Иоаннонди панчф няйфкс 2:14 - Од Соткс Новый Завет на мордовском-мокша языке 2016

¹⁴ Но вов Монь мезе-бди ули тонь каршезт: тоса, тинь ётксонт улихть Валаамонь тонафтоманц коряс эряйхть. А Валаам тонафтозе Валаконь, кода Израилень эряйхнень сувафтомс пежес: ярхцамс сивольда, кона кантф озксказнекс аф афкуксонь шкайхненди, и усксевозь эрямс.

Иоаннонди панчф няйфкс 2:14 ပူးပေါင်းရင်းမြစ်များ

Матфей 18:7

Кальдяв ули масторлангти, сяс мес тяса лама пежес вяти мялень саламада! Тянди улема, аньцек кальдяв ули ся ломанти, кинь вельде синь сашендыхть.

Апостолхнень тевсна 15:29

тяда ярхца аф афкуксонь шкайхненди озксказнекс кантф ярхцамбяльда, верда и пондаф жуватань сивольда, кирдеда усксевомада и тяда тиенде лиятненди сянь, мезе аф ёратада эстейнть. Пяшкодендярясасть тянь, тихтяда пяк лац. Уледа шумбрат».

Апостолхнень тевсна 21:25

Кда корхтамс лия ломаньтналста кемайхнень колга, минь сёрмадоськ тейст эсь ладяфксоньконь: катк синь мезевок тяфтама аф ванфтыхть, аньцек тязаст ярхца сяда, мезе канневсь озксказнекс аф афкуксонь шкайхненди, верда, поваф жуватань сивольда, кирдельхть пря усксевомада».

Павелонь сёрмац Риму 11:9

И Давид корхтай: «Катк синь повихть кундамас ярхцама пингстост! Катк синь прайхть туворс, и катк сай тейст шумонь пандома!

Павелонь сёрмац Риму 14:13

Сяс аф карматама фкя-фкянь судендама. Меколанкт, тяряфтода мезевок аф тиендемс стама, мезсь тапарялезе кемай ялгацень али сувафтолезе пежес.

Павелонь сёрмац Риму 14:21

Сяда пара аф ярхцамс сивольда и аф симомс винада, и аф тиендемс мезевок стама, мезть эзда тонь кемай ялгаце пупордай, сувай пежес али вийда машты.

Павелонь сёрмац Риму 9:32

Мес? Сяс мес синь нежетькшнесть аф кемамать, а коень тефнень лангс. Тяфта синь пупордасть «пупордамань кевть» ланга,

Павелонь васенце сёрмац Коринфу 1:23

ина минь канттама Куля крёз лангс эськотьф Христость колга. Еврейхненди тя Кулясь – пупордамань кев, лия ломаньтналхненди – ёньфтомаши.

Павелонь васенце сёрмац Коринфу 7:2

Но усксевомас аф праманкса, катк эрь алять ули эсь рьвац, а авать эсь мирдец.

Еврейхненди сёрмась 13:4

Катк эрсь кирдьсы пара лувксса рьвяямань сотксть. Мирттненди и рьватненди эряви улемс видекс и арукс фкя-фкянь инголе; вдь Шкайсь судендасыне сятнень, кит усксевихть и васькафнесазь поласнон.

Пёторонь васенце сёрмац 2:8

Синь пупоряйхть сяс, мес аф кулхцондсазь Шкайть валонц. Тяфта тейст инголькиге ладяфоль.

Пёторонь омбоце сёрмац 2:15

Синь пувордасть виде киста и эрьгодсть. Синь тусть сяка киге, кода и Валаам, Восоронь цёрац, кона кельгозе аф виде тевонкса ярмаконь сявондеманц.

Иудань сёрмац 1:11

Кальдяв тейст! Синь молихть Каинонь киге; синь максовсть васькафтомас-эрьготьфтемас ярмакнень инкса, кода Валаам; и синь кулыхть каршек молемать инкса, кода Корей.

Иоаннонди панчф няйфкс 2:20

Но вов Монь мезе-бди ули тонь каршезт: тон аф карнесак Иезавель авать, кона лемнесы прянц прорококс, а сонць эсь тонафтомасонза васькафнесыне-эрьготьфнесыне Монь покодинень. Тя авась тонафнесыне синь усксевомс и ярхцамс сивольда, конань каннесазь озксказнекс аф афкуксонь шкайхненди.

Иоаннонди панчф няйфкс 2:4

Но вов мезезе ули тонь каршезт: тон Монь кельгсамак аф сяшкава вииста, кода васенда.

Иоаннонди панчф няйфкс 21:8

А пелихнень, кемамать эзда потайхнень, сембе туткоткснень, ломанень шавихнень, усксевихнень, колдувайхнень, аф афкуксонь шкайхненди сюконяйхнень и сембе васькафнихнень вастсна эрьхкса, кона палы толса и палыкандорса. Тя омбоце куломась».

Иоаннонди панчф няйфкс 22:15

А пинетне и колдувайхне, усксевихне и ломанень шавихне, аф афкуксонь шкайхненди сюконяйхне и сембе сят, кит кельгсазь васькафнемать и эряйхть васькафнемаса, – аф повихть ошу.