Иоаннонди панчф няйфкс 20:4 - Од Соткс Новый Завет на мордовском-мокша языке 2016

⁴ Мон няень оцязоронь озама вастт, конатнень лангс озасть сят, кинди максфоль азорксши судендамс. Тяфта жа мон няине сятнень ваймоснон, кинь пряснон керозь Иисусонь колга азондомать инкса и Шкаень валть инкса. Синь ашесть сюконякшне аф кяжи жуватати, аф сонь ликонцты, и ашезь путфта сонь тяштьфксонц аф конязост, аф кядезост. Синь вельмасть и азорондасть Христость мархта тёжянь киза.

Иоаннонди панчф няйфкс 20:4 ပူးပေါင်းရင်းမြစ်များ

Матфей 19:28

«Видеста корхтан тейнть, – мярьгсь Иисус, – мзярда одкстоми марнек масторлангсь и Ломанень Цёрась озай оцязоронь иневалда вастозонза, эста тиньге, кит туде Монь мельган, озатада оцязоронь кемгафтува васттненди судендамс Израильть кемгафтува юромонзон.

Матфей 24:10

Эста ламотне аердыхть кемамать эзда, фкя-фкянь эса кармайхть мишендема и фкя-фкянь аф кельгома.

Марк 6:16

Ирод кулезень ня корхнематнень и мярьгсь: «Тя Иоанн, конань прянц керфтыне, вельмась кулофста».

Марк 6:27

Сон эстокиге кучезе фкя ушманонц и мярьгсь тейнза кандомс Иоаннонь прянц. Ся тусь пякстамгуду, керозе Иоаннонь прянц,

Марк 9:11

Синь кизефтезь Иисусонь: «Мес мле койти тонафтыхне корхтайхть: васенда сама Илиянди?»

Лука 1:17

Сон сай Азорда инголи стамка ваймопожфса и стамка вийса, кодамса сашендсь Илия. Сонь мялец алятнень седиснон шарфтомс эсь идьснонды и аф кулхцодыхнень кошардомс арьсема видексшинь ломаттнень лаца: аральхть Азорти анок ломаньтналкс».

Лука 14:14

эста улят павазу, сяс мес тейст аф пандови пароце. Тя пандови тейть, мзярда видексшинь ломаттне вельмафтовихть кулофста».

Лука 22:30

Тинь карматада ярхцама и симома шразень ваксса Монь Оцязорксшисон, и озатада оцязоронь озама вастс Израилень кемгафтува юропнень судендамост».

Иоанн 14:19

Ётай аф лама пинге, и масторлангсь ни аф няйсамань Монь; а тинь Монь няйсамасть, сяс мес Мон эрян, тиньге карматада эряма.

Павелонь сёрмац Риму 11:15

Кда Шкайть шарфтомац еврейхнень эзда панчсь масторлангти Шкайть мархта ладямань ки, эста мезе ули, мзярда Шкайсь меки сявсыне синь? Эряф кулофненди!

Павелонь сёрмац Риму 8:17

А кда минь Шкаень иттяма, эста тейнек максови Сонь надияфтф бславаманц уликс-пароц. Тя козя бславамать уликс-паронц Шкайсь макссы кода Христости, тяфта и тейнек, вдь кда минь Христость мархта маятатама, эста Сонь мархтонза ульхтяма иневалдсонзонга.

Павелонь омбоце сёрмац Тимофеенди 2:12

Кда кирттяма сталмот, Сонь мархтонза азорондамга карматама; Кда мярьктяма: «Минь аф содасаськ Сонь», – эста Сонга мярьги: «Мон аф содатядязь тинь».

Иоаннонди панчф няйфкс 1:2

Иоанн семботь колга пачфти, мезе няйсь и кульсь: Шкаень валть и видешить колга, конань азондозе Иисус.

Иоаннонди панчф няйфкс 1:9

Мон, Иоанн, тинь кемай ялганте, явса мархтонт Иисус Христосонь маятаманц, оцязорксшинц и кирдемшканц. Мон улень паньф Патмос усияв сяс, мес пачфнине Шкаень валть и азондонь Иисус Христосонь колга.

Иоаннонди панчф няйфкс 11:11

Но колма пяле мархта шида меле сувась пророкнень потмозост эряфонь ваймопожфсь Шкайть эзда, и синь меки стясть пильге лангс. Оцюдонга оцю пелема сявозень сембонь сятнень, кит ванцть лангозост.

Иоаннонди панчф няйфкс 11:15

Сисемце ангелсь торазевсь – и менельса кайгозевсть вии вайгяльхть, конат корхтасть: «Масторлангонь оцязорксшись ётась Азороньконь и Сонь Мессиянц кядялу! Азорсь кармай азорондама пефтома пингс!»

Иоаннонди панчф няйфкс 11:3

Мон максан Эсь колган кафта азондыхть-кемокстайхть, и синь ризнамань щамса кармайхть пророчендама тёжянь кафта сятт кодгемонь ши».

Иоаннонди панчф няйфкс 11:7

Мзярда синь аделасазь пачфнемс Шкайть эзда максф валть, потмаксфтома томбаста кеподи кяжи жувата; сон кармай тюрема мархтост, сяськсыне синь и шавсыне.

Иоаннонди панчф няйфкс 12:11

Синь сяськозь сонь Верозть верса и Шкаень валть пачфнемаса. Синь, нльне, эсь эряфснон аноктольхть максомс, аф пелемок куломать эзда.

Иоаннонди панчф няйфкс 14:11

Синь маятамань качамсна кармай кепсема пефтома пингс. Аф шить, аф веть аф кармайхть содама ваймама сят, кит сюконякшнихть кяжи жуватати и сонь ликонцты, и кит путнихть сонь лемонц мархта тяштьфкс.

Иоаннонди панчф няйфкс 15:2

Мон няень бта тол мархта шоряф клянцеконь оцюведь. Клянцеконь оцюведть лангса ащесть сят, кит сяськозь кяжи жуватать, сонь ликонц и сонь тяштьфксонц, кона няфневсь лемонц числаса. Синь кядьсост кирдсть арфат

Иоаннонди панчф няйфкс 17:8

Тя кяжи жуватась, конань тон няить, мзярда-бди ульсь, а тяни аш. Но сон лиси потмаксфтома томбаста и тяда меле моли аду. Масторлангонь эряйхне, конатнень лемсна, ушедомок менельть-масторть тиемста, апак сёрматт эряфонь книгати, кармайхть дивандама, мзярда няйсазь кяжи жуватать, сяс мес сон ульсь, тяни сон аш, но сон кармай улема.

Иоаннонди панчф няйфкс 2:26

Ся, кие сяськи и петь самс кармай тиендема Монь мялезень коряс, сянди Мон максан азорксши лия тналонь ломаттнень лангса.

Иоаннонди панчф няйфкс 20:6

Павазуфт и иняруфт сят, конатненди максови эряф васенце вельмамать пингста. Омбоце куломать аш азорксшиц синь лангсост, но синь улихть Шкаень и Христосонь озксвятикс и кармайхть оцязорондама Христость мархта тёжянь киза.

Иоаннонди панчф няйфкс 22:5

Тоса аф кармай улема ве, и ломаттненди аф эрявкстыхть валдоптоматнень валдсна, шитьке валдоц аф эрявксты, сяс мес Азор Шкайсь ули тейст валдокс. И синь кармайхть оцязорондама пефтома пингс.

Иоаннонди панчф няйфкс 3:21

Кие сяськи, сянди мярьган озамс Монь мархтон оцязоронь озама вастозон. Тяфта Монга, сяськомок, озань Алязень мархта оцязоронь озама вастозонза.

Иоаннонди панчф няйфкс 4:4

Оцязоронь озама вастть перьфке ульсь комсь нилие оцязоронь озама васта, конатнень лангса озафоль комсь нилие атя. Синь щафтольхть акша щамса, пряснон лангса ульсть оцязоронь зрнянь каштаст.

Иоаннонди панчф няйфкс 6:9

Мзярда Верозсь валхтозе ветеце тяштьксть, мон няине алтарть ала сятнень ваймоснон, кит шавфтольхть Шкаень валть инкса и колганза няфтемать-азондомать инкса.

Иоаннонди панчф няйфкс 7:3

«Тяда тиенде кальдяв аф модати, аф оцюведти, аф шуфттненди, мзярс аф путтама тяштькс Шкаеньконь эрь покодиенц коняс».