Иоаннонди панчф няйфкс 16:6 - Од Соткс Новый Завет на мордовском-мокша языке 2016

⁶ синь валозь иняруфнень и пророкнень верснон, и Тон максоть тейст симомс верда. Тейст тя тев коряс!»

Иоаннонди панчф няйфкс 16:6 ပူးပေါင်းရင်းမြစ်များ

Матфей 7:2

сяс мес кодама судса судендатада, Шкайсь стама судса тиньге судендатядязь. И кодама унксса ункстатада, стама унксса тиньге ункстатядязь.

Лука 12:48

А ся, кона ашезе сода азоронц мяленц и тись мезевок стама, мезенкса пиксомаль, пиксови аф пяк. Кинди лама максф, сянь кядьста лама кизефтеви; кинь лангс лама надияфтови, сянь кядьста сяда лама вешеви».

Еврейхненди сёрмась 10:29

Арьседа, конашкава сяда стака наказама учсы сянь, кие пильгса тапсесы Шкаень Цёрать и аф лувсы инярукс сотксонь верть, конаса сон ульсь иняруяфтф, и кие пароказнень Ваймопожфть сялдсы!

Иоаннонди панчф няйфкс 11:18

Лия ломаньтналхне лаказевсть кяжса, но сяка Тонь кяжце сась. Сась пинге судендамс кулофнень и каземс казнеса Тонь покодихнень – пророкнень, а тяка лаца сембе иняруфнень, сембе сятнень, кит ванцазь Тонь мяльцень, ёмланек-оцюнек. Сась пинге машфтомс сятнень, кит юмафнесазь-арафнесазь масторлангть».

Иоаннонди панчф няйфкс 13:10

Кинди повома полонц, ся пови полонц, кинди кулома тор эзда, ся кулы тор эзда. Тянь эса Шкаень ломаттненди эряви кирдемшка и кемама.

Иоаннонди панчф няйфкс 13:15

Тейнза максфоль уфамс эряф васенце жуватать ликонцты, ся корхтазеволь и тиель стане: сембе, кит аф сюконяйхть васенце кяжи жуватать ликонцты, улельхть шавфт.

Иоаннонди панчф няйфкс 18:20

«А тон, менель, кеняртькшнек! Тиньге, Шкаень сембе ломаттне, апостолхне и пророкне, кеняртькшнеда! Шкайсь судендазе сонь сембонкса сянкса, мезе сон тиендсь тейнть!»

Иоаннонди панчф няйфкс 18:24

И тонь лангсот пророкнень версна, Шкаень ломаттнень версна, и масторлангса сембе шавфнень версна».

Иоаннонди панчф няйфкс 19:2

сяс мес видексшинь и афкуксонь Сонь судонза: Сон судендазе ся инь оцю усксеви авать, кона наксафнезе масторть эсь усксевомасонза. Шкайсь пантфтозе кядьстонза шумоть Эсь покодиензон верснон инкса».