Иоаннонди панчф няйфкс 13:6 - Од Соткс Новый Завет на мордовском-мокша языке 2016

⁶ И сон келептезе кургонц и кармась сялдомонза Шкайть, Сонь лемонц, эряма вастонц и сятнень, кит эряйхть менельса.

Иоаннонди панчф няйфкс 13:6 ပူးပေါင်းရင်းမြစ်များ

Матфей 12:34

Пупай куень лефкст! Кода тинь корхтаманте ули цебярь, мзярда тинць кяжихтяда? Вдь мезьда пяшксе ломанть седиец, ся и лиси кургстонза.

Матфей 15:19

Сяс мес ломанень седиста лисихть кальдяв мяльхне-арьсематне, шавоматне, полань полафтоматне, усксевоматне, саламатне, лиянь лангс васькафнематне и сялдоматне.

Иоанн 1:14

Валсь арась ломанькс и эрясь ётксонк пароказнеда и видешида пяшкотьфста. И минь няеськ Сонь оцюшинц, ся оцюшить, кона максф фкя-тяка Цёрати Алянц эзда.

Павелонь сёрмац Риму 3:13

Синь кргапарьсна – панжада калма; Синь кяльбрясост васькафнема. Синь трвасост куень урафтома

Павелонь сёрмац Колоссав 1:19

Вдь Шкайть мялецоль: эряль-ащель Шкаень сембе пяшксешись Цёрать эса.

Павелонь сёрмац Колоссав 2:9

Вдь Христость ронгсонза Шкайть сембе пяшксешиц.

Еврейхненди сёрмась 9:2

Тя вастокс ульсь иняру кошсь. Сонь ингольдень пялькссонза ащесть валдоптомань кирдемась, шрась и Шкайть инголи путф кшись. Тя пялькссь лемневсь «иняру».

Еврейхненди сёрмась 9:24

Сяс Христоссь ашезь сува кядьса тиф иняру вастти, конац аньцек шары афкуксоннеть лангс, но Сон сувась менельти и тяни араф минь инксонк Шкайть шамаликонц инголе.

Иоаннонди панчф няйфкс 11:12

Кафта пророкне кульсть менельста кайги вайгяль, кона корхтась тейст: «Кеподеда тяза!» И душманцнон сельмингольдест синь кеподсть ковол лангса менели.

Иоаннонди панчф няйфкс 12:12

Кенярдеда ина, менельхть и эсонза сембе эряйхне! Но кальдяв мода лангса и оцюведьса эряйхненди, сяс мес идемэвозсь валгсь тейнть, оцюдонга оцю кяжса палозь, вдь содасы, кржа лядсь сонь пингтонза».

Иоаннонди панчф няйфкс 15:5

Тяда меле мон няине, кода Шкаень кудсь, иняру кошсь, панжевсь менельса.

Иоаннонди панчф няйфкс 18:20

«А тон, менель, кеняртькшнек! Тиньге, Шкаень сембе ломаттне, апостолхне и пророкне, кеняртькшнеда! Шкайсь судендазе сонь сембонкса сянкса, мезе сон тиендсь тейнть!»

Иоаннонди панчф няйфкс 21:3

Мон кулень менельста кайги вайгяль, кона корхтась: «Ванода, Шкайть эряма вастоц ломаттнень ёткса. Сон кармай эряма синь мархтост. И синь арайхть Тейнза ломаньтналкс, и Сонць Шкайсь ули мархтост и кармай улема тейст Шкайкс.

Иоаннонди панчф няйфкс 4:1

Тяда меле мон варжакстонь и няень менельса панжада кенкш, и кулине сяка вайгяльть, кона ни инголи корхтась тейне торама лаца. Сон мярьгсь: «Кепотть тяза, Мон няфтьса тейть, мезти улема тяда меле».

Иоаннонди панчф няйфкс 4:4

Оцязоронь озама вастть перьфке ульсь комсь нилие оцязоронь озама васта, конатнень лангса озафоль комсь нилие атя. Синь щафтольхть акша щамса, пряснон лангса ульсть оцязоронь зрнянь каштаст.

Иоаннонди панчф няйфкс 5:13

И мон кулине, кода эрь тифсь менельса, модать лангса, модать ала и оцюведьса – сембось, мезе ули синь эсост, морась: «Оцязоронь вастса Озадоти и Верозти улеза бславама и пара лувкс, шнама и азорксши пефтома пингс!»

Иоаннонди панчф няйфкс 7:15

Сяс синь ащихть Шкайть оцязоронь озама вастонц инголе и шинек-венек покодихть Тейнза Сонь кудсонза; оцязоронь вастса Озадось кяшсыне синь котфонь кошенц алу, и кармай эряма синь ётксост.

Иоаннонди панчф няйфкс 7:9

Сяльде мон няень ламодонга лама ломань, конат киндинге ашесть лувов, эрь кодама масторста и юромста, сембе ломаньтналхнень и кяльхнень эзда. Синь ащесть акша щамса оцязоронь озама вастть и Верозть инголе, кядьсост кирдсть пальмань тараткат.