Иоаннонди панчф няйфкс 2:19 - Од Соткс Новый Завет на мордовском-мокша языке 2016

¹⁹ Мон содасайне тонь тефнень, кельгомацень, кемамацень, покодемацень и сталмонь кирдемацень. Содаса сяньге, тонь тяниень тефне сяда оцюфт васенцетнень коряс.

Иоаннонди панчф няйфкс 2:19 ပူးပေါင်းရင်းမြစ်များ

Лука 1:23

Мзярда аделавсть озксвятемань шинза, сон мрдась эсь кудозонза.

Иоанн 15:2

Сон керсы эрь тараткязень, кона аф канды имошт; а эрь иможень канды тарадста керсы аф эрявиксть, тяфта ароптозь лезды тейнза сяда пяк иможиямс.

Павелонь сёрмац Колоссав 3:14

А сембодонга пяк уледа кельгикс, сяс мес кельгомась семботь сотсы марса и семботь тисы афсатыксфтомокс.

Павелонь васенце сёрмац Фессалоникав 3:6

Но вов Тимофей аньцек-аньцек мрдась ширдент и кандсь цебярь кулят тинь кемамантень и кельгомантень колга. Корхтай, тинь фалу кенярдезь лятфнесамасть минь и оцю мяльса ёратада васедемс минь мархтонк, кода миньге тинь мархтонт.

Павелонь омбоце сёрмац Фессалоникав 1:3

Кемай ялгат, тейнек фалу эряви азондомс сюконяма Шкайти тинь инксонт. И ули мезенкса, вдь тинь кемаманте козяста касы и фкя-фкянди кельгоманте сядонга ламолготкшни эрть эса.

Павелонь васенце сёрмац Тимофеенди 1:5

Тя кошарксть вешфксоц – кельгомась, кона лиси ару седиста, цебярь-пара ваймовайгяльста и афкуксонь кемамаста.

Пёторонь васенце сёрмац 4:8

Васенда, седи ваксста кельгода фкя-фкянь, сяс мес кельгомась вельхтяй лама пеже.

Пёторонь омбоце сёрмац 1:7

Шкайть мяленц коряс эрямасонт няфтеда ялгаксши кемай ялгантенди, а ялгаксшисонт – кельгома.

Пёторонь омбоце сёрмац 3:18

Но, меколанкт, касода-кемокстада, сяда крхкаста содасть Азороньконь и Идиеньконь Иисус Христость и Сонь пароказненц. Улеза Тейнза шнама кода тяни, стане и пефтома пингс! Аминь.

Иоаннонди панчф няйфкс 2:13

Мон содасайне тонь тефнень, и содаса, тон эрят тоса, коса кемокстазе озама вастонц Сатанась. Но тон ванфтсак Монь лемозень и ашеть лотка Тейне кемамда нльне эстонга, мзярда тинь ошсонт, коса эряй Сатанась, ульсь шавф Антипа, седи ваксста Монь колган азондысь.

Иоаннонди панчф няйфкс 2:9

Мон содасайне тонь тефнень, тонь маятаматнень и ашушицень (хуш афкукс тон козят). Содаса сяньге, кода тонь эсот сялдыхть сят, конат эсь пряснон лувсазь еврейкс, но синь аф еврейхть, а Сатанань пуромкс.