Иоаннонди панчф няйфкс 19:4 - Од Соткс Новый Завет на мордовском-мокша языке 2016

⁴ Эста комсь нилие атятне и ниле эряй ваймотне прасть и сюконясть Шкайти, кона озаф оцязоронь озама вастсонза, и мярьгсть: «Аминь! Аллилуйя!»

Иоаннонди панчф няйфкс 19:4 ပူးပေါင်းရင်းမြစ်များ

Матфей 28:20

Тонафтость синь ванфтомс семботь, мезе Мон мярьгонь тейнть. Содасть, Мон улян мархтонт сембе шитнень, пингть пенц самс». Аминь.

Матфей 6:13

Тямасть вятфне варчсемас, но Кальдявть эзда идемасть. Вдь Тоннет – Оцязорксшись, вийсь и иневалдсь пефтома пингс. Аминь.

Павелонь васенце сёрмац Коринфу 14:16

Кда тон азат сюконяма Шкайти аньцек эсь ваймопожфсот, эста кода ломанць, конань аш лия кяльхнень панчсемань казнец, мярьги «афкукс тяфта!» тонь валхнень каршес? Вдь сон аф шарьхкоди, мезе тон корхтат!

Иоаннонди панчф няйфкс 15:7

Фкясь ниле эряй ваймотнень эзда макссь сисем ангелхненди зрнянь сисем кядьгот. Синь пяшкотьфтольхть пефтома пингс эряй Шкайть кяждонза.

Иоаннонди панчф няйфкс 19:1

Тяда меле мон кулень кайги вайгяль, бта пяк лама ломань морась менельса: «Аллилуйя! Идемась, шнамась, пара лувкссь и вийсь минь Азороньконди,

Иоаннонди панчф няйфкс 19:3

И омбоцеда моразевсть: «Аллилуйя! Палы ошть качамоц кеподи пефтома пингс».

Иоаннонди панчф няйфкс 19:6

Сяльде мон кулень бта пяк лама ломанень вайгяль, кона ульсь кода лама ведень увф и кода вии атямонь торама, сон корхтась: «Аллилуйя! Азор Шкайсь, Сембонь Кирдись, кармась оцязорондама!

Иоаннонди панчф няйфкс 5:14

И тянь каршес ниле эряй ваймотне азозь: «Аминь», а комсь нилие атятне прасть комада и сюконясть пефтома пингс Эряйти.