Иоаннонди панчф няйфкс 2:23 - Од Соткс Новый Завет на мордовском-мокша языке 2016

²³ Сонь мельганза молихненьге кулофтсайне. Эста содасазь сембе кемаень пуромксне: Мон Ся, кие содасыне ломаттнень кяшф мяльснон-арьсемаснон. И ёткстонт эрти Мон максан тевонзон коряс.

Иоаннонди панчф няйфкс 2:23 ပူးပေါင်းရင်းမြစ်များ

Матфей 16:27

Вдь Ломанень Цёрась сай Алянц иневалдсонза и Эсь ангелонзон мархта, и эста эрь ломанть казьсы тиф тевонзон коряс.

Лука 16:15

Иисус мярьгсь тейст: «Ломаттнень инголе тинь ёратада няфтемс прянтень видексшиса эряй ломанькс, но Шкайти содафт седиенте. Ся, мезсь питни ломаттненди – нильготькс Шкайти.

Иоанн 21:17

Корхтай тейнза колмоцеда: «Симон, Ионань цёрац, тон кельгсамак Монь?» Пётр ризназевсь, мес колмоцеда кизефтезе сонь «Кельгсамак Монь?» и мярьгсь Тейнза: «Азор! Тон семботь содасак; Тон содасак: мон келькте Тонь». Иисус корхтай тейнза: «Ваныть Монь учанень.

Иоанн 4:16

Иисус корхтай авати: «Архт тертьк мирдценьге тяза».

Апостолхнень тевсна 1:24

Пуромфне ушедсть озондома, корхтасть: «Азор, Тейть содафт ломанень седихне! Няфтьк тейнек, кинь кафттнень ёткста Тон кочкайть

Павелонь сёрмац Риму 14:12

Тяфта, эрсь минь ёткстонк кармай азондомост эсь тевонзон Шкайти.

Павелонь сёрмац Риму 8:27

И Шкайсь, конанди содафт минь инь крхка потмомяленьке, содасы, мезень колга арьси Ваймопожфсь, сяс мес Ваймопожфсь озонды-эняльди Шкаень иняру ломаттнень инкса Шкайть мяленц коряс.

Павелонь омбоце сёрмац Коринфу 5:10

Вдь тейнек сембонди сави арамс Христость судонц инголе, и эрти максови сембонкса сянкса, мезе сон тись ронгса эрямстонза: цебярь али кальдяв.

Павелонь сёрмац Галатияв 6:5

Вдь эрь ломанти кандома эсь канксоц.

Еврейхненди сёрмась 4:13

Шкайть эзда мезевок аф кяшеви. Сонь сельмонзон инголе сембось штада и панжада, Сон – Судьяньке и Сонь инголенза тейнек сави корхтамс сембе тевоньконь колга.

Пёторонь васенце сёрмац 1:17

Ся, конань тинь лемнесать Алякс, судендасы эрь ломанть тевонзон коряс, аф ваномок сянь лангс, кие сон. Сяс, улемок тя масторлангса ширде саф ломанькс, фалу эряда Шкайда пелезь и Сонь мяленц ванозь.

Иоаннонди панчф няйфкс 2:11

Кинь улихть пиленза – кулеза, мезе Ваймопожфсь корхтай кемаень пуромксненди. Кие сяськи, сянди омбоце куломась зиян аф тии"».

Иоаннонди панчф няйфкс 2:7

Кинь улихть пиленза – кулеза, мезе Ваймопожфсь корхтай кемаень пуромксненди. Сяськити максан ярхцамс иможда эряфонь шуфтть эзда, кона касы Шкайть райсонза"».

Иоаннонди панчф няйфкс 20:12

Мон няине кулофнень, ёмлатнень и оцюфнень, конат ащесть Шкайть инголе. И няине кода панжезь книгатнень. Тяфта жа панжезь эряфонь книгатьке, и судендазь кулофнень синь тевснон коряс, кода сёрматфоль книгатнень эса.

Иоаннонди панчф няйфкс 20:13

Эста оцюведсь максозень кулофнень, конат ульсть эсонза, Куломась и Адсь максозь кулофнень, конат ульсть синь кядьсост, и эрть судендазь тиф тевонзон коряс.

Иоаннонди панчф няйфкс 22:12

Иисус корхтай: «Вов, Мон курок саян и Монь пандомазе ули мархтон. Эрти максан сонь тевонзон коряс.

Иоаннонди панчф няйфкс 6:8

Мон варжакстонь и няень лофтана алаша. Сонь лангсонза ластять лемоцоль Кулома, и Адсь мольсь мельганза. Тейст максфоль азорксши модать нилеце пяльксонц лангса – машфнемс ломаттнень торса, вачашиса, кулофты урмаса и вирьбаксянь жувататнень вельде.