Павелонь сёрмац Титонди 2:14

Сон максозе прянц инксонк и тяфта идемазь сембе пежетнень эзда, аруяфтомазь и тиемазь минь Эстейнза ломаньтналкс, кона ваймонь путозь ёрай тиемс пара.

Еврейхненди сёрмась 11:14

Сят, кит тяфта корхтайхть, няфнесазь: синь вешендьсазь эсь афкуксонь шачемань масторснон.

Пёторонь омбоце сёрмац 2:1

Кода Израилень ломаньтналть ёткса ульсть аф афкуксонь пророкт, тяфта тинь ётксонтка эвондайхть аф виде тонафтыхть. Синь салава сувафнихть кемаень пуромксти юмафты-арафты васькафнемат и мянь потайхть Азорть эзда, кона синь идезень. Тяфта синь таргайхть эсь лангозост куроконь юмама-арама.

Иоаннонь васенце сёрмац 1:7

А кда эрятама-якатама валдса, кода Сонцьке Шкайсь валдса, эста минь ули марстоньшинке фкя-фкянь мархта, и Иисус Христость, Шкаень Цёрать вероц аруяфтсамазь минь эрь кодама пежеда.

Иоаннонь васенце сёрмац 2:2

Сон ладямань канды озксказне, кона максфоль минь пеженьконь инкса, и аф аньцек миннетнень инкса, а стане жа сембе масторлангть пежензон инкса.

Иоаннонди панчф няйфкс 10:11

И сон мярьгсь тейне: «Тейть эряви тага пророчендамс, мезе ули ламоц ломаньтналхнень, масторхнень, кяльхнень и оцязорхнень мархта».

Иоаннонди панчф няйфкс 11:9

Колма пяле мархта ши эрь кодама тналонь, юромонь, кялень и масторонь ломаттне кармайхть ванома ня ловажатнень лангс и аф макссазь синь калмамс.

Иоаннонди панчф няйфкс 13:7

Тейнза максфоль тюремс Шкаень ломаттнень мархта и сяськомс синь, и максфоль азорондамс эрь юромть, ломаньтналть, кяльть и масторть лангса.

Иоаннонди панчф няйфкс 13:8

И комайхть инголенза масторлангонь сембе эряйхне, конатнень лемсна, ушедомок менельть-масторть тиемста, апак сёрматт эряфонь книгати. Тя книгась Верозть кядьса, кона печкфоль озксказненди.

Иоаннонди панчф няйфкс 14:6

Мон няень лия ангел, кона лийсь вярдень менельге. Сон кандсь пефтома пингонь Пара куля, кона тейнза эряви пачфтемс мода лангонь эряйхненди: эрь масторти, юромти, кяльти и ломаньтналти.

Иоаннонди панчф няйфкс 15:3

и моразь Шкаень покодить Моисеень и Верозть морснон: «Азор Шкай, Семботь Кирдиец, оцюдонга оцюфт и дивандафтыхть Тонь тефне! Иняруфнень Оцязорсна, видет и видексшинь Тонь китне!

Иоаннонди панчф няйфкс 17:15

И нинге ангелсь мярьгсь: «Веттне, конатнень видеса тон няить озада ащи усксеви авать, – нят – ломатть и ломаньтналхт, масторхт и кяльхть.

Иоаннонди панчф няйфкс 4:11

«Азороньке, Шкаеньке! Тонь оцюшицень коряс Тейть максови сюконяма, шнама и азорксши; вдь Тон тиить семботь, и Тонь мяльцень коряс синь эряйхть и тифт».

Иоаннонди панчф няйфкс 5:12

и синь морасть кайги вайгяльса: «Верозти, кона ульсь печкф, оцюшинц коряс максови азорондама, козяши, смузьши, вий, пара лувкс, иневалда и бславама!»

Иоаннонди панчф няйфкс 5:6

И мон няине: оцязоронь озама вастть и ниле эряй ваймотнень ёткса, и атятнень ёткса ащесь Верозсь. Сон кода печкфоль, и Сонь ульсть сисем сюронза и сисем сельмонза. Ня сисем сельмотне – Шкаень сисем ваймопожфт, конат кучфтольхть марнек модать келес.