Иоаннонди панчф няйфкс 3:14 - Од Соткс Новый Завет на мордовском-мокша языке 2016

¹⁴ «Лаодикиянь кемаень пуромксть ангелонцты сёрматт: "Вов мезе корхтай Аминь, валонь кирди и виде азондысь, конань вельде Шкайсь тиезе семботь:

Иоаннонди панчф няйфкс 3:14 ပူးပေါင်းရင်းမြစ်များ

Иоанн 1:3

Сембось вельденза тиевсь, Соньфтомонза мезевок ашезь тиев.

Иоанн 8:14

Иисус каршезост мярьгсь: «Катк Эсь колган Монць азонкшнян, Монь азондомазе виде; сяс мес Мон содаса, коста сань и ков молян. А тинь аф содасасть, коста сань и ков молян.

Павелонь омбоце сёрмац Коринфу 1:20

и мзяра надияфтомада афоль макса Шкайсь, эрсь эздост пяшкодевсь Христосса. Вов мес минь Христосса, Шкайть шнаманкса, корхтатама «аминь, тяфта ули!»

Павелонь сёрмац Колоссав 1:15

Христос Эсь эсьсонза няфнесы аф няеви Шкайть. Сон васень Цёрась, кона ащи Шкайть сембе тифонц лангса.

Павелонь сёрмац Колоссав 1:18

Сон – ронгти пря, лиякс мярьгомс, кемаень пуромксти. Сон ушеткссь и васенцесь, кие вельмась кулофнень эзда, и сяс Сон сембоса васенцесь.

Павелонь сёрмац Колоссав 2:1

Монь мялезе: содалесть тинь, кодама стака тюрема мон вятян тинь инксонт и Лаодикия ошень кемайхнень инкса, и сембонь сятнень инкса, конат вестеньге ашезь няенде монь шамазень.

Павелонь сёрмац Колоссав 4:16

Мзярда тя сёрмась ули лувф тинь ширесонт, эста мярьгода лувомс сонь Лаодикиянь кемаень пуромкссовок. А тинь лувость ся сёрмать, конань мон кучине Лаодикияв.

Иоаннонди панчф няйфкс 1:11

Сянь, мезе няят, сёрматк книгас и кучк Асиянь сисем кемаень пуромксненди: Ефесу, Смирнав, Пергаму, Фиатирав, Сардису, Филадельфияв и Лаодикияв».

Иоаннонди панчф няйфкс 1:5

и Иисус Христость, видеть азондыенц эзда. Сон васенцесь, кие вельмась кулофнень эзда и Сон масторлангонь сембе оцязорхнень азорсна. Сон кельгомазь минь и Эсь версонза аруяфтомазь пеженьконь эзда.

Иоаннонди панчф няйфкс 19:11

Мон няень панжада менель и, вов, акша алаша и лангсонза ластя. Сонь лемоц Валонь Кирди и Виде, и Сон видеста судендай и тюри каршек ащихнень мархта.

Иоаннонди панчф няйфкс 2:1

«Ефесонь кемаень пуромксть ангелонцты сёрматт: "Вов мезе корхтай Ся, кие кирди сисем тяштть види кядьсонза и якай зрнянь сисем валдоптомань кирдематнень ёткова:

Иоаннонди панчф няйфкс 21:6

Сон тага мярьгсь тейне: «Ня валхне пяшкодсть! Мон Альфась и Омегась, Ушеткссь и Песь. Сянь, кинь сась симомац, Мон питнефтома симдьса эряфонь максы лихтибряста.

Иоаннонди панчф няйфкс 22:13

Мон Альфась и Омегась, Ушеткссь и Песь, Васенцесь и Мекольцесь.

Иоаннонди панчф няйфкс 22:6

Ангелсь мярьгсь тейне: «Ня валхнень лангс ули кода надиямс и синь видет. Азор Шкайсь, кона макссесы Эсь Ваймопожфонц пророкненди, кучезе Эсь ангелонц няфтемс покодиензонды сянь, мезти курок эряви улемс».

Иоаннонди панчф няйфкс 3:7

«Филадельфиянь кемаень пуромксть ангелонцты сёрматт: "Вов мезе корхтай Инярусь и Видесь, конань кядьса Давидонь панжемац; Сон ся, кие панчсы кенкшть – и киндинге аф пякстави; Ся, кие пякстасы кенкшть – и киндинге аф панжеви: