Иоаннонди панчф няйфкс 2:25 - Од Соткс Новый Завет на мордовском-мокша языке 2016

²⁵ Аньцек сянь, мезенте ули, кирдесть Монь самозон.

Иоаннонди панчф няйфкс 2:25 ပူးပေါင်းရင်းမြစ်များ

Иоанн 14:3

Мон молян и аноклан тейнть васта, сяльде саян меки и сяфтядязь тинь Эсь ширезон, тиньге улеледе тоса, косан Мон.

Апостолхнень тевсна 11:28

Ёткстост фкясь, лемоцоль Агав, стясь и Ваймопожфть вятеманц коряс ингольпяли азозе: марнек модать лангса кармай улема оцю вачаши, и тяфтама вачашись сась Клавдий кесарть пингста.

Павелонь сёрмац Риму 12:9

Катк тинь кельгоманте ули седиваксстонь. Аердода кяжть эзда и педеда паронь тиемати.

Павелонь васенце сёрмац Коринфу 11:26

Сяс, эрь мезня, мзярда тинь ярхцатада тя кшида и сиптяда тя кядьгоста, тинь пачфттяда куля Азорть куломанц колга, мзярс Сон аф мрдай меки.

Павелонь васенце сёрмац Коринфу 4:5

Сяс пингта инголе киньге тясть суденда, мзярс аф сай Азорсь. Сон валдти лихтьсы семботь, мезе кяшф шобдаса, и тисыне няевиксокс салавань мяльхнень-арьсематнень. Эста эрти максови шнама Шкайть эзда.

Павелонь васенце сёрмац Фессалоникав 5:21

но семботь лацкас ваность-варжасть; и мезсь цебярь, сянь ванфтость.

Еврейхненди сёрмась 10:23

Карматама кемоста кирдевома ся надиямаса, конань минь азонкшнесаськ сембонь инголе, сяс мес Надияфтысь кирдьсы валонц.

Еврейхненди сёрмась 3:6

А Христоссь – Шкаень Цёра и Шкаень кудть лангса Азор, кона тиенди Шкайть мяленц коряс. Сонь кудоц – тя минь, кда аньцек минь кемоста и педа-пес ванфтсаськ аф пелемашить и надиямать, конаса минь кенярдезь шнафттама пря.

Еврейхненди сёрмась 4:14

Сяс мес минь ули инь оцю Озксвятиень оцюняньке – Иисус, Шкаень Цёрась, кона ётась менельхнень пачк, эрьда карматама кемоста кирдема ся кемамати, конань азонкшнесаськ ломаттнень ингольде.

Пёторонь омбоце сёрмац 3:10

Но Азорть шиц сай кода салайсь веть. И эста зярнязь-увназь юмайхть менельхне, крьвяземок, юмайхть менельса валдоптыхневок, палы марнек масторлангсь и сембось, мезе лангсонза.

Иоаннонди панчф няйфкс 1:7

Ванода: Сон сай коволхнень лангса; эрь сельмось няйсы Сонь, няйсазь сятка, кит сялгозь Сонь. И масторлангонь сембе ломаньтналхне аварьгодыхть Сонь инголенза. Тяфта ули! Аминь.

Иоаннонди панчф няйфкс 22:20

Семботь тянь колга Азондысь корхтай: «Тя виде, Мон курок саян!» Аминь, сак, Иисус Азор!

Иоаннонди панчф няйфкс 22:7

«Вов, Мон курок саян! – корхтай Иисус. – Павазу ся, кие ванфтсыне тя книгаста пророчествань валхнень».

Иоаннонди панчф няйфкс 3:11

Мон курок саян – тон ина кемоста киртть сянди, мезце тонь ули, кивок тязазе сяв сяськиень каштазцень.

Иоаннонди панчф няйфкс 3:3

Лятфтак, мезе тейть максфоль и мезе тон кулеть. Киртть сонь эсонза и каендак. А кда аф сргозят, Мон саян апак учт, салай лаца, содамонга аф кармат, мзярда кундате тонь.