Иоаннонди панчф няйфкс 12:9 - Од Соткс Новый Завет на мордовском-мокша языке 2016

⁹ Кабаконашка драконць, кунардонь куйсь, кона лемневи идемэвозькс и Сатанакс, сембе масторлангонь ломаттнень васькафнисна, ёрдафоль эсь ангелонзон мархта масторлангти.

Иоаннонди панчф няйфкс 12:9 ပူးပေါင်းရင်းမြစ်များ

Матфей 13:39

Душманць, кона синь видезень – идемэвозсь, нумась – тя пингть пец, а нуйхне – ангелхне.

Матфей 24:24

сяс мес сайхть аф афкуксонь христост и аф афкуксонь пророкт, конат кармайхть тиендема оцю тяштькст и дивань тефт кочкафнень васькафтоманкса, кда васькафтовольхть.

Матфей 25:41

Эста Сон мярьги кержи кяденц ширеса ащихненди: "Аердода эздон, сюдофт, арда адонь пефтома толти, кона аноклаф идемэвозти и сонь ангелонзонды.

Матфей 4:1

Тяда меле Ваймопожфсь вятезе Иисусонь шавмодав вага мезенди: тоса идемэвозсь тяряфнезе сувафтомс Сонь пежес.

Матфей 4:10

Иисус каршезонза мярьгсь: «Аертт эздон, Сатана; вдь сёрматф: "Азорти, эсь Шкайцти сюконякшнек и аньцек Тейнза покотть"».

Матфей 4:5

Тяда меле идемэвозсь вятезе Сонь иняру ошу и стяфтозе Шкаень кудть пряс,

Матфей 4:8

Эста тага идемэвозсь сявондьсы Иисусть серидонга сери панда пряс, няфнесыне Тейнза модалангонь сембе масторхнень и синь мазышиснон-козяшиснон,

Лука 10:18

Сон мярьгсь тейст: «Мон няине Сатанать ёндолкс менельста праманц.

Лука 13:16

Кали Авраамонь тя стиренц, конань ни кемгафксува киза сотнезе Сатанась, афоль эряв нолдамс ня тярттнень эзда ваймамань шиня?»

Лука 22:3

И вов Сатанась сувась Иудань потмос, конань лемнезь Искариотокс. Сон ульсь кемгафтува тонафнихнень эзда фкясь.

Лука 22:31

Азорсь мярьгсь: «Симон, Симон, ватт! Сатанати максовсь варжамс тинь и понжафтомс, кода тозерть.

Лука 8:12

Ки ваксс прафне – нят сят, конат кульсазь валть, но сяльде сашенды идемэвозсь и салсесы валть седистост, сяс синь аф кемайхть кульфти и аф улихть идефт.

Иоанн 12:31

Тяни сась масторлангть судендама пингоц; тяни тя масторлангть азороц ули паньф тяста.

Иоанн 14:30

Аф лама ни Тейне корхнемс мархтонт, сяс мес сай тя масторлангть азороц. Монь лангсон сонь азорксшиц аш,

Иоанн 16:11

а судендамась тоса: тя масторлангть азороц судендаф ни.

Иоанн 8:44

Тинь алянте идемэвозсь; и тинь мяленте тиендемс алянтень лаца визькс тефт. Сон ушетксстокиге ульсь ломанень шавонды и ашезь ащев видешиса; сяс мес аш эсонза видеши. Мзярда сон кяльготни, корхтай эсенц; сяс мес сон – кяльготнись и кяльготнемать аляц.

Апостолхнень тевсна 26:18

Кучте сельмоснон панжема, шобдать эзда валдти шарфтомост, Сатанать азорксшинц эзда – Шкайти. Мондейне кемамать вельде нолдавихть синь пежесна и максови тейст эсь пялькссна сембе иняруяфнень мархта марса".

Апостолхнень тевсна 5:3

Эста Пётр мярьгсь: «Анания, мес тон нолдайть Сатанать путомс седиезт мяльхть васькафтомс Иняру Ваймопожфть и сёпомс ярмакнень пяльксснон миф паксяцень инкса?

Павелонь сёрмац Риму 16:18

Ня ломаттне покодихть аф Иисус Христос Азороньконди, а эсь пекснонды. Синь ламбама и кяльготнемань кяльсост васькафнесазь сятнень седиснон, кит тёждяста кемайхть мезьс повсь.

Павелонь сёрмац Риму 16:20

А Шкайсь, сетьмошинь лихтибрясь, курок прафтсы Сатанать пильгалонт. Иисус Христос Азороньконь пароказнец улеза тинь мархтонт! Аминь.

Павелонь омбоце сёрмац Коринфу 11:14

Аш месть дивандакшнемс: сонць Сатанась няфнесы эсь прянц валдонь ангелкс.

Павелонь омбоце сёрмац Коринфу 11:3

Но мон пелян: кода куйсь ёжушисонза васькафтозе Евань, тяконь лаца тиньге ёненте афоль салав седиваксстонь и ару кельгомантень эзда Христосонди.

Павелонь омбоце сёрмац Коринфу 12:7

Шкайсь тейне максозень тяшка оцю панжематнень. И сяс: афолине кепсе прязень, Шкайсь пезфтась монь ронгозон сарда – Сатанань ангел, кона монь эсон маятафни: афолине кепсе прязень.

Павелонь омбоце сёрмац Коринфу 2:11

тязалемазь васькафта Сатанась. Вдь тейнек содафт сонь кичкор мяленза.

Павелонь омбоце сёрмац Коринфу 4:4

Тя масторлангонь шкайсь сокоргофтозень ня аф кемай ломаттнень ёньцнон ва мес: афоль няев тейст Пара кулять валдоц, кона няфнесы Христость иневалдонц. Ина Христоссь Эсь Эсьсонза няфнесы аф няеви Шкайть.

Павелонь сёрмац Ефесу 4:14

Эста минь ни аф ульхтяма пиже иднякс, конатнень кодама-повсь тонафтомась ведькомболкс и варма лаца усксыне эсь мельганза, и конатнень ёжу ломаттне васькафнесазь-эрьготьфнесазь.

Павелонь омбоце сёрмац Фессалоникав 2:3

Кивок коданга тязадязь васькафне! Ся шись аф сай, мзярс аф кеподи оцюдонга оцю комболдомась Шкайть каршес, и аф эвондай койфтомошинь ломанць, кона максови юмамать-арамать кядьс.

Павелонь васенце сёрмац Тимофеенди 2:14

И аф Адам ульсь васькафтф, а авась. Тя сон ульсь васькафтф и прась пежес.

Павелонь омбоце сёрмац Тимофеенди 3:13

А кяжи ломаттне и васькафнихне кармайхть тиендема сядонга лама кальдявда, васькафнемок лиятнень и эсь пряснонга.

Еврейхненди сёрмась 2:14

Ня иттне ащихть ронгста и верста, сяс Иисусовок арась синь лацост. И тяфта, куломать вельде Сон машфтозе вийда сянь, конань ули азорксшиц куломать лангса, лиякс мярьгомс, идемэвозть,

Пёторонь васенце сёрмац 5:8

Уледа сргозьфт и фалу анокт, сяс мес тинь душманонте, идемэвозсь, якай вакссонт, кода уркоды лев, кона вешенди кинь сивомс.

Иоаннонь васенце сёрмац 5:19

Тейнек содаф: минь Шкайть эзда, но сембе тя масторлангсь Кальдявть кядялонза.

Иудань сёрмац 1:9

Архангел Михаил, мзярда корхтась-пялькстась идемэвозть мархта Моисеень ронгонц колга, ашезь сменда сюцемс и судендамс идемэвозть. Сон аньцек мярьгсь: «Катк Азорсь кардатанза тонь».

Иоаннонди панчф няйфкс 12:12

Кенярдеда ина, менельхть и эсонза сембе эряйхне! Но кальдяв мода лангса и оцюведьса эряйхненди, сяс мес идемэвозсь валгсь тейнть, оцюдонга оцю кяжса палозь, вдь содасы, кржа лядсь сонь пингтонза».

Иоаннонди панчф няйфкс 12:3

Менельса эвондась дивань лия тяштькс: мон няень кабаконашка толу-якстерь дракон, кона ульсь сисем пря и кемонь сюра мархта, и прянзон лангса – сисем оцязоронь каштаст.

Иоаннонди панчф няйфкс 12:7

Менельса ушедсь тюрема: архангел Михаил и сонь ангелонза тюрсть драконть мархта, а драконць и сонь ангелонза тюрсть синь мархтост.

Иоаннонди панчф няйфкс 12:8

Но драконць и ангелонза ульсть сяськфт, и тейст ашезь кадов ни менельса васта.

Иоаннонди панчф няйфкс 13:14

Сон васькафнесыне масторлангонь эряйхнень ня дивань тефнень вельде, конатнень тейнза максозь тиендемс васенце кяжи жуватать лемста. Сон кошярясыне масторлангонь эряйхнень тиемс васенце кяжи жуватать ликонц, кона куломс керфоль торса, но эреклась.

Иоаннонди панчф няйфкс 16:14

Нят – кяжи ваймопожфт, конат тиендихть дивань тяштькст. Синь тусть сембе масторлангонь оцязорхненди кочкамост синь тюремас Сембонь Кирди Шкайть инь оцю шистонза.

Иоаннонди панчф няйфкс 18:2

Ангелсь ювадсь кайги вайгяльса: «Прась, прась инь оцю Вавилон ошсь! Сон тиевсь кяжи ваймопожфненди эряма вастокс и эрь кодама аф ару ваймопожфти кяшема вастокс, эрь кодама аф ару и нулготькс нармонти пизокс; сяс мес сон симдезень сембе ломаньтналхнень усксевомань кяжи винадонза.

Иоаннонди панчф няйфкс 18:23

Валдоптоматневок аф кармайхть валдоптома тейть, рьвяяень и рьвянянь вайгяльхтьке аф кулевихть тоньцот. И сембе сяс, мес тонь мишендихне-рамсихне ульсть сембода оцюкс масторлангса, и тонь колдувамацень вельде васькафтфтольхть сембе ломаньтналхне.

Иоаннонди панчф няйфкс 19:20

Кяжи жуватась кундафоль, а мархтонза аф афкуксонь пророкське, кона тиендсь кяжи жуватать инголе дивань тяштькст и васькафтозень сятнень, кит путфтозь эстейст кяжи жуватать тяштьфксонц и сюконякшнесть сонь ликонцты. Кяжи жуватась и аф афкуксонь пророксь живста ульсть ёрдафт юрнай палыкандоронь эрьхкти.

Иоаннонди панчф няйфкс 2:13

Мон содасайне тонь тефнень, и содаса, тон эрят тоса, коса кемокстазе озама вастонц Сатанась. Но тон ванфтсак Монь лемозень и ашеть лотка Тейне кемамда нльне эстонга, мзярда тинь ошсонт, коса эряй Сатанась, ульсь шавф Антипа, седи ваксста Монь колган азондысь.

Иоаннонди панчф няйфкс 2:24

Но тейнть, Фиатира ошста лиятненди, конат ашесть прафта тя тонафтомати и ашезь сода, кода корхтайхть, Сатанань крхкашить, Мон корхтан: аф путан лангозонт кодамовок од канкс.

Иоаннонди панчф няйфкс 2:9

Мон содасайне тонь тефнень, тонь маятаматнень и ашушицень (хуш афкукс тон козят). Содаса сяньге, кода тонь эсот сялдыхть сят, конат эсь пряснон лувсазь еврейкс, но синь аф еврейхть, а Сатанань пуромкс.

Иоаннонди панчф няйфкс 20:10

А идемэвозсь, кона васькафнезень синь, ёрдафоль толонь и палыкандоронь эрьхкти, косольхть ни кяжи жуватась и аф афкуксонь пророксь. Кармайхть тоса синь маятафтомост шинек-венек и пефтома пингс.

Иоаннонди панчф няйфкс 20:8

Синь вельхтязь марнек модать и перязь Шкаень ломаттнень ащема вастснон и Шкайть кельгома ошенц.

Иоаннонди панчф няйфкс 3:9

Мон макссайне тейть Сатанать пуромксста сятнень, кит лемнесазь пряснон еврейкс, но синь прокс аф сят, кикс лемнесазь пряснон, синь васькафнихть. Мон вятьфтсайне синь тейть и комафтсайне пильгозт. Эста синь содасазь – Мон кельгте тонь.

Иоаннонди панчф няйфкс 9:1

Ветеце ангелсь торазевсь – и мон няень тяште, кона прафоль менельста модать лангс. Тейнза максфоль потмаксфтома томбать эзда панжема.

Иоаннонди панчф няйфкс 9:20

А лядыкс ломаттне, конат ашесть кула ня машфтоматнень эзда, сяка ашесть шарфта эсь кядьсост тиф шкайдост. Синь ашесть лотка сюконякшнемда кяжи ваймопожфненди и зрняста, сияста, сереста, кевста и шуфтста тиф шкайснонды, конат аф няихть, аф кулихть, аф якайхть.