Иоаннонди панчф няйфкс 14:1 - Од Соткс Новый Завет на мордовском-мокша языке 2016

¹ Меле мон няине: вага Верозсь ащи Сион пандть лангса и мархтонза сяда нильгемонь нилие тёжянь ломань, конатнень конясост тяштьф Сонь Алянц лемоц.

Иоаннонди панчф няйфкс 14:1 ပူးပေါင်းရင်းမြစ်များ

Лука 12:8

«Корхтан тейнть: ся, кие ломаттнень инголе лувсы и лемдьсы эсь прянц Моннекс, сянь Ломанень Цёраське Шкаень ангелхнень инголе лувсы и лемдьсы Сонценнекс.

Павелонь сёрмац Риму 9:33

кода тяштьф Сёрматфксса: «Вов, Мон путан Сиону кев, и кармайхть ланганза пупоряма, кев, конань ланга синь прайхть. Но ся, кие кемай Тейнза, аф сувай визькс шамас».

Иоаннонди панчф няйфкс 14:14

Тяда меле мон варжакстонь и няень акша ковол. Лангсонза озадоль кати-кие, кона шарсь Ломанень Цёрать лангс. Прясонза ульсь оцязоронь зрнянь каштаз, а кядьсонза – оржа тарваз.

Иоаннонди панчф няйфкс 14:3

Синь морасть бта од мора оцязоронь озама вастть инголе и ниле эряй ваймотнень и атятнень инголе; и киндивок ашезь тонадов тя морсь, ня морайда башка. Нят ульсть сяда нильгемонь нилие тёжянь ломаттне, конат идефт-рамафт масторлангста.

Иоаннонди панчф няйфкс 15:5

Тяда меле мон няине, кода Шкаень кудсь, иняру кошсь, панжевсь менельса.

Иоаннонди панчф няйфкс 22:4

Синь няйсазь Сонь шаманц, и Сонь лемоц ули синь конясост.

Иоаннонди панчф няйфкс 3:12

Сяськить Мон тиса вельхксонь кирди нежекс Шкаезень кудса, и сон иляды тоса пефтома пингс. Мон сёрмадса сонь лангозонза Шкаезень лемонц и Шкаезень ошенц лемонц – од Иерусалимть, кона валгонды менельста Шкаезень эзда, сёрмадса и Эсь од лемозень.

Иоаннонди панчф няйфкс 4:1

Тяда меле мон варжакстонь и няень менельса панжада кенкш, и кулине сяка вайгяльть, кона ни инголи корхтась тейне торама лаца. Сон мярьгсь: «Кепотть тяза, Мон няфтьса тейть, мезти улема тяда меле».

Иоаннонди панчф няйфкс 6:8

Мон варжакстонь и няень лофтана алаша. Сонь лангсонза ластять лемоцоль Кулома, и Адсь мольсь мельганза. Тейст максфоль азорксши модать нилеце пяльксонц лангса – машфнемс ломаттнень торса, вачашиса, кулофты урмаса и вирьбаксянь жувататнень вельде.