Иоаннонди панчф няйфкс 12:10 - Од Соткс Новый Завет на мордовском-мокша языке 2016

¹⁰ И мон кулень кайги вайгяль, кона корхтась менельса: «Тяни сась идемась и вийсь, и Шкаеньконь Оцязорксшиц, и Сонь эздонза кучф Христость азорксшиц, сяс мес минь кемай ялганьконь муворгофтысна ёрдаф тяста, ся, кие шинек-венек муворгофнезень синь Шкаеньконь инголе.

Иоаннонди панчф няйфкс 12:10 ပူးပေါင်းရင်းမြစ်များ

Матфей 26:64

Иисус каршезонза корхтай: «Тон тянь азыть. И нинге тейнть мярьган: курок тинь няйсасть Ломанень Цёрать, кона ащи озада Виить види кядь ширесонза и кона сай менелень коволхнень лангса».

Матфей 28:18

Иисус маладсь тейст и мярьгсь: «Тейне максф сембе азорксшись менельса и модать лангса.

Матфей 6:10

Катк сай Тонь Оцязорксшице; катк ули Тонь мяльцень коряс модалангсовок, кода менельса;

Лука 11:2

Иисус мярьгсь тейст: «Озондомста корхтада: Аляньке, кона менельса! Катк лувови инярукс Тонь лемце. Катк сай Тонь Оцязорксшице; катк ули Тонь мяльцень коряс, модалангсовок, кода менельса.

Лука 22:31

Азорсь мярьгсь: «Симон, Симон, ватт! Сатанати максовсь варжамс тинь и понжафтомс, кода тозерть.

Павелонь васенце сёрмац Коринфу 5:4

Мзярда тинь пуроптада Иисус Христос Азороньконь лемса и мон ваймопожфсон улян ётксонт, и Иисус Христос Азороньконь виецка ули мархтонк,

Павелонь омбоце сёрмац Коринфу 12:9

Но Сон мярьгсь тейне: «Тейть саты Монь пароказнедон. Монь виезе сембода лац няфневи лафчашиса». И сяс мон кенярдезь шнаян пря лафчашинень мархта, улеза-эряза эсон Христость виец.

Павелонь сёрмац Титонди 2:3

Тяфта жа сире аватнендивок прясна эряви вятемс кода ладяй иняруфненди, аф васькафнемс ломанень лангс, аф прафтомс симомати, а тонафнемс парошити.

Пёторонь васенце сёрмац 5:8

Уледа сргозьфт и фалу анокт, сяс мес тинь душманонте, идемэвозсь, якай вакссонт, кода уркоды лев, кона вешенди кинь сивомс.

Иоаннонди панчф няйфкс 11:15

Сисемце ангелсь торазевсь – и менельса кайгозевсть вии вайгяльхть, конат корхтасть: «Масторлангонь оцязорксшись ётась Азороньконь и Сонь Мессиянц кядялу! Азорсь кармай азорондама пефтома пингс!»

Иоаннонди панчф няйфкс 2:26

Ся, кие сяськи и петь самс кармай тиендема Монь мялезень коряс, сянди Мон максан азорксши лия тналонь ломаттнень лангса.

Иоаннонди панчф няйфкс 7:10

Синь ювадсть кайги вайгяльса: «Идемась сай Шкаеньконь эзда, кона озаф оцязоронь озама вастса, и Верозть эзда!»