Иоаннонди панчф няйфкс 21:10 - Од Соткс Новый Завет на мордовском-мокша языке 2016

¹⁰ Мон повонь Шкаень Ваймопожфть кядялу и ангелсь кеподемань оцюдонга оцю, сери панда пряс и няфтезе тейне Иерусалим иняру ошть, кона валгсь менельста, Шкайть эзда.

Иоаннонди панчф няйфкс 21:10 ပူးပေါင်းရင်းမြစ်များ

Апостолхнень тевсна 8:39

Мзярда синь лиссть ведьста, Иняру Ваймопожфсь валгсь евнухть лангс, а Филиппонь сявозе Азорть ангелоц. Евнухсь сонь оду ашезе няе, и кеняртькшнезь поладозе кинц.

Павелонь сёрмац Галатияв 4:26

а менелень Иерусалимсь – воляшиса, и тя сон минь тядяньке.

Иоаннонди панчф няйфкс 1:10

Азорть шиста мон улень Ваймопожфть кядяла и фталон кулень кайги вайгяль, кона кайгсь торама лаца. Сон корхтась: «Мон Альфась и Омегась, Васенцесь и Мекольцесь.

Иоаннонди панчф няйфкс 11:2

А Шкаень кудть ушестонь пирьфонц тяк унксне, сяс мес сон максф лия ломаньтналхненди. Синь кармайхть тапсемонза иняру ошть нильгемонь кафтува ков.

Иоаннонди панчф няйфкс 17:3

Ня валда меле мон повонь Ваймопожфть кядялу, и ангелсь кандомань монь шавмодав. Тоса мон няень ава, кона озафоль шобда-якстерь кяжи жуватать лангса. Кяжи жуватать марнек ронгоц вельхтяфоль Шкаень сялды лемса и сонь ульсть сисем прянза и кемонь сюронза.

Иоаннонди панчф няйфкс 21:2

И мон, Иоанн, няине иняру ошть, од Иерусалимть. Сон валгсь менельста Шкайть эзда. Ошсь щафоль-каряфоль кода рьвяня, конань мазоптозь рьвяяйти.

Иоаннонди панчф няйфкс 3:12

Сяськить Мон тиса вельхксонь кирди нежекс Шкаезень кудса, и сон иляды тоса пефтома пингс. Мон сёрмадса сонь лангозонза Шкаезень лемонц и Шкаезень ошенц лемонц – од Иерусалимть, кона валгонды менельста Шкаезень эзда, сёрмадса и Эсь од лемозень.

Иоаннонди панчф няйфкс 4:2

И сяка ёткть мон повонь Ваймопожфть кядялу. Мон няень менельса оцязоронь озама васта и лангсонза Озадоть.