Иоаннонди панчф няйфкс 21:3 - Од Соткс Новый Завет на мордовском-мокша языке 2016

³ Мон кулень менельста кайги вайгяль, кона корхтась: «Ванода, Шкайть эряма вастоц ломаттнень ёткса. Сон кармай эряма синь мархтост. И синь арайхть Тейнза ломаньтналкс, и Сонць Шкайсь ули мархтост и кармай улема тейст Шкайкс.

Иоаннонди панчф няйфкс 21:3 ပူးပေါင်းရင်းမြစ်များ

Иоанн 1:14

Валсь арась ломанькс и эрясь ётксонк пароказнеда и видешида пяшкотьфста. И минь няеськ Сонь оцюшинц, ся оцюшить, кона максф фкя-тяка Цёрати Алянц эзда.

Иоанн 14:23

Иисус каршезонза мярьгсь: «Кие Монь кельгсамань, ся тиенди Монь валнень коряс; Алязе кармай кельгомонза сонь, и Минь сатама тейнза и ульхтяма мархтонза.

Павелонь омбоце сёрмац Коринфу 6:16

И мезец марстонь Шкаень кудть аф афкуксонь шкайхнень мархта? Вдь тинь – эряй Шкайть кудоц. Шкайсь мярьгсь тяфта: «Мон саян эряма синь мархтост и карман якама синь ётксост. Мон улян тейст Шкайкс, а синь улихть Тейне ломаньтналкс».

Павелонь омбоце сёрмац Коринфу 6:18

«Мон улян тейнть Алякс, и тинь ульхтяда Тейне цёракс и стирькс. Тяфта корхтай Сембонь Кирди Азорсь».

Павелонь васенце сёрмац Фессалоникав 3:11

Ина катк Сонць Шкайсь, минь Аляньке, и Иисус Христос Азороньке ладясы киньконь тейнть.

Еврейхненди сёрмась 11:16

Но синь мяльсноль сатомс сяда цебярь масторть, лиякс мярьгомс, менеленнеть. Вага мес Шкайсь аф визди, мзярда синь лемнесазь Сонь эсь Шкайкс; вдь Сон аноклась тейст ош.

Еврейхненди сёрмась 8:10

Вага соткссь, конань тиса Израилень ломаттнень мархта тона шитнень меле, – корхтай Азорсь, – Мон путсайне Эсь койнень синь мялезост и сёрмадсайне синь седиезост; и карман улема тейст Шкайкс, а синь улихть Тейне ломаньтналкс.

Еврейхненди сёрмась 8:2

Сон покоди Озксвятиень оцюнякс иняру вастса, афкуксонь иняру кошса, конань стяфтозе Шкайсь, а аф ломанць.

Иоаннонди панчф няйфкс 10:4

И мзярда сисем атяпне аделазь корхтамаснон, мон срхкань сёрмадомс семботь, но кулень менельста вайгяль, кона корхтась тейне: «Пякстак пякстамань тяштькс алу сянь, мезе корхтасть сисем атяпне, и тяк сёрмада сянь».

Иоаннонди панчф няйфкс 10:8

Вайгяльсь, конань мон ни кулине менельста, тага кармась корхтама мархтон. Сон мярьгсь: «Архт, сявк панжада ашкорксть, кона модать и оцюведть лангса ащи ангелть кядьса».

Иоаннонди панчф няйфкс 12:10

И мон кулень кайги вайгяль, кона корхтась менельса: «Тяни сась идемась и вийсь, и Шкаеньконь Оцязорксшиц, и Сонь эздонза кучф Христость азорксшиц, сяс мес минь кемай ялганьконь муворгофтысна ёрдаф тяста, ся, кие шинек-венек муворгофнезень синь Шкаеньконь инголе.

Иоаннонди панчф няйфкс 21:7

Семботь тянь Мон максса сяськити, и улян тейнза Шкайкс, сон – Тейне идькс.

Иоаннонди панчф няйфкс 22:3

И мезевок сюдомань тяса ни аф ули. Тя ошса кармай ащема Шкайть и Верозть оцязоронь озама вастсна, и Сонь покодиенза кармайхть покодема Тейнза.

Иоаннонди панчф няйфкс 7:15

Сяс синь ащихть Шкайть оцязоронь озама вастонц инголе и шинек-венек покодихть Тейнза Сонь кудсонза; оцязоронь вастса Озадось кяшсыне синь котфонь кошенц алу, и кармай эряма синь ётксост.