Иоаннонди панчф няйфкс 16:2 - Од Соткс Новый Завет на мордовском-мокша языке 2016

² Васенце ангелсь лиссь и валозе эсь кядьгонц масторть лангс – казяма и аеркс сыияфксне вельхтязь сятнень, кинь лангса ульсь кяжи жуватать тяштьфксоц и кит сюконякшнесть сонь ликонцты.

Иоаннонди панчф няйфкс 16:2 ပူးပေါင်းရင်းမြစ်များ

Апостолхнень тевсна 12:23

Но апак учентт Азорть ангелоц эрьхтезе Иродонь сянкса, мес сон шнамать ашезе макса Шкайти. Иродонь сивозь суксне и сон кулось.

Иоаннонди панчф няйфкс 13:12

Васенце кяжи жуватать лемста сон нолнесы тевс васенце кяжи жуватать азорксшинц и кошярясы сембе масторлангть и лангсонза сембе эряйхнень сюконямс васенце кяжи жуватати, конань куломс керф вастоц пчкясь.

Иоаннонди панчф няйфкс 14:16

Коволть лангса Озадось ёрдазе Эсь тарвазонц масторть лангс, и масторть лангоц нуфоль.

Иоаннонди панчф няйфкс 14:9

Мельгаст лийсь колмоце ангелсь, кона кайгиста корхтась: «Кие сюконяй кяжи жуватати и сонь ликонцты, и кие путфтсы сонь тяштьфксонц эсь конязонза али кядезонза,

Иоаннонди панчф няйфкс 16:1

Мон кулень Шкаень кудста кайги вайгяль, кона корхтась сисем ангелхненди: «Арда и валость Шкаень кяжса пяшкотьф сисем кядьготнень масторть лангс!»

Иоаннонди панчф няйфкс 16:11

и сялдозь менелень Шкайть эсь сярятьфснон и эсь сыияфксснон инкса; и сяка ашезь када эсь пежу тевснон.

Иоаннонди панчф няйфкс 8:7

Васенце ангелсь торазевсь – и вер мархта шовор цяряхман и тол ёрдасть модать лангс. Палсь модать колмоце пяльксоц, и палсть шуфттнень колмоце пялькссна, и эрь кодама сянгяря тишесь палсь.