Иоаннонди панчф няйфкс 20:3 - Од Соткс Новый Завет на мордовском-мокша языке 2016

³ ёрдазе потмаксфтома томбати. Томбать пякстазе панжемаса и лангозонза путсь тяштькс, тязалезень васькафне куйсь ломаньтналхнень, мзярс аф ётайхть тёжянь кизотне. Сяльде сонь эряви нолдамс аф лама пингс.

Иоаннонди панчф няйфкс 20:3 ပူးပေါင်းရင်းမြစ်များ

Матфей 24:24

сяс мес сайхть аф афкуксонь христост и аф афкуксонь пророкт, конат кармайхть тиендема оцю тяштькст и дивань тефт кочкафнень васькафтоманкса, кда васькафтовольхть.

Матфей 27:66

Синь мольсть, путсть кевть лангс тяштькс, и кадсть калмоть ваксса ванфтыхть.

Марк 4:15

Улихть ломатть ся видьмотнень лаца, конат прасть ки ваксс. Синь кульсазь валть, эстокиге сай Сатанась и нельгсы седиезост видеф валть.

Лука 8:31

Синь эняльдсть Иисусонди аф панцемс синь потмаксфтома томбати.

Павелонь омбоце сёрмац Коринфу 11:3

Но мон пелян: кода куйсь ёжушисонза васькафтозе Евань, тяконь лаца тиньге ёненте афоль салав седиваксстонь и ару кельгомантень эзда Христосонди.

Пёторонь омбоце сёрмац 3:8

Кельгома ялгат, аньцек тясть юксне ва тянь: Шкайти фкя шись кода тёжянь киза, а тёжянь кизотне – кода фкя ши.

Иоаннонди панчф няйфкс 12:9

Кабаконашка драконць, кунардонь куйсь, кона лемневи идемэвозькс и Сатанакс, сембе масторлангонь ломаттнень васькафнисна, ёрдафоль эсь ангелонзон мархта масторлангти.

Иоаннонди панчф няйфкс 13:14

Сон васькафнесыне масторлангонь эряйхнень ня дивань тефнень вельде, конатнень тейнза максозь тиендемс васенце кяжи жуватать лемста. Сон кошярясыне масторлангонь эряйхнень тиемс васенце кяжи жуватать ликонц, кона куломс керфоль торса, но эреклась.

Иоаннонди панчф няйфкс 17:2

Сонь мархтонза усксевсть масторлангонь оцязорхне, и сонь усксевомань винанц эзда иретькшнесть масторлангонь ломаттне».

Иоаннонди панчф няйфкс 17:8

Тя кяжи жуватась, конань тон няить, мзярда-бди ульсь, а тяни аш. Но сон лиси потмаксфтома томбаста и тяда меле моли аду. Масторлангонь эряйхне, конатнень лемсна, ушедомок менельть-масторть тиемста, апак сёрматт эряфонь книгати, кармайхть дивандама, мзярда няйсазь кяжи жуватать, сяс мес сон ульсь, тяни сон аш, но сон кармай улема.

Иоаннонди панчф няйфкс 20:1

Мон няень менельста валги ангел, конань кядьсонзоль потмаксфтома томбать эзда панжемась и оцю цинзер.