Иоаннонди панчф няйфкс 14:14 - Од Соткс Новый Завет на мордовском-мокша языке 2016

¹⁴ Тяда меле мон варжакстонь и няень акша ковол. Лангсонза озадоль кати-кие, кона шарсь Ломанень Цёрать лангс. Прясонза ульсь оцязоронь зрнянь каштаз, а кядьсонза – оржа тарваз.

Иоаннонди панчф няйфкс 14:14 ပူးပေါင်းရင်းမြစ်များ

Матфей 13:30

Кадость марса касыхть нятка сятка нума пингть самс. Нума пингста мон мярьган нуйхненди: васенда кочкость сордишеть, сотнесть сонь пулфс и плхтасть, а тозерть ускость утому"».

Матфей 17:5

Мзярда сон нинге корхтась, валдтонга валда ковол тавадозень синь. Коволста кулевсь вайгяль: «Тя Монь кельгома Цёразе, Монь кенярдема вастозе. Кулхцондость Сонь!»

Марк 4:29

А мзярда сёротне кенерихть, ломанць эстокиге кучи тарваз мархта покодихть, сяс мес сась нумань пингсь».

Лука 21:27

Эста няйсазь Ломанень Цёрать инь оцю вийсонза и иневалдсонза коволхнень лангса саманц.

Еврейхненди сёрмась 2:9

Но минь няйсаськ Иисусонь, конань прязонза щафтф иневалдонь и шнамань каштаз маятамаса куломанц инкса. Сон нюрьхкяня пингонди путфоль ангелхнень коряс сяда алу, сяс мес Шкаень пароказнеть коряс Иисусонди эрявсь куломс эрь ломанть инкса.

Иоаннонди панчф няйфкс 1:13

А валдоптомань кирдематнень ёткса няине кинь-бди, кона ульсь Ломанень Цёрать лаца. Сон щафоль кувака щамса и карксафоль мяште видес зрнянь карксса.

Иоаннонди панчф няйфкс 1:7

Ванода: Сон сай коволхнень лангса; эрь сельмось няйсы Сонь, няйсазь сятка, кит сялгозь Сонь. И масторлангонь сембе ломаньтналхне аварьгодыхть Сонь инголенза. Тяфта ули! Аминь.

Иоаннонди панчф няйфкс 10:1

Сяльде мон няень лия ангел, виидонга вии, кона валгсь менельста. Сон ашкотфоль коволса, прянц вельхксса ульсь атямъёнга, шамац пиндолдсь кода ши, а пильгонза ульсть кода толонь столбат.

Иоаннонди панчф няйфкс 11:17

Синь мярьгсть: «Сюконятама Тейть, Азор, Сембонь Кирди Шкай, кона ули, ульсь фалу и кона сай. Сюконятама Тейть, сяс мес Тон нолдайть тевс Эсь оцюдонга оцю вийцень и кармать оцязорондама.

Иоаннонди панчф няйфкс 19:12

Сонь сельмонза кода палы тол, прясонза пяк лама оцязоронь каштазда. Сонь ульсь лемоц, кона сёрматфоль лангсонза, конань кивок, Эстедонза башка, аф содасы.

Иоаннонди панчф няйфкс 20:11

Тяда меле мон няень оцюдонга оцю акша оцязоронь озама васта и Сянь, кие озадоль лангсонза. Сонь шамаликонц эзда ворьгодсть модась и менельсь, и синь прокс юмасть.

Иоаннонди панчф няйфкс 6:2

Мон варжакстонь и, вов, монь сельминголен – акша алаша и лангсонза ластя ломань, конань кядьсонза нал. Тейнза максфоль оцязоронь каштаз и сон лиссь кода сяськи, кона аноколь од сяськоматненди.