Иоаннонди панчф няйфкс 2:5 - Од Соткс Новый Завет на мордовском-мокша языке 2016

⁵ Лятфтак ина, кодамкс тон улеть прамдот инголе. Аертт пежетнень эзда и мрдак васень тефненди. Но кда аф аердат, Мон саян тейть и шашфтса валдоптомань кирдемацень вастстонза.

Иоаннонди панчф няйфкс 2:5 ပူးပေါင်းရင်းမြစ်များ

Матфей 5:14

Тинь – масторлангса валдсь. Панда пряса ащи ошсь аф кяшеви ломанень сельмода.

Матфей 5:15

Мзярда крьвяснесазь штатолть, сонь аф кяшендьсазь кядьгоня алу, а путнесазь штатолонь кирдемас – и сон кудса сембонди валдопты.

Марк 12:9

Мезе эста тии виноградонь перень азорсь? Сон сай, шавфтсыне куломс перень ваныхнень-касфтыхнень, и макссы переть лия ваныхнень-касфтыхнень кядьс.

Лука 1:17

Сон сай Азорда инголи стамка ваймопожфса и стамка вийса, кодамса сашендсь Илия. Сонь мялец алятнень седиснон шарфтомс эсь идьснонды и аф кулхцодыхнень кошардомс арьсема видексшинь ломаттнень лаца: аральхть Азорти анок ломаньтналкс».

Лука 20:16

Сон сай, машфтсыне ся виноградонь касфтыхнень и макссы виноградонь переть лия покодихнень кядьс». Тянь кулиенза мярьгсть: «Тяфта мзярдонга тяза лисе!»

Павелонь сёрмац Галатияв 5:4

Тинь, конат ёрайхть арамс Шкайть инголе видексшинь ломанькс койть ванфтоманц вельде, – тинь яводе Христость мархта, аердоде Шкаень пароказнеть эзда.

Павелонь сёрмац Филиппав 2:15

Эста тинь ульхтяда аф муворукс и арукс, Шкаень афсатыксфтома идькс, конат эряйхть тяниень пингонь гастяф и виде киста шарфтф ломаттнень ёткса. Тинь валдопттада синь ётксост кода менелень тяштть,

Еврейхненди сёрмась 10:32

Лятфтасть ингольдень шитнень, мзярда Шкайсь валдоптодязь тинь Эсь валдсонза. Эста тинь кирдеде лама оцю сталма и сякокс ащеде кемоста.

Пёторонь омбоце сёрмац 3:17

Кельгома ялгане, тейнть инголькиге содаф тя. Сяс ванфтода пря: афоледязь уска эсь мельгаст шкайфтомотнень васькафты-эрьготьфти валсна и афоледе пра кеме юронтень лангста.

Иудань сёрмац 1:24

Но Шкайть ули виец ванфтомс тинь кальдявс прамада и путомс тинь кенярдемаса афсатыксфтомокс Эсь иневалдонц инголи.

Иоаннонди панчф няйфкс 1:20

Тяни Мон панчса тейть салавашить, азса, кодама смузь няфтихть ся сисем тяшттне, конатнень тон няить Монь види кядьсон, и ся сисем валдоптомань кирдематне. Сисем тяшттне – тя сисем кемаень пуромкснень ангелсна, а сисем валдоптомань кирдематне, конатнень тон няить, тя сисем кемаень пуромксне».

Иоаннонди панчф няйфкс 16:9

Ломаттне пицевсть аф кирдемшкань псить эзда, и синь сялдозь Шкайть лемонц, сялдозь Сянь, конань ульсь азорксшиц ня кальдяфнень лангса. Но синь сяка ашесть шарфта Шкайти, ашесть аза Тейнза шнама.

Иоаннонди панчф няйфкс 2:16

Шарфтт меки Шкайти! Афток курок саян тейть и кургстон лиси торса карман тюрема мархтост.

Иоаннонди панчф няйфкс 2:19

Мон содасайне тонь тефнень, кельгомацень, кемамацень, покодемацень и сталмонь кирдемацень. Содаса сяньге, тонь тяниень тефне сяда оцюфт васенцетнень коряс.

Иоаннонди панчф няйфкс 2:2

Мон содасайне тонь тефнень, стака покодемацень и кемошицень. Содаса, маласотка афолить кирде пежес ваяф ломаттнень. Тон варжайть-содайть сятнень, кит лемнесазь пряснон апостолкс, но синь аф сят, кикс няфнесазь пряснон. И тон шарьхкодить, синь васькафнихть.

Иоаннонди панчф няйфкс 3:19

Кинь кельгса, сянь пежензон лихтьсайне лангти и сюцеса-тонафтса сонь. Сяс ульхть виень путыкс и кадыть пежетнень!