Иоаннонди панчф няйфкс 14:2 - Од Соткс Новый Завет на мордовском-мокша языке 2016

² И мон кулень менельста вайгяль, кона шарсь лама ведень увнамати и вельф кайги атямонь торамати. И ся вайгяльсь ульсь бта арфаса седяйхнень, конат седясть эсь арфасост.

Иоаннонди панчф няйфкс 14:2 ပူးပေါင်းရင်းမြစ်များ

Павелонь васенце сёрмац Коринфу 13:1

Корхтандярян мон ломанень и ангелонь кяльса, а кельгома эсон аш, эста мон кода пайгонь шава гайняман али кальдердемань цингордоман.

Иоаннонди панчф няйфкс 1:10

Азорть шиста мон улень Ваймопожфть кядяла и фталон кулень кайги вайгяль, кона кайгсь торама лаца. Сон корхтась: «Мон Альфась и Омегась, Васенцесь и Мекольцесь.

Иоаннонди панчф няйфкс 1:15

Сонь пильгонза ульсть кода толса серептьф бронза, и вайгялец – кода лама ведень увф.

Иоаннонди панчф няйфкс 11:12

Кафта пророкне кульсть менельста кайги вайгяль, кона корхтась тейст: «Кеподеда тяза!» И душманцнон сельмингольдест синь кеподсть ковол лангса менели.

Иоаннонди панчф няйфкс 11:15

Сисемце ангелсь торазевсь – и менельса кайгозевсть вии вайгяльхть, конат корхтасть: «Масторлангонь оцязорксшись ётась Азороньконь и Сонь Мессиянц кядялу! Азорсь кармай азорондама пефтома пингс!»

Иоаннонди панчф няйфкс 15:2

Мон няень бта тол мархта шоряф клянцеконь оцюведь. Клянцеконь оцюведть лангса ащесть сят, кит сяськозь кяжи жуватать, сонь ликонц и сонь тяштьфксонц, кона няфневсь лемонц числаса. Синь кядьсост кирдсть арфат

Иоаннонди панчф няйфкс 18:22

Тонь эсот оду аф кулихть аф арфань вайгяль, аф морамань вайгяль; аф кайгозевихть тонь ульцяват нюдиень и торамань морамат; тонь эсот аф муйхть фкявок ломань, кона стаки кармаль машты кядьса тиема эсь тевонц, и яжамань кефнень увфсновок аф кулеви тоньцот.

Иоаннонди панчф няйфкс 5:8

Мзярда Верозсь сявозе книгать, ниле эряй ваймотне и комсь нилие атятне прасть инголенза комада. Эрсь кирдсь кядьсонза арфа и зрнянь кядьге, кона пяшксель танцти шине фимиамда – Шкаень ломаньтналть озондомадонза.

Иоаннонди панчф няйфкс 6:1

Мон няине, кода Верозсь валхтозе сисем тяштькснень эзда васенцеть, и мон маряйне, кода фкясь ниле эряй ваймотнень ёткста азозе атямонь лаца вайгяльса: «Сак и ватт!»

Иоаннонди панчф няйфкс 8:7

Васенце ангелсь торазевсь – и вер мархта шовор цяряхман и тол ёрдасть модать лангс. Палсь модать колмоце пяльксоц, и палсть шуфттнень колмоце пялькссна, и эрь кодама сянгяря тишесь палсь.