Иоаннонди панчф няйфкс 22:14 - Од Соткс Новый Завет на мордовском-мокша языке 2016

¹⁴ Павазуфт сят, кит ванфтсазь Сонь кошардомвалонзон: тейст мярьгови ярхцамс эряфонь шуфтть имождонза и сувамс ошти ортава.

Иоаннонди панчф няйфкс 22:14 ပူးပေါင်းရင်းမြစ်များ

Иоанн 10:7

Сяс Иисус нинге мярьгсь тейст: «Видеста корхтан тейнть: Мон учатненди кенкшан.

Иоанн 10:9

Мон – кенкшсян: Монь эзган сувайсь идесы прянц. Сон сувай и лиси, ванома вастовок муй.

Иоанн 14:15

«Кда кельгсамасть Монь, тиендеда Монь кошардомвалнень коряс.

Иоанн 14:6

Иисус мярьгсь тейнза: «Мон – кись, видешись и эряфсь; кивок аф сави Алязень пяли, аньцек кда Монь вельден сай.

Иоанн 4:12

Дяряй Тон Иаков атянь-атядонк оцюват, Иаковда, кона максозе тейнек тя эшить, и эздонза сонцьке симондсь, цёранзовок, жуватанзовок?»

Павелонь васенце сёрмац Коринфу 7:19

Керомась тя мезевок аш, аф керомаське мезевок аш. Но инь эрявикссь – тя Шкаень кошардомвалхнень ванфтомасна.

Павелонь васенце сёрмац Коринфу 8:9

Ванода, аньцек афоль ара тяфтама воляшинте пупордама кевкс лафчненди.

Павелонь васенце сёрмац Коринфу 9:5

Кали минь аш воляшиньке сявондемс мархтонк рьваньконь, лиякс мярьгомс, кемай сазороньконь, кода тиендихть лия апостолхне и Азорть брадонза, Кифавок?

Павелонь сёрмац Галатияв 5:6

Вдь, кда минь сотофтама Христос Иисусонь мархта, эста сембе сяка – керф киськопеньке али аф. Эряви аньцек кемама, кона няфтеви кельгомаса.

Иоаннонь васенце сёрмац 3:3

Эрь ломанць, конань ули тяфтама надиямац Шкайть лангс, тисы эсь прянц стама арукс, кодама ару Христоссь.

Иоаннонь васенце сёрмац 5:3

Минь кельгоманьке Шкайти няфтеви Сонь кошардоманзон пяшкодемаса. А Сонь кошардоманзон аф стакат пяшкодемс.

Иоаннонди панчф няйфкс 2:7

Кинь улихть пиленза – кулеза, мезе Ваймопожфсь корхтай кемаень пуромксненди. Сяськити максан ярхцамс иможда эряфонь шуфтть эзда, кона касы Шкайть райсонза"».

Иоаннонди панчф няйфкс 21:12

Ошть персезе оцю, сери перяфкс, и эсонза ульсть кемгафтува ортат, и кемгафтува ортатнень видеса ащесть кемгафтува ангелхт. Ортатнень лангс тяштьфтольхть Израилень кемгафтува юропнень лемсна, эрь ортаса фкя лем.

Иоаннонди панчф няйфкс 21:27

И аф сувави тоза мезевок аф ару, аф сувави тоза кивок туткоткс и васькафнемань тевонь тии. Сувайхть аньцек сят, конатнень лемсна сёрматфт Верозть эряфонь книгазонза.

Иоаннонди панчф няйфкс 22:2

Ошень ульцять кучкава и ляйть кафцьке трваванза касы эряфонь шуфта. Сон иможиякшни кизоти кемгафтувоксть, эрь ковня канни имошт, а сонь лопанзон эса пчкафтома вий масторлангонь сембе ломаньтналхненди.

Иоаннонди панчф няйфкс 22:7

«Вов, Мон курок саян! – корхтай Иисус. – Павазу ся, кие ванфтсыне тя книгаста пророчествань валхнень».

Иоаннонди панчф няйфкс 7:14

Мон мярьгонь тейнза: «Азор, тон тянь содасак». И сон азозе каршезон: «Нят сят, кит састь оцю маятамаста. Синь муськозь эсь щамснон и акшептозь синь Верозть верса.